وقۋ – اعارتۋ مينيسترلىگى: جوعارى مەكتەپ ەمتيحانى سۇراۋلارىنىڭ، ەمتيحان قاعازدارىنىڭ جالپى بارىسىن باسقارۋدى قاتايتۋ كەرەك

شينحۋا اگەنتتىگىنىڭ 4 – ايدىڭ 21 – كۇنى بەيجيڭنەن بەرگەن حابارى. وقۋ – اعارتۋ مينيسترلىگى 4 – ايدىڭ 21 – كۇنى مەملەكەتتىك وقۋ – اعارتۋ ءبىرتۇتاس ەمتيحان قىزمەتىنىڭ مينيسترلىكتەر ارا بىرىككەن ماجىلىسىنە مۇشە ورىندارمەن بىرگە 2026 – جىلعى مەملەكەتتىك ادەتتەگى جوعارى مەكتەپتەرگە وقۋشى قابىلداۋ ەمتيحانىنىڭ حاۋىپسىزدىك قىزمەتى جونىندە بەينە ەكران ءماجىلىسىن اشىپ، ەمتيحان سۇراۋلارىنىڭ، ەمتيحان قاعازدارىنىڭ جالپى بارىسىن باسقارۋدى قاتايتىپ، ەستۋ قۋاتى ەمتيحانىنىڭ حاۋىپسىزدىگىن قامتاماسىزداندىرۋدى كۇشەيتىپ، جوعارى عىلىم – تەحنيكامەن قارالىق ىستەۋدەن ساقتانىپ جانە وعان سوققى بەرىپ، قاتىستى رەفورمالاردىڭ تياناقتانۋىن ورنىقتى ىلگەرىلەتۋدى تالاپ ەتتى.

ءماجىلىس مىنالاردى العا قويدى: جوعارى مەكتەپ ەمتيحانىنىڭ دۇرىس بەتالىسىن مىقتاپ يگەرىپ، سۇراق شىعارۋ پرينسيبى، تەكسەرۋ مازمۇنى قاتارلى جاقتاردا يدەيالىق تاربيە مەن قۇن جەتەكشىلىگىن اناعۇرلىم كۇشەيتۋ؛ جوعارى مەكتەپ ەمتيحانىنىڭ ادىلدىگىنىڭ سوڭعى شەگىن مىقتاپ يگەرىپ، ادىلدىكتى جوعارى مەكتەپ ەمتيحانىنا وقۋشى قابىلداۋدىڭ جالپى بارىسىمەن، ءار جاعىمەن توعىستىرىپ، بايلىقتى الدىن الا ورنالاستىرۋدى كۇشەيتىپ، ەرەكشە ۇقىقتىڭ وقۋ ـ اعارتۋدىڭ ادىلدىگىن بۇلدىرۋىنەن قاتاڭ ساقتانۋ؛ جوعارى مەكتەپ ەمتيحانىنىڭ تاڭداۋ ولشەمىن مىقتى يگەرىپ، نازاردى عىلىم ـ تەحنيكانى دامىتۋعا، مەملەكەتتىڭ ستراتەگيالىق قاجەتىنە شوعىرلاندىرىپ، تاڭداۋ تاسىلىندە جاڭالىق اشىپ، جوعارى مەكتەپتەردى پاندەردىڭ كاسىپتىك ورنالاسۋىن رەتتەۋگە، پاندەردىڭ كاسىپتىك مازمۇنىن بايىتۋعا ءونىمدى جەتەكتەپ، وقۋ ـ اعارتۋ، عىلىم ـ تەحنيكا دارىندىلارىن ءبىر تۇلعالاندىرىپ دامىتۋعا جەتەكتەۋ كەرەك.

ءماجىلىس مىنالاردى تالاپ ەتتى: ەمتيحان الۋ قىزمەتىندەگى حاۋىپ - قاتەر تۇيىندەرىن، ءالسىز بۋىنداردى جاپپاي ءبىر - بىرلەپ تەكسەرىپ، رەتتەپ - تۇزەتىپ، ىستەن ىلگەرگى، ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتىپ، وقۋشى قابىلداۋ ۇگىت قىزمەتىن ۇزدىكسىز رەتكە سالىپ، مۇددەشىلدىك، شولاق ويلىلىق نىسايلارىن شىن مانىندە وڭاۋ؛ اماندىق، ءجۇرىس - تۇرىس، اس - سۋ، جاتىن ورىن، دەنساۋلىق ساقتاۋ، ىندەتتەن ساقتانۋ قاتارلى جاقتارداعى جالپىلىق قىزمەت وتەۋدى، قامتاماسىزداندىرۋدى كۇشەيتىپ، تالاپ كەستەسىن تولتىرۋعا جەتەكشىلىك ەتۋدى، الەۋمەتتىك قىزمەت وتەۋدى كۇشەيتىپ، ”جوعارى مەكتەپ ەمتيحانى ماۋسىمىنىڭ“ تاماشا قوعامدىق پىكىر ورتاسىن قالىپتاستىرۋ كەرەك.

كەلۋ قاينارى: حالىق تورابى