103 - ءنومىرلى جاڭا بەنزين پايدالانۋعا بەرىلدى 

ەلىمىز دەربەس زەرتتەپ وندىرگەن 103 – ءنومىرلى جارىس اۆتوموبيلى بەنزينى 5 – ايدىڭ 16 - كۇنى شينجياڭدا رەسمي قولدانىلا باستادى، بۇل ەلىمىز ىشىندە تۇڭعىش توپتا ونەركاسىپتەندىرىپ وندىرىلگەن 103 – ءنومىرلى جوعارى ولشەمدەگى جارىس اۆتوموبيلىنىڭ بەنزينى بولىپ، ەلىمىزدە جوعارى قۋاتتى جارىس اۆتوموبيلى جانارمايى سالاسىنداعى بوستىقتى تولتىرىپ، ەلىمىزدىڭ جوعارى دارەجەلى جارىستارعا قولدانىلاتىن جانارمايدى ۇزاق ۋاقىتتان بەرى يمپورت ەتۋگە سۇيەنەتىن جاعدايىن تامامدادى.

بەنزيننىڭ دارەجەلىك ءنومىرى ادەتتە ونىڭ وكتان ءمانىن كورسەتەدى، ال، وكتان ءمانى بەنزيننىڭ قوپارىلىسقا توزىمدىلىگىن باعالايتىن ماڭىزدى كورسەتكىش بولىپ، موتوردىڭ قۋات شىعارۋ شەگى مەن اينالىم ورنىقتىلىعىن تىكەلەي بەلگىلەيدى. جارىس اۆتوموبيلىنىڭ بۇل رەت قولدانىلا باستاعان 103 – ءنومىرلى بەنزينى، جارىس اۆتوموبيلى موتورىنىڭ جوعارى اينالۋ جىلدامدىعىنا، زور كوتەرىمدىلىگىنە، ۇزاق ۋاقىت ءۇزىلىسسىز جۇمىس ىستەيتىن شەكتەن تىس قىزمەت جاعدايىنا باعىتتاپ وندىرىلگەن جوعارى دارەجەلى ءونىم. ءونىمدى زەرتتەۋ ءادىسى بويىنشا وكتان قۇنى 103 تەن جوعارى بولىپ، بازاردا ساتىلاتىن 98 – ءنومىرلى اۆتوموبيل بەنزينىنەن 5 بىرلىك دارەجەسىندەي جوعارى، جارىس اۆتوموبيلى موتورىنىڭ جوعارى قىسىمنىڭ باسىمى، جوعارى كوتەرىمدىلىك جاعدايى بارىسىندا قوپارىلىس تۋىلۋ حاۋپىن ءونىمدى تومەندەتەدى.

جارىس اۆتوموبيلى ۇزاق ۋاقىت جوعارى ايلانۋ جىلدامدىعى، زور كوتەرىمدىلىك جاعدايىندا جۇمىس ىستەيتىندىكتەن، جانارمايدىڭ قوپارىلىستان ساقتانۋ سيپاتىنا، جانۋ سايكەسىمدىلىگىنە جانە قۋاتتى ورنىقتى شىعارۋ يقۋاتىنا اناعۇرلىم جوعارى تالاپ قويىلادى. ۇزاق ۋاقىتتان بەرى، ەل ىشىندەگى جوعارى دارەجەلى جارىستارداعى جانارماي بازارى كوپتەگەن جاعدايدا يمپورت ەتىلگەن جارىس جانارمايىنا سۇيەنىپ كەلدى، ءىشىنارا اۆتوكولىك ۇجىمدارى دا موتوردىڭ قاجەتىنە قاراي ءوز بىلگەنىنشە جانارماي دايىندايتىن، ساتىپ الۋ مەرزىمى ۇزاق، وزىندىك قۇنى جوعارى بولۋدان سىرت، قامداۋ تىزبەگىنىڭ ورنىقسىز بولۋ حاۋپى دە ساقتالعان.

كەلۋ قاينارى: حالىق تورابى