مىنا جەرلەردە ℃40 شىجىعان ىستىق بولادى 

كوكتەمگى كيىمدەرىڭىزدەن ىستىقتاپ، قىسقا جەڭدى كيىمدەرىڭىزدى كيۋگە دايىندالدىڭىز با؟ 5 – ايدىڭ 10 – كۇنىنەن 15 – كۇنىنە دەيىن، سولتۇستىكتە بيىلعى تۇڭعىش رەتكى كەڭ كولەمدى جوعارى تەمپەراتۋرالى اۋا رايى جارىققا شىعادى، حىنان، شاندۇڭ، حىبەي، شانشي قاتارلى كوپتەگەن ولكەلەردە ℃35 جانە ودان جوعارى تەمپەراتۋرالى اۋا رايى جارىققا شىعادى.

وتكەن ەكى كۇندە، سۋىق اعىس وڭتۇستىككە قاراي تەز ويىسىپ، وڭتۇستىك پەن سولتۇستىكتەگى كوپ جەرلەرگە ىقپال جاساپ، تەمپەراتۋرا قىسقا مەرزىم ىشىندە بۇرىنعى جىلدارداعىدان تومەن بولۋ كۇيىنە ءوتتى. دەگەنمەن بۇل سۋىق اعىستىڭ كەلۋىنەن كەتۋى تەز بولدى، 5 – ايدىڭ 8 – كۇنىنەن باستاپ سولتۇستىكتەگى كوپ ءبولىم وڭىرلەردە تەمپەراتۋرا جوعارىلاي باستادى. كەلەسى اپتانىڭ باسىنا دەيىن، ەلىمىزدىڭ كوپ ءبولىم وڭىرلەرىندە تەمپەراتۋرا ۇزدىكسىز جوعارىلايدى، اسىرەسە، چاڭجياڭنان سولتۇستىككە قارايعى جەرلەردە تەمپەراتۋرانىڭ جوعارىلاۋى كورنەكتى بولادى، اپتا سوڭىنىڭ الدى - ارتىندا سولتۇستىك جۇڭگو، حۋاڭحى – حۋايحى الابىنىڭ كوپ جەرلەرىندە ەڭ جوعارى تەمپەراتۋرا ℃30 تان اسادى.

كەلەسى اپتانىڭ باسىندا، سولتۇستىكتە كۇن اشىق بولىپ، تەمپەراتۋرا قايتادان جوعارىلايدى، سولتۇستىك جۇڭگونىڭ وڭتۇستىك بولەگى، حۋاڭحى – حۋايحى الابى جانە شانشيدىڭ گۋانجۇڭ ءوڭىرى قاتارلى جەرلەردە بيىلعى تۇڭعىش رەتكى جوعارى تەمپەراتۋرالى اۋا رايى جارىققا شىعادى. جۇڭگو اۋا رايى تورابىنىڭ مەتەورولوگيالىق تالداۋشىسى يە مىڭلۇڭنىڭ تانىستىرۋىنشا، بۇل سولتۇستىكتەگى بيىلعى تۇڭعىش رەتكى جوعارى تەمپەراتۋرالى اۋا رايى بارىسى بولىپ، نەگىزىنەن شانشي، حىبەي، شاندۇڭ، سانشي، حىنان سياقتى ولكەلەرگە ىقپال جاسايدى، 5 - ايدىڭ 13 – كۇنىنىڭ الدى – ارتىندا ىقپال كولەمى ەڭ كەڭ بولادى، حىبەيدىڭ باتىس - وڭتۇستىك بولەگىندە، حىناننىڭ سولتۇستىك بولەگىندەگى ءىشىنارا جەرلەردە ەڭ جوعارى تەمپەراتۋرا ℃40 اينالاسىندا بولۋى مۇمكىن.

كەلۋ قاينارى: حالىق تورابى