ناقتى ىستەپ، جاۋاپكەرشىلىك ارقالاپ، ۇيرەنۋ تاربيەسى جەتىستىكتەرىنىڭ كادەگە جاراۋىن ىلگەرىلەتتى (دۇرىس ناتيجە كوزقاراسىن ورناتايىق جانە امالياتتا ايگىلەيىك)

دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى ورىستەتىلگەننەن بەرى جەر - جەر، تاراۋلار، ورىندار دەن قويا ۇيىمداستىرىپ، ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتىپ، ناقتى ىستەۋ، جاۋاپكەرشىلىك ارقالاۋ ارقىلى اۋەلگى ماقساتىن، بورىشىن امالياتتا ايگىلەپ، ۇيرەنۋ تاربيەسى جەتىستىكتەرىن ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ جانە حالىققا باقىت جاراتۋدىڭ ءىس جۇزىندىك ونىمدىلىگىنە اينالدىرۋعا قۇلشىندى.

ىشكەرىلەي ۇيرەنىپ، ەگجەي - تەگجەيلى ۇعىنىپ، نەگىزدى بەكەمدەدى

حىبەي ولكەسى لاڭفاڭ قالاسى باس شۋجي شي جينپيڭنىڭ دۇرىس ناتيجە كوزقاراسىن ورناتۋ جانە امالياتتا ايگىلەۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، پارتكوم (پارتيا باسشىلىق گرۋپپاسى) ءماجىلىسى، كىتاپ وقۋ كلاسى، نازاريا ۇيرەنۋ وزەكتى گرۋپپاسى جانە ”ءۇش جيىن، ءبىر ساباق“ سياقتى كوپ ءتۇرلى فورمالار ارقىلى ۇيرەنۋگە جەتەكشىلىك ەتۋدى، اۋىس - كۇيىس جاساۋدى، زەرتتەۋ - تالقىلاۋدى جانە ساقتىق تاربيەسىن دەن قويا ۇيىمداستىرىپ، ءار دارەجەلى پارتيا ۇيىمدارى مەن پارتيالى كادرلاردىڭ ىشكەرىلەي ۇيرەنىپ، ەگجەي - تەگجەيلى ءتۇسىنىپ، شىنايى اتقارىپ، يدەيالىق باعداردى اناعۇرلىم دۇرىستاپ، ناقتى ءىس ىستەۋ ستيلىن شىڭداۋىن ىلگەرىلەتتى.

شاندۇڭ ولكەسىنىڭ بينجوۋ قالاسى ۇيرەنۋ ارقىلى نەگىز سالۋعا تاباندى بولدى، اۋدان، باسقارما دارەجەلىدەن جوعارى باسشىلىق القالارى ۇيرەنۋ، تاربيەلەۋ، كىتاپ وقۋ كلاستارىنا ۇيىمداستىرىلدى. سونىمەن بىرگە، تۇرگە ءبولىپ تاربيەلەۋدى كۇشەيتىپ، شەشۋشى قىزمەت ورىندارىنداعى كادرلاردى، جاس كادرلاردى، جاڭادان وسىرىلگەن كادرلاردى ارناۋلى تاربيەلەۋ كۋرسىن اشىپ، تۇرلىشە كادرلار قاۋىمىنىڭ يدەياسىمەن، قىزمەت امالياتىمەن ۇشتاستىرىپ، ساقتىق تاربيەسى، دەلو مىسالدارىنا تالداۋ جاساۋ، ناق مايداندا وقىتۋ سياقتى تاسىلدەردى قولدانىپ، دۇرىس ناتيجە كوزقاراسىن كوكەيگە ۇيالاتىپ، ارەكەتتە ايگىلەدى.

باتىس تەرىستىك ەگىن، ورمان شارۋاشىلىعى عىلىم - تەحنيكا داشۋەسى قىزمەت ارناۋلى توبىن قۇرىپ، حابارلاندىرۋ، جاۋاپ قايتارۋ سياقتى مەحانيزمدەر ارقىلى ۇيرەنۋ تاربيەسىنىڭ جالپى تالابىن جاپپاي تياناقتاندىردى. سونىمەن بىرگە، تۇرلەر بويىنشا شارا قولدانۋعا باسا ءمان بەرىپ، باسشى كادرلارعا باعىتتاي وتىرىپ، ولاردى مەكتەپ باسقارۋ زاڭدىلىعىنا بويسۇنىپ، عىلمي شەشىم جاساۋ قابىلەتىن جوعارىلاتۋعا؛ وقىتۋشى پارتيا مۇشەلەرىنە باعىتتاي وتىرىپ، ولاردى اعارتۋشىلار رۋحىن، عالىمدار رۋحىن امالياتتا ايگىلەۋگە جەتەكتەپ، ءبىلىم بەرىپ، ادام تاربيەلەپ، عىلمي زەرتتەۋ جۇرگىزۋگە؛ وقۋشى پارتيا مۇشەلەرىنە قاراتا، ولاردى مۇرات - سەنىم نەگىزىن بەكەمدەۋگە جەتەكتەپ، كاسىپتىك ۇيرەنۋ، ەرىكتى قىزمەت وتەۋ سياقتى ناقتى ارەكەتتەردە ۇلگى بولۋعا جەبەدى.

ىشكەرىلەي تەكسەرىپ، ەگجەي - تەگجەيلى تۇزەتىپ، اۋىتقۋدان ساقتاندى

انحۇي ولكەسى ليۋ - ان قالاسى كاسىپورىنداردى، قىستاقتاردى ارالاۋ قيمىلىن ورىستەتۋدى ۇيرەنۋ تاربيەسىنىڭ ناقتى تۇتقاسى ەتتى. قالا، اۋدان، اۋىل سىندى ءۇش دارەجەلى پارتيالى كادرلار ءبىرىنشى شەپكە ءتۇسىپ، كاسىپورىندارعا، قىستاقتارعا باردى. نازاردى شارلاۋ، شارلاپ تەكسەرۋ بارىسىندا بايقالعان كورنەكتى ماسەلەلەرگە شوعىرلاندىرىپ، بەتپە - بەت پىكىر اۋىستىرۋ، تۇيىندەر بويىنشا قىزمەت وتەۋ ارقىلى ماسەلە ءتىزىمىن جاساپ، رەتتەۋ - تۇزەتۋ جاۋاپكەرشىلىگىن ناقتىلاندىرىپ، كاسىپورىنداردىڭ ءوندىرىس - تيجاراتىنداعى بوگەتتەردى، قيىن تۇيىندەردى جانە بۇقارانىڭ ءوندىرىس - تۇرمىسىنداعى شۇعىل، قيىن، ۋايىمداعان، ءزارۋ ماسەلەلەردى كۇش سالا شەشتى.

يۇننان ولكەسى نۋجياڭ ليسۋ اۆتونوميالى وبلىسى ءبىر جاعىنان ۇيرەنىپ، ءبىر جاعىنان تەكسەرىپ، ءبىر جاعىنان تۇزەتۋگە تاباندى بولدى، وبلىستىق پارتكومنىڭ تۇراقتى كوميتەتى باستاماشىلدىقپەن ۇلگى كورسەتىپ، شارلاۋ، قازىنالىق باقىلاۋ سياقتى ءتۇرلى اڭىس ەتىلگەن ماسەلەلەردى ارقاۋ ەتىپ، ءار دارەجەلى تاراۋلاردىڭ ناتيجە كوزقاراسىنداعى اعاتتىقتار باستى ماسەلەلەر تىزىمدىگىمەن سالىستىرىپ جاپپاي تەكسەرۋىنە جەتەكشىلىك ەتتى. ىشكەرىلەي تەكسەرۋ - زەرتتەۋ ارقىلى جول اشىپ، عىلمي شەشىم جاساپ، باعىتتامالى تۇردە بۇكىل وبلىستىڭ كاسىپ سالاسى ارقىلى بايۋعا جەتەكشىلىك ەتۋى ورنىقتى بولماۋ، كىرىستى ارتتىرۋ ارناسى كەڭ بولماۋ سياقتى ماسەلەلەردى شەشىپ، جەرگىلىكتى ورىننىڭ ەرەكشەلىككە يە كاسىپ سالاسىنىڭ دامۋىن ۇزدىكسىز ىلگەرىلەتتى.

حاينان ولكەسى لىدۇڭ ليزۋ اۆتونوميالى اۋدانى مىسال ارقىلى رەفورمانى، وڭاۋدى جەبەۋمەن، ورتالىقتىڭ شارلاۋدا اڭىس ەتكەن پىكىرلەرى بويىنشا رەتتەۋ - تۇزەتۋمەن، ءار دارەجەلى شارلاۋ، شارلاۋ - تەكسەرۋ جانە باقىلاۋ - تەكسەرۋدە بايقالعان ماسەلەلەرگە نازار اۋدارىپ، نازاردى تەڭىز جاعالاۋى بەلدەۋىنىڭ ەكولوگياسىن قالپىنا كەلتىرۋ سياقتى ماسەلەلەرگە شوعىرلاندىرىپ، ءوز ولقىلىقتارىن جاپپاي سارالاپ، ماسەلەنى ءدال تابۋعا، ءتىزىم جاساۋعا كۇش سالىپ، رەتتەۋ - تۇزەتۋدىڭ ناقتى تياناقتانۋىنا كەپىلدىك ەتتى.

ۇيرەنگەندى قولدانىپ، شىنايى يگەرىپ، ناقتى ىستەدى

جياڭسۋ ولكەسىنىڭ نانتۇڭ قالاسى ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتۋگە تاباندى بولىپ، دۇرىس ناتيجە كوزقاراسىن بەرىك ورناتىپ، ”جاڭا ءمانساپتىلاردىڭ كونە ەسەپتى ەلەمەۋىنە“ تيىم سالدى. جەرگىلىكتى ورىن باسشىلىق القانىڭ نەگىزگى جاۋاپتىلارىنىڭ مىندەتىنەن بوساۋىن وتكىزىپ بەرۋ - وتكىزىپ الۋدى تۇتقا ەتىپ، «نانتۇڭ قالالىق باسشىلىق القانىڭ نەگىزگى جاۋاپتىلارىنىڭ مىندەتىنەن بوساۋىن وتكىزىپ بەرۋ - وتكىزىپ الۋدى اتقارۋ پىكىرىن» شىعارىپ، اۋدان (قالا، رايون)، ورگان تاراۋلارى سياقتى تۇرلىشە تۇردەگى جاۋاپتىلارعا باعىتتاي وتىرىپ، وتكىزىپ بەرۋ، وتكىزىپ الۋ تىزىمدىگىن تۇرگە ءبولىپ جاساپ، ۇيىمداستىرۋ تاراۋلارى ۇقتىرۋ ءتۇسىرۋ، مىندەتىنەن بوساعاندار كەستە تولتىرۋ، ۇيىم ءماجىلىس اشىپ وتكىزىپ بەرۋ، ەكى جاقتىڭ بايلانىس، اۋىس - كۇيىس جاساۋى، مىندەتكە تاعايىندالۋشىلاردىڭ تەكسەرۋ - زەرتتەۋ جۇرگىزۋى سياقتى 5 باسقىشتى ايقىندادى. ”كونە ەسەپتى“ قابىلدايتىن، باسقاراتىن ادام بولۋىنا شىنايى كەپىلدىك ەتتى.

ۇيرەنۋ تاربيەسى ورىستەتىلگەننەن بەرى گۋاڭدۇڭ ولكەسى شانتوۋ قالاسى مىڭنان استام قالا باسقارۋشى كادردىڭ تۇيىندەرمەن بايلانىس جاسايتىن قىستاقتارعا (الەۋمەتتىك اۋماقتارعا) بارىپ، بۇقارامەن بايلانىس جاساپ، ناق مايداندا قىزمەت ىستەپ، بۇقارانىڭ ارىز - ارمانىن ۇعىسىپ، بۇكىل قالاداعى ءار دارەجەلى پارتيالى باسشى كادرلاردىڭ حالىقتىڭ ۇنىنە كەڭ كولەمدە قۇلاق اسۋىنا، حالىقتىڭ جاعدايىن تەكسەرۋىنە، حالىقتىڭ مۇڭ - مۇقتاجىن شەشۋىنە جەتەكشىلىك ەتىپ، رەتتەۋ - تۇزەتۋ، وڭاۋ ماسەلەسىن بۇقارا ءۇشىن ناقتى ىستەر ىستەۋىمەن، قيىن ىستەردى شەشۋىمەن ۇشتاستىردى.

جياڭشي ولكەسى جي - ان قالاسى شياجياڭ اۋدانى 60 جاستان اسقان، ۇيدە جالعىز تۇراتىن قارتتارعا ”ءبىر كنوپكامەن شاقىرۋ“ اسپابىن ازىرلەپ بەردى، قارتتار ”كىشكەنە كنوپكانى“ باسسا، جۇيە دەرەۋ قامقورشىسىنا جانە جۇپ قۇراعان قىستاق كادرلارىنا تەلەفون جالعاپ، كوپ دارەجەلى ءۇن قوسۋ سىندى شۇعىل جاعدايعا توتەپ بەرۋ مەحانيزمىن قالىپتاستىردى. شياجياڭ اۋدانى وقۋ - اعارتۋدى اشىق ۇستاۋعا تاباندى بولىپ، حالىقتىڭ قاجەتىن سۇراپ، حالىقتىڭ قامىن ويلاپ، قاتىناس، ءجۇرىس - تۇرىس، قالا مەن اۋىلدى سۋمەن قامداۋ، زەينەتكەرلىككە قىزمەت وتەۋ، جەدەل جەتكىزۋ ارقىلى قىستاققا جەتكىزۋ سياقتى ءبىر توپ ءتۇيىندى حالىق تۇرمىسى نىساندارىن ناقتى ىستەپ، ۇيرەنۋ تاربيەسى جەتىستىكتەرىنىڭ حالىققا تيىمدىلىك جاساۋدىڭ ناقتى ونىمدىلىگىنە اينالۋىن ىلگەرىلەتتى.

(«حالىق گازەتىنىڭ» تىلشىلەرى شى ي - چي، جوۋ ياجۇن، لي ماۋيىڭ، تيان شيانجين، ديڭ ياسۇڭ، شاۋ يۇيزى، لي زۇڭ، باي گۋاڭدي، لي رۇي، جوۋ حۋان)