بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.05.07 16:50 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ شياۋجيە 5 – ايدىڭ 7 – كۇنى بەيجيڭنەن حابارلايدى. ءتىلشىنىڭ 5 – ايدىڭ 7 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، مەملەكەتتىك كەڭەستىڭ جۇمىستانۋدى جەبەۋ جانە ەڭبەكشىلەردى قورعاۋ قىزمەتىنە باسشىلىق ەتۋ گرۋپپاسى كەڭسەسى جۋىردا ۇقتىرۋ باسىپ تاراتىپ، 2026 – جىلى 4 – ايدان 7 – ايعا دەيىن، بۇكىل ەلىمىز كولەمىندە 2026 – جىلعى ادام كۇشى بايلىعى بازارىنىڭ ءتارتىبىن رەتتەۋ – وڭاۋ ارناۋلى ارەكەتىن ورىستەتۋ جونىندە ورنالاستىرۋ جاساعان.
بۇل رەتكى ارناۋلى ارەكەت بارىسىندا جۇمىستانۋدى جەبەۋ، ەڭبەكشىلەردى قامتاماسىزداندىرۋ قاتارلى سالالارداعى قاتىستى زاڭ – تۇزىمدەردى تياناقتاندىرۋدى توڭىرەكتەي وتىرىپ، ەڭبەكشىلەردىڭ ءادىل جۇمىستانۋ جاعىنداعى ۇقىق – مۇددەسىنە زيان جەتكىزۋ، جۇمىستانۋ بازارىنىڭ ءتارتىبىن ءبۇلدىرۋ قاتارلى ءتۇرلى زاڭعا قايشى كورنەكتى ارەكەتتەردى شوعىرلى تۇردە تۇزەتەدى، ينتەرنەت ارقىلى جۇمىسقا قابىلداۋ ءتارتىبىن قاتاڭ جۇيەگە ءتۇسىرىپ، ينتەرنەت ارقىلى جۇمىسقا قابىلداۋ جاعىندا قىزمەت وتەۋگە رۇقسات بەرۋ ءتۇزىمىن باسقارۋدى كۇشەيتىپ، ينتەرنەت ارقىلى جۇمىسقا قابىلداۋ تۇرىندەگى ينفورماتسيالاردى جاريالاۋدى جۇيەگە تۇسىرەدى؛ ”جۇمىسقا قابىلداۋ الدىندا كۋرسكە قاتىناسۋعا قارىز بەرۋ“ الدامكوستىگىن شوعىرلى تۇردە جونگە سالىپ، جۇمىسقا قابىلداۋدى جەلەۋ ەتىپ، جۇمىس ىزدەۋشىلەردى اقىلى تاربيەلەۋگە قاتىناستىرۋ جاعىنداعى الدامشىلىققا ءتۇيىندى تۇردە سوققى بەرەدى؛ جالعان جۇمىسقا قابىلداۋدى كۇش سالا جونگە سالىپ، ”ورتالىققا قاراستى كاسىپورىنعا، مەملەكەت باسقارۋىنداعى كاسىپورىنعا ىشكى جاقتان تانىستىرۋ“، ”قابىلداۋعا كەپىلدىك ەتىپ، تىكەلەي كەلىسىم جاساۋ“ قاتارلى جۇمىسقا قابىلداۋ جاعىنداعى جالعان ينفورماتسيالاردى اداقتايدى؛ سىرتقا ەڭبەككۇش شىعارۋدى جۇيەگە ءتۇسىرىپ، رۇقسات الماي ءوز بەتىمەن سىرتقا ەڭبەككۇش جىبەرۋ قىزمەتىمەن شۇعىلدانۋ، ”سىرتقا كوتەرمەگە بەرۋدى جەلەۋ ەتىپ، سىرتقا ەڭبەككۇش جىبەرۋ“ ماسەلەسىن ءتۇيىندى تۇردە تەكسەرىپ ءبىرجاقتى ەتەدى؛ جۇمىستانۋعا ساياتىن ءتۇرلى كەمسىتۋ ارەكەتتەرىن زاڭ بويىنشا تۇزەتەدى.
ءارقايسى رايوندار مەن قاتىستى تاراۋلار ءوز رايونى، ءوز سالاسىنداعى جۇمىسقا قابىلداۋ بازارىنداعى حاۋىپ – قاتەردى جالپى بەتتىك تەكسەرىپ انىقتايدى، ارىز – شاعىم ارناسىن بەلسەندىلىكپەن اشىق جاريالاپ، قوعامداعىلاردان ماسەلەلەردىڭ دەرەگىن جينايدى، تەكسەرۋ ارقىلى زاڭعا، تۇزىمگە قايشى ەكەنى انىقتالعان ارەكەتتەردى قاتاڭ، ناقتى تۇردە باتىل ءبىرجاقتى ەتىپ، ەڭبەكشىلەردىڭ ءادىل جۇمىستانۋ ۇقىق – مۇددەسىن شىنايى قورعايدى.
كەلۋ قاينارى: حالىق تورابى
