بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.05.08 15:51 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شىن چىڭ 5 – ايدىڭ 8 – كۇنى بەيجيڭنەن حابارلايدى. ءتىلشىنىڭ 5 – ايدىڭ 8 – كۇنى قازىنا مينيسترلىگىنەن ۇعىسۋىنشا، قازىنا مينيسترلىگى جۋىردا 2026 – جىلى مەكتەپكە دەيىنگى ءتالىم - تاربيەنى دامىتۋعا قولداۋ كورسەتۋ ءۇشىن 45 ميلليارد 800 ميلليون يۋان قارجى بولگەن، بۇل بىلتىرعىدان 12 ميلليارد 560 ميلليون يۋان ارتىپ، %38 جوعارىلاعان، جەرگىلىكتى ورىنداردىڭ مەكتەپكە دەيىنگى ءتالىم - تاربيەدە باۋلۋ - ماپەلەۋ تاربيەسى قاراجاتىن كەشىرىم ەتۋ ساياساتىن بەكەمدەۋىنە جانە تياناقتاندىرۋىنا ءتۇيىندى تۇردە قولداۋ كورسەتەدى؛ جالپىعا ءتيىمدى بايلىق قاينارىنداعى ولقىلىقتاردى تولىقتاپ، باۋلۋ - ماپەلەۋ تاربيەسىنىڭ ساپاسىن جوعارىلاتىپ، وتباسىندا ەكونوميكالىق قيىنشىلىعى بار بالالار سىندى توپتارعا قارجىلىق كومەك كورسەتۋ ءتۇزىمىن بەكەمدەيدى.
”14 – بەسجىلدىق“ مەزگىلىندە، ورتالىق قازىنا مەكتەپكە دەيىنگى ءتالىم - تاربيەنى دامىتۋعا جيىنى 126 ميلليارد 200 ميلليون يۋان قارجى ءبولدى. 2025 – جىلعى كۇزگى وقۋ ماۋسىمىنان باستاپ، ۇكىمەت باسقارۋىنداعى بالالار باقشالارىنىڭ مەكتەپكە دەيىنگى ءبىر جىلداعى بالالار باقشاسىنداعى بالالاردىڭ باۋلۋ - ماپەلەۋ تاربيەسى قاراجاتىن كەشىرىم ەتتى، حالىق باسقارۋىنداعى بالالار باقشالارىنداعى لايىقتى جاستاعى بالالارعا قاجەتتى قاراجاتتى سايكەستى تۇردە ازايتتى جانە كەشىرىم ەتتى، بالالار باقشالارىنداعى 14 ميلليوننان استام بالاعا تيىمدىلىك جاساپ، وتباسىلاردىڭ ءتالىم – تاربيە جاعىنداعى شىعىسىن 20 ميلليارد يۋاننان استام ازايتتى.
كەلەسى قادامدا، قازىنا مينيسترلىگى وقۋ – اعارتۋ مينيسترلىگىمەن بىرگە جەرگىلىكتى ورىندارعا جەتەكشىلىك ەتىپ، ولكە دارەجەلى ورىنداردىڭ ءبىرتۇتاس جوسپارلاۋ رولىن تولىق ساۋلەلەندىرىپ، ورتالىقتىڭ قوسىمشا قاراجاتى مەن جەرگىلىكتى ورىندار ارقالاۋعا ءتيىستى باۋلۋ - ماپەلەۋ تاربيەسى قاراجاتىن كەشىرىم ەتۋگە قاتىستى قوسىمشا قاراجاتتى ۇيلەسىمدى ورنالاستىرىپ، بالالار باقشالارىنىڭ قالىپتى اينالىمىنا كەپىلدىك ەتەدى. سونىمەن بىرگە، مەكتەپكە دەيىنگى ءتالىم - تاربيەنىڭ ساپاسىن جوعارىلاتۋ قىزمەتىن ىشكەرىلەي ىلگەرىلەتىپ، ولقىلىقتاردى تەز ارادا تولىقتاپ، بالالار باقشالارىن باسقارۋ قىزمەت دەڭگەيىن ورنىقتى جوعارىلاتادى.
كەلۋ قاينارى: حالىق تورابى
