”ي - ۋدىڭ دامۋ تاجىريبەسىن“ اناعۇرلىم ويداعىداي قورىتىندىلاپ، ويداعىداي پايدالانىپ، وزدەرىنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋ جونىندە ىزدەنىس جاساۋ كەرەك

شينحۋا اگەنتتىگى، 4 - ايدىڭ 23 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ماڭىزدى نۇسقاۋ بەرىپ، بىلاي دەپ اتاپ كورسەتتى: ي - ۋدىڭ شاعىن تاۋارلارى ۇلكەن بازارلارعا شىعارىلاتىن ۇلكەن كاسىپكە اينالىپ، ”ي - ۋدىڭ دامۋ تاجىريبەسىن“ قالىپتاستىردى، بۇل جەرگىلىكتى جاعدايعا قاراي اۋدان ءوڭىرى ەكونوميكاسىن دامىتۋدىڭ تابىستى امالياتى سانالادى.

شي جينپيڭ بىلاي دەپ باسا دارىپتەدى: دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋمەن ۇشتاستىرىپ، ”ي - ۋدىڭ دامۋ تاجىريبەسىن“ اناعۇرلىم ويداعىداي قورىتىندىلاپ، ويداعىداي پايدالانىپ، جەر - جەردى ءوزىنىڭ بايلىق قاسيەتىن تياناق ەتىپ، نەگىزگى ساتى مەن بۇقارانىڭ جاسامپازدىق رۋحىنا قۇرمەت ەتىپ، رەفورما جاساپ، جاڭالىق اشىپ، شىنايى يگەرىپ، ناقتى ىستەپ، ۇزاق ۋاقىت ۇلەس قوسىپ، وزدەرىنىڭ ءىس جۇزىندىك جاعدايىنا ۇيلەسەتىن جوعارى ساپالى دامۋ جولىمەن ءجۇرۋ جونىندە ىزدەنىس جاساپ، بۇكىل ەلدىڭ دامۋ جالپى جاعدايىنا اناعۇرلىم ويداعىداي قىزمەت وتەۋگە جانە ونىمەن توعىسۋعا باستاۋ كەرەك.

شي جينپيڭ جىجياڭدا قىزمەت ىستەگەن كەزىندە، ي - ۋعا تالاي رەت بارىپ تەكسەرۋ - زەرتتەۋ جۇرگىزىپ، ”ي - ۋدىڭ دامۋ تاجىريبەلەرىن“ قورىتىندىلاعان جانە جالپىلاستىرعان ەدى. جاقىنعى جىلداردان بەرى ي - ۋ ”شاعىن تاۋار، ۇلكەن بازاردىڭ“ جاڭا تاراۋىن ۇزدىكسىز جازدى، قازىر شاعىن تاۋارلار بازارىنىڭ ساۋدا تۇلعاسى ءبىر ميلليون 260 مىڭنان اسىپ، 230 نەشە مەملەكەتپەن جانە رايونمەن ساۋدا بارىس - كەلىسىن ورناتتى، 2025 - جىلى سىرتقى ساۋدا ەكسپورت سوماسى بۇكىل ەلدەگى اۋدانداردىڭ (قالا، رايون) الدىڭعى قاتارىنا ءوتتى.