التىن مەن كۇمىستىڭ باعاسى تومەندەدى 

ا ق ش مەن يران اراسىنداعى كەلىسسوزدىڭ تۇيىققا تىرەلۋىنىڭ ىقپالىنا ۇشىراعاندىقتان، 4 - ايدىڭ 28 – كۇنى بازاردا ايرىلماعان مۇنايمەن قامداۋعا بولعان الاڭداۋشىلىق ۇزدىكسىز كۇشەيىپ، حالىقارالىق بازاردا مۇناي باعاسى ۇزدىكسىز جوعارىلادى. بەيجيڭ ۋاقىتى بويىنشا 4 - ايدىڭ 28 - كۇنى ساعات 15 تەن 55 مينۋت وتكەندە، نيۋ - يورك تاۋار بيرجاسىندا 6 - ايدا تاپسىرىلاتىن ايرىلماعان مۇنايدىڭ ءار باررەلىنىڭ كەسىكتى باعاسى 98.90 دوللار بولىپ، قىمباتتاۋ مولشەرى %2.63 بولدى؛ 6 - ايدا تاپسىرىلاتىن لوندون برەنت ايرىلماعان مۇنايىنىڭ ءار باررەلىنىڭ كەسىكتى باعاسى 111.44 دوللار بولىپ، قىمباتتاۋ مولشەرى %2.97 بولدى. حالىقارالىق بازاردا التىن مەن كۇمىس باعاسىنىڭ وسىنىڭ الدىنداعى تومەندەۋ اۋقىمى ۇزدىكسىز جالعاسۋدا. نيۋ - يورك تاۋار بيرجاسىندا 6 - ايدا تاپسىرىلاتىن التىننىڭ ءار ۋنتسياسىنىڭ كەسىكتى باعاسى 4643 دوللار بولىپ، تومەندەۋ مولشەرى %1.08 بولدى؛ 5 - ايدا تاپسىرىلاتىن كۇمىستىڭ ءار ۋنتسياسىنىڭ كەسىكتى باعاسى 73.24 دوللار بولىپ، تومەندەۋ مولشەرى %2.38 بولدى.

كەلۋ قاينارى: حالىق تورابى