شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسىنىڭ ەرەكشە ەلشىسى سالونسايمەن كەزدەستى

4 - ايدىڭ 21 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇننىڭ ەرەكشە ەلشىسى رەتىندە ارنايى ساپارلاي كەلگەن لاوس حالىق توڭكەرىستىك پارتياسى ورتالىق كوميتەتى ساياسي بيۋروسىنىڭ مۇشەسى، زۇڭليدىڭ ۇنەمىلىك ىستەرگە جاۋاپتى ورىنباسارى سالونسايمەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 4 - ايدىڭ 21 - كۇنى، بەيجيڭ (ءتىلشى شاۋ ي - بو). 4 - ايدىڭ 21 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇننىڭ ەرەكشە ەلشىسى رەتىندە ارنايى ساپارلاي كەلگەن لاوس حالىق توڭكەرىستىك پارتياسى ورتالىق كوميتەتى ساياسي بيۋروسىنىڭ مۇشەسى، زۇڭليدىڭ ۇنەمىلىك ىستەرگە جاۋاپتى ورىنباسارى سالونسايمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو، لاوس ەكى پارتياسىنىڭ ءبىر - بىرىنە ەرەكشە ەلشى جىبەرىپ، وزدەرىنىڭ كەلەلى ساياسي كەڭەستىك تارتىپتەرىن حابارلاندىرۋى ەكى جاقتىڭ تەرەڭ ءداستۇرلى دوستىعىن جانە جوعارى دەڭگەيلى ساياسي ءوزارا سەنىمدىلىگىن ايگىلەدى. بيىل _ جۇڭگو مەن لاوستىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعى جانە ”جۇڭگو مەن لاوستىڭ دوستىق جىلى“. تاياۋدا باس شۋجي تۇڭلۇن ەكەۋىمىز ءوزارا حات جولداپ، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىن تەرەڭدەتۋ توڭىرەگىندە ماڭىزدى ورتاق تانىمعا كەلدىك.

باس شۋجي تۇڭلۇن باستاعان لاوس حالىق توڭكەرىستىك پارتياسى ورتالىق كوميتەتىنىڭ پارمەندى باسشىلىعىندا، لاوس پارتياسىنىڭ، مەملەكەتىنىڭ، حالقىنىڭ قيىندىقتاردى جەڭىپ، ءتۇرلى نىسانالاردى، مىندەتتەردى، ءسوز جوق، ءساتتى ورىنداپ، سوتسياليزم جولىمەن نىق قاداممەن ءجۇرىپ، پارتيا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىراتىندىعىنا سەنەمىن.

شي جينپيڭ بىلاي دەپ باسا دارىپتەدى: جاڭا تاريحي باستامادا جۇڭگو مەن لاوس ۇزدىكسىز ”16 ارىپتىك“ باعىت پەن ”ءتورت جاقسى“ رۋحتان جازباي، سوتسياليزمنىڭ بولاشاعى مەن تاعدىرىنا ساياتىن ستراتەگيالىق تۇرعىدا تىعىز سايكەسىپ جانە سەلبەسىپ، ستراتەگيالىق ۇشتاسۋدى تەرەڭدەتىپ، ناقتى ىستەر سەلبەستىگىن كەڭەيتىپ، تىزە قوسا وتىرىپ ورتاق سىن - سايىسقا توتەپ بەرىپ، جۇڭگو - لاوس تاعدىرلاس ورتاق تۇلعاسىن قۇرۋدىڭ جاڭا 5 جىلدىق ارەكەت جوسپارىنىڭ تياناقتانۋىن مىقتى يگەرىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ جوعارى ولشەمدى، جوعارى ساپالى، جوعارى دەڭگەيلى نىساناعا قاراي نىق قاداممەن العا باسۋىن ىلگەرىلەتۋى كەرەك.

سالونساي تۇڭلۇننىڭ باس شۋجي شي جينپيڭگە جازعان حاتىن جەتكىزىپ، لاوس حالىقتىق توڭكەرىس پارتياسىنىڭ 12 - قۇرىلتايىنا قاتىستى جاعدايلاردى حابارلاندىرىپ، مىنانى ءبىلدىردى: جۇڭگو ۇزاق ۋاقىت حاۋىپسىز، ورنىقتى ىشكى ساياسي، قوعامدىق ورتاسىن ساقتاپ، باياندى، جوعارى قارقىنمەن دامىعان ەكونوميكالىق دامۋ كەرەمەتتەرىن جاراتىپ، حالىقارالىق ساحناداعى رولى مەن ىقپالىن ۇزدىكسىز جوعارىلاتتى. لاوس جاق باس شۋجي شي جينپيڭ العا قويعان كەلەلى دۇنيە جۇزىلىك باستامالاردى باتىل قولدايدى، جۇڭگو جاقپەن جاپپاي ناقتى سەلبەستىكتى تەرەڭدەتىپ، لاوس - جۇڭگو تاعدىرلاس ورتاق تۇلعاسى قۇرىلىسىندا ۇزدىكسىز تىڭ تابىستارعا قول جەتكىزۋدى ىلگەرىلەتۋدى قالايدى.

ۋاڭ ي كەزدەسۋدە بىرگە بولدى.