بوراننان ساقتانۋ تۋرالى كوك ءتۇستى ساقتىق دابىلى: شينجياڭ، چيڭحاي قاتارلى جەرلەردىڭ ءىشىنارا وڭىرلەرىندە 7 - 8 بال ۇيتقىمالى جەل سوعادى 

ورتالىق تەلەۆيزيا تورابىنىڭ حابارى: ورتالىق اۋا رايى ستانسياسى 4 - ايدىڭ 30 - كۇنى ساعات 6 دا بوراننان ساقتانۋ تۋرالى كوك ءتۇستى ساقتىق دابىلىن جاريالادى:

مەجەلەۋگە قاراعاندا، 4 - ايدىڭ 30 - كۇنى ساعات 8 دەن 5 - ايدىڭ 1 - كۇنى ساعات 08 گە دەيىن شينجياڭنىڭ شىعىس بولىگى مەن وڭتۇستىك شينجياڭداعى ويپاتتى ءوڭىر، چيڭحايدىڭ سولتۇستىك جانە وڭتۇستىك بولىگى، شيزاڭنىڭ سولتۇستىك بولىگى، گانسۋدىڭ باتىس بولىگى، نيڭشيا، ىشكى موڭعۇلدىڭ باتىس بولىگى مەن شىعىس – سولتۇستىك بولىگى، حيلۇڭجياڭنىڭ ورتا بولىگى، جيليننىڭ باتىس بولىگى قاتارلى جەرلەردىڭ ءىشىنارا وڭىرلەرىندە 5 ~ 6 بال جەل سوعادى، ۇيتقىمالى جەل كۇشى 7 ~ 8 بالعا جەتەدى، مۇندا، شينجياڭنىڭ شىعىس بولىگىندەگى تاۋ ساعاسىنداعى وڭىرلەردە جەل كۇشى 7 ~ 8 بالعا جەتەدى، ۇيتقىمالى جەل كۇشى 9 ~ 10 بالعا جەتەدى؛ دۇڭحاي تەڭىزىنىڭ كوپ بولىگىندە 7 ~ 8 دارەجەلى جەل سوعادى، ۇيتقىمالى جەل كۇشى 9 ~ 10 بالعا جەتەدى.

ساقتانۋ باعدارناماسى:

1. ورتالىق اۋا رايى ستانسياسى، جۇڭگو تەڭىزدە قۇتقارۋ ورتالىعى بوراننىڭ ىقپالىنا ۇشىرايتىن تەڭىز ايدىنىندا قاتىنايتىن، جۇمىس اتقاراتىن كەمەلەردى قاتىناۋ حاۋىپسىزدىگىنە نازار اۋدارۋدى ەسكەرتەدى؛

2. ورمان، جايلاۋ، قالا رايونىنداعى ورتتەن ساقتانۋ تاراۋلارى ورتتەن ساقتانۋ دايىندىعىن ويداعىداي ىستەۋى، اۋەجاي، تەمىرجول، تاسجول قاتارلى سالالارداعى قاتىناس باسقارۋ تاراۋلارى شارا قولدانىپ قاتىناس حاۋىپسىزدىگىنە كەپىلدىك ەتۋى كەرەك؛

3. بيىك ورىندا، سۋ ايدىنىندا سىرتتا ىستەلەتىن قىزمەت پەن ويىن - ساۋىق قيمىلدارىن توقتاتۋ، قورشاما تاقتا، سورەلى جارناما تاقتاسى، قاراپايىم قۇرىلعىلار قاتارلى جەل وڭاي ۇشىراتىن قۇرىلىستاردى بەكەمدەۋ نەمەسە ۇيلەسىمدى ورنالاستىرۋ كەرەك؛

4. بيىك عيماراتتاردىڭ، جارناما تاقتاسى سياقتى ۋاقىتتىق قۇرىلىستاردىڭ نەمەسە اعاشتىڭ تۇبىنە جاياۋلاردىڭ ايالداماعانى وڭ، مۇنداي ورىندارعا كولىك توقتاتپاعان ءجون.

كەلۋ قاينارى: حالىق تورابى