جۇمىس ىزدەۋشىلەرگە جاڭا وراي كوپ! مەملەكەت مىناداي ارەكەتتى اتقارادى 

مەملەكەتتىك كەڭەستىڭ جۇمىستاندىرۋدى جەبەۋ جانە ەڭبەكشىلەردى قورعاۋ قىزمەتىنە باسشىلىق ەتۋ گرۋپپاسى باسىپ تاراتقان «جۇمىس ورنىن ورنىقتىرۋ – كەڭەيتۋ جانە ساپاسىن جوعارىلاتۋ ارەكەت جوباسى» 5 - ايدىڭ 18 - كۇنى جاريالاندى، وندا ءتۇيىندى سالالاردا ەڭبەككۇش ىستەتۋ، جۇمىستاندىرۋ كومەسكى قۋاتىن اشۋ، جۇمىستاندىرۋ ساپاسىن جوعارىلاتۋ قاتارلى جاقتاردى توڭىرەكتەي وتىرىپ، ساياساتتىق شارالار ورتاعا قويىلعان.

ءتۇيىندى سالالاردا ەڭبەككۇش ىستەتۋدى كۇش سالا ورنىقتىرۋ جاعىندا، جەرگىلىكتى جاعدايعا قاراي جاساۋ كاسىبىن دامىتۋ ارقىلى جۇمىستاندىرۋ ارتتىرىلىپ، قۇرىلىس، قونالقى، اس - سۋ قاتارلى سالالاردا جۇمىستاندىرۋ ءورىسىن اشۋعا قولداۋ كورسەتىلىپ، ساياساتتىق جۇمىس ورىندارىنىڭ قابىلداۋ كولەمى ورنىقتىرىلادى.

ءتۇرلى ارنالار مەن سالالاردىڭ جۇمىستاندىرۋداعى كومەسكى قۋاتىن اشۋ جاعىندا، تۇتىنۋ سالاسىنداعى جۇمىستاندىرۋ ءورىسىن كەڭەيتىپ، نىساندارعا قارجى قوسۋدى اتتىرۋ ارقىلى جۇمىستاندىرۋدى جەبەيدى، جاڭا ساپالى وندىرگىش كۇشتەردى دامىتۋ ارقىلى جۇمىس ورىندارىن جاراتادى، حالىق تۇرمىسىنا قىزمەت وتەۋ سالاسىنداعى جۇمىستاندىرۋ سيىمدىلىعىن كەڭەيتىپ، قالا مەن اۋىلدى سايكەستى دامىتۋدا جۇمىستاندىرۋ جاعىنداعى كوتەرىمدىلىك قۋاتىن جوعارىلاتىپ، شارۋاشىلىق قۇرۋدىڭ جۇمىستاندىرۋدى جەبەۋ رولىن ءونىمدى تاسقىنداتادى.

جۇمىستاندىرۋ ساپاسىن كۇش سالا جوعارىلاتۋ جاعىندا، كاسىپتىك شەبەرلىكتى جوعارىلاتۋدى ىلگەرىلەتۋگە، جوعارى ساپالى قىزمەت وتەۋدى كەمەلدەندىرۋگە، ەڭبەكشىلەردىڭ ۇقىق - مۇددەسىن قورعاۋعا، جۇمىستانۋ كوزقاراسىن وزگەرتۋدى ىلگەرىلەتۋگە كۇش سالادى.

كەلۋ قاينارى: حالىق تورابى