قوعام حاۋىپسىزدىگى مينيسترلىگى «جولداعى قاتىناس شىرعالاڭىن ءبىرجاقتى ەتۋ ءتارتىبى جونىندەگى بەلگىلەمەگە» وزگەرىس ەنگىزۋ تۋرالى اشىق تۇردە پىكىر قابىلدايدى 

شينحۋا اگەنتتىگىنىڭ تىلشىلەرى لي ميڭحۇي، سۇن پىڭچىڭ 5 – ايدىڭ 8 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگى 5 - ايدىڭ 8 – كۇنى «جولداعى قاتىناس شىرعالاڭىن ءبىرجاقتى ەتۋ ءتارتىبى جونىندەگى بەلگىلەمەگە» وزگەرىس ەنگىزۋ تۋرالى قاۋلىعا (پىكىر الىناتىن نۇسقا) اشىق تۇردە پىكىر قابىلدادى. جۇرتشىلىق قوعام حاۋىپسىزدىگى مينيسترلىگىنىڭ تورابىنان (www.mps.gov.cn) اشىق تۇردە پىكىر الىناتىن نۇسقاسىن كورە الادى، قاتىستى پىكىر – ۇسىنىستاردى قوعام حاۋىپسىزدىگى مينيسترلىگىنىڭ تورابىندا ينتەرنەت ارقىلى ورتاعا قويۋعا بولادى.

قازىرگى كۇشكە يە «جولداعى قاتىناس شىرعالاڭىن ءبىرجاقتى ەتۋ ءتارتىبى جونىندەگى بەلگىلەمە» جيىنى 114 تارماقتان قۇرالعان، پىكىر الىناتىن نۇسقاسىندا 9 تارماققا وزگەرىس ەنگىزىلمەكشى، نەگىزىنەن مىنالاردى قامتيدى: ءبىرىنشى، موتورلى كولىكتىڭ تەكسەرۋدە تولىمدى بولعانىن بىلدىرەتىن بەلگىسىنە نەمەسە قامسىزداندىرۋ بەلگىسىنە قويىلاتىن تالاپتى رەتتەۋ؛ ەكىنشى، شىرعالاڭدى ءبىرجاقتى ەتۋ ءتاسىلى جانە تۇراقتاندىرۋ ىسپاتتاماسىنا قول قويۋ، ونى جەتكىزۋ جونىندەگى بەلگىلەمەنى رەتتەۋ؛ ءۇشىنشى، شىرعالاڭ تۋىلعان ورىندى تەكسەرۋ قىزمەتىنە قويىلاتىن تالاپتى رەتتەۋ؛ ءتورتىنشى، ىسپات ماتەريالى رەتىندەگى ەلەكتروندىق ساندىق مالىمەت تۇرلەرىن تولىقتاۋ؛ بەسىنشى، شىرعالاڭ تۋدىرىپ قاشىپ كەتۋشىنىڭ جاۋاپكەرشىلىگىن تۇراقتاندىرۋ جونىندەگى ەرەجەنى كەمەلدەندىرۋ؛ التىنشى، شىرعالاڭدى تۇراقتاندىرۋدى قايتا تەكسەرۋ قورىتىندىسىنا قويىلاتىن تالاپتى ەگجەي – تەگجەيلى بەلگىلەۋ.

كەلۋ قاينارى: حالىق تورابى