ورتالىق كوميتەتتىڭ ۇگىت ءبولىمى قاتارلى تاراۋلار 2026 – جىلعى مادەنيەت، عىلىم – تەحنولوگيا، دەنساۋلىق ساقتاۋ سالالارىندا ”ءۇشتى اۋىل - قىستاققا جەتكىزۋ“ قيمىلىن ورىستەتۋ جونىندە ورنالاستىرۋ جاسادى

شينحۋا اگەنتتىگىنىڭ 5 – ايدىڭ 8 – كۇنى بەيجيڭنەن بەرگەن حابارى. جۋىقتا، ورتالىق كوميتەتتىڭ ۇگىت ءبولىمى، مەملەكەتتىك دامۋ - رەفورما كوميتەتى، وقۋ – اعارتۋ مينيسترلىگى، عىلىم – تەحنولوگيا مينيسترلىگى، ءادىليا مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مادەنيەت جانە ساياحات مينيسترلىگى، مەملەكەتتىك دەنساۋلىق ساقتاۋ - سالاماتتىق كوميتەتى، راديو – تەلەۆيزيا باس مەڭگەرمەسى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى، جۇڭگو ادەبيەت – كوركەمونەرشىلەر بىرلەستىگى، جۇڭگو عىلىم – تەحنولوگيا قوعامى بىرلەسىپ حابارلاندىرۋ باسىپ تاراتىپ، 2026 – جىلعى مادەنيەت، عىلىم – تەحنولوگيا، دەنساۋلىق ساقتاۋ سالاسىنداعى ”ءۇشتى اۋىل - قىستاققا جەتكىزۋ“ قيمىلىن ورىستەتۋ جونىندە ورنالاستىرۋ جاسادى.

حابارلاندىرۋدا مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ مادەنيەت يدەياسىن جانە باس شۋجي شي جينپيڭنىڭ اۋىل شارۋاشىلىعى، اۋىل – قىستاق، شارۋالار قىزمەتى جونىندەگى ماڭىزدى بايىمداۋلارىن جاپپاي دايەكتىلەندىرىپ، سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، اۋىل – قىستاقتاعى حالىق سانى قۇرىلىمى مەن شارۋالاردىڭ ءوندىرىس، تۇرمىس تاسىلىندەگى وزگەرىسكە ىرىقتىلىقپەن ۇيلەسىپ، ۇيىمداستىرۋ ءتاسىلى مەن قيمىل مازمۇنىن ۇزدىكسىز جاقسارتىپ، جاڭالىق جاراتىپ، ءتۇرلى جاقتاردىڭ كۇش – قۋاتىن كەڭ كولەمدە جۇمىلدىرىپ، اناعۇرلىم كوپ ساپالى مادەنيەت، عىلىم – تەحنولوگيا، دەنساۋلىق ساقتاۋ بايلىعىن اۋىل – قىستاققا توتە جەتكىزۋدى ىلگەرىلەتىپ، ”ءۇشتى اۋىل – قىستاققا جەتكىزۋ“ قيمىلىن اۋىل – قىستاقتىڭ ناقتى جاعدايىنا اناعۇرلىم سايكەستىرىپ، شارۋالاردىڭ تىلەگىن اناعۇرلىم ويداعىداي قاناعاتتاندىرىپ، نەگىزگى ساتىداعىلاردى شىنايى يگىلىككە كەنەلتىپ، اۋىل – قىستاقتى جاپپاي گۇلدەندىرۋدى ىلگەرىلەتۋگە، اۋىل شارۋاشىلىعى مەن اۋىل – قىستاقتى وسىزامانداندىرۋدى جەدەلدەتۋگە دەم بەرۋ كەرەك.

حابارلاندىرۋدا مىنالار العا قويىلدى: مادەنيەت – كوركەمونەردى اۋىل - قىستاققا جەتكىزىپ، ءار دارەجەلى، ءار ءتۇرلى ادەبيەت – كوركەمونەر ۇيىمدارىن اۋىل – قىستاققا بارىپ مادەنيەت سالاسىندا قىزمەت وتەۋگە ۇيىمداستىرىپ، بۇقارالىق ءان – ءبي، مۋزيكا ورىنداۋ، الاڭ ءبيى، ”اۋىل كەشى“، ”قىستاق ءانى“ قاتارلى بۇقارالىق مادەنيەت - دەنە تاربيە قيمىلدارىن ناقتىلى قولداپ، شارۋالار جۇرتشىلىعىنىڭ رۋحاني مادەنيەت جاعىنداعى قاجەتىن ۇزدىكسىز قاناعاتتاندىرۋ كەرەك. زاڭ سالاسىندا قىزمەت وتەۋدى اۋىل – قىستاققا جەتكىزىپ، اۋىل – قىستاق تاقىرىبىنداعى زاڭ جالپىلاستىرۋ قيمىلىن ۇنەمىلىك ورىستەتىپ، اۋىل – قىستاقتا ”زاڭدى بىلەتىن ادام“، ”زاڭمەن باسقارۋعا باستاماشى بولاتىن ادام“ تاربيەلەۋدى كۇشەيتۋ كەرەك. اۋىل شارۋاشىلىعى تەحنولوگياسىن اۋىل - قىستاققا جەتكىزىپ، اۋىل – قىستاق كاسىپ سالاسىنىڭ دامۋ قاجەتىنە نەگىزدەلىپ ارناۋلى كۋرس ورىستەتىپ، اۋىل شارۋاشىلىعى ونىمدەرىن ۇگىتتەۋدى، ءوندىرىس پەن ساتۋدى ۇشتاستىرۋدى جەبەپ، شارۋالاردىڭ بايۋ، كىرىسىن ارتتىرۋ ارناسىن كەڭەيتۋ كەرەك. عىلىم - ءبىلىمدى اۋىل - قىستاققا جەتكىزىپ، عىلىمدى جالپىلاستىرۋدا ۇلگى كورسەتۋ قيمىلىندا جاڭالىق جاراتىپ، عىلىم جالپىلاستىرۋ جاعىنداعى ۇزدىك تۋىندىلاردى جارىققا شىعارۋ كەرەك. ەمدەۋ بايلىعىن اۋىل - قىستاققا جەتكىزىپ، تەگىن ەمدەۋ قيمىلى اپتالىعى، ايگىلى شيپاگەرلەردىڭ نەگىزگى ساتىعا بارۋى قاتارلى قيمىلداردى ۇيىمداستىرىپ، اۋىل، قىستاق سىندى ەكى دارەجەلى ورىندا تۇراقتى تۇرىپ ەمدەۋ جانە ارالاپ ءجۇرىپ ەمدەۋ جاعىندا قىزمەت وتەۋدى ورىستەتىپ، ساپالى ەمدەۋ بايلىعىن شارۋالاردىڭ جانىنا جەتكىزۋ كەرەك. الەۋمەتتىك يگىلىك جاعىندا قىزمەت وتەۋدى اۋىل - قىستاققا جەتكىزىپ، اۋىل – قىستاقتاعى بالالار، ايەلدەر، قارتتار قاتارلى توپتارعا باعىتتاي وتىرىپ قامقورلىق جاساۋ، كومەك بەرۋ ارەكەتتەرىن ورىستەتىپ، اۋىل – قىستاقتاعى ۇيلەنۋ جاسىنداعىلارعا قوعامدىق يگىلىك سيپاتتى ۇيلەنۋ جاعىندا قىزمەت وتەۋدى جانە قامقورلىق جاساۋدى كۇشەيتۋ كەرەك.

حابارلاندىرۋدا مىنالار تالاپ ەتىلدى: ءارقايسى رايوندار مەن ءارقايسى قاتىستى تاراۋلار مۇقيات ۇيىمداستىرىپ تياناقتاندىرىپ، ناقتى ونىمدىلىككە ءمان بەرىپ، تيپتىك ونەگە كورسەتۋدى كۇشەيتىپ، تاجىريبەلەردى قورىتىندىلاپ جالپىلاستىرىپ، «ءۇشتى اۋىل – قىستاققا جەتكىزۋ» قيمىلىنىڭ اۋىلدا ۇنەمى بولۋىن، اۋىلعا ۇنەمى يگىلىك جاساۋىن ىلگەرىلەتۋ كەرەك. قىزمەت ناتيجەسى جونىندە دۇرىس كوزقاراس ورناتىپ جانە امالياتتا ايگىلەپ، ورتالىقتىڭ سەگىز ءتۇرلى بەلگىلەمەسىن جانە ونى اتقارۋدىڭ ەگجەي – تەگجەيلى ەرەجەلەرىنىڭ رۋحىن قاتاڭ تياناقتاندىرىپ، نەگىزگى ساتىداعىلارعا اۋىرتپالىق سالماۋ كەرەك.

كەلۋ قاينارى: حالىق تورابى