3 تاراۋ جاڭا ەنەرگيالى اۆتوكولىك حاۋىپسىزدىگىن باسقارۋدى ۇزدىكسىز كۇشەيتۋدى ورنالاستىردى

ونەركاسىپ جانە ينفورماتسيالاندىرۋ مينيسترلىگى جابدىق ونەركاسىبى 1 ـ مەڭگەرمەسى، مەملەكەتتىك بازاردى باقىلاۋ ـ باسقارۋ باس مەكەمەسى ساپانى دامىتۋ مەكەمەسى، مەملەكەتتىك ءورت ءسوندىرۋ جانە ورتتەن ساقتانۋ قۇتقارۋ ـ كومەكتەسۋ مەكەمەسى ءورت ءسوندىرۋ جانە ورتتەن ساقتانۋدى باقىلاۋ مەڭگەرمەسى 5 – ايدىڭ 14 - كۇنى بەينە ەكران ءماجىلىسىن بىرلەسىپ اشىپ، جاڭا ەنەرگيالى اۆتوكولىكتەردىڭ حاۋىپسىزدىگىن باسقارۋدى ۇزدىكسىز كۇشەيتىپ، كاسىپ سالاسىنىڭ اقاۋسىز، باياندى دامۋىن قامتاماسىز ەتۋدى ورنالاستىردى. ءماجىلىس مىنالاردى تالاپ ەتتى:

اۆتوكولىك وندىرەتىن كاسىپورىندار مەن قوزعاۋشى كۇش باتەرياسىن وندىرەتىن كاسىپورىندار ءونىم ساپاسى حاۋىپسىزدىگىنىڭ تۇلعالىق جاۋاپكەرشىلىگىن سانالى تۇردە ارقالاپ، ءونىم ساپاسى حاۋىپسىزدىگىن باسقارۋدى ”ەڭ ماڭىزدى ينجەنەريا“ رەتىندە شىنايى، ناقتى، ەگجەي ـ تەگجەيلى يگەرۋ كەرەك؛

ءونىمدى زەرتتەپ اشۋ، جوبالاۋ، ءوندىرۋ - جاساۋ، قامداۋ تىزبەگىن باسقارۋ، اينالىمدى باقىلاۋ ـ تەكسەرۋ، ساتىلعاننان كەيىنگى قىزمەت وتەۋ قاتارلى جاقتاردى ارقاۋ ەتىپ، حاۋىپ ـ قاتەردەن ساقتانۋدى ويداعىداي ىستەۋ ءارى ۇقتىرۋ بورىشىن قاتاڭ اتقارىپ، تۇتىنۋشىلاردى اۆتوكولىكتەردى دۇرىس پايدالانۋعا جەتەكتەۋ كەرەك، اسىرەلەۋگە جانە جالعان ۇگىت جۇرگىزۋگە بولمايدى؛

شىرعالاڭنىڭ كومەسكى قاتەرىن ىشكى جاقتان مالىمدەۋ، سيلاۋ مەحانيزمىن ورناتىپ جانە كەمەلدەندىرىپ، شىرعالاڭنىڭ كومەسكى قاتەرىن تەكسەرۋدى تەرەڭدەتىپ، حاۋىپسىزدىكتىڭ سوڭعى شەگىن باتىل ساقتاۋ كەرەك.

كەلەسى قادامدا 3 تاراۋ قاتىستى تاراۋلارمەن بىرگە قىزمەت سەلبەستىگىن ونان ارى كۇشەيتىپ، قىزمەت شارالارىن كەمەلدەندىرىپ، حاۋىپسىزدىك كومەسكى قاتەرىن تەكسەرۋ مەن كەمىستىكتەردى تەكسەرۋدى ۇيىمداستىرىپ، جول موتورلى كولىك ونىمدەرىن ءوندىرۋ مەن ساپانى جوعارىلاتۋ ارناۋلى قيمىلىن اتقارىپ، كاسىپورىنداردىڭ بەلگىلەمەگە قايشى ارەكەتتەرىن قاتاڭ تەكسەرىپ ءبىر جاقتى ەتىپ، كاسىپ سالاسىنىڭ دامۋىنداعى تاماشا ءتارتىپتى باتىل قورعايدى.

كەلۋ قاينارى: حالىق تورابى