مەملەكەتىمىز اق ءتىزىم ءتۇزىمىن ورناتىپ، ەمدەلۋدى قامسىزداندىرۋ جەكەلىك ەسەپشوتىن پايدالانۋدى ارناعا تۇسىرەدى

مەملەكەتتىك ەمدەلۋدى قامتاماسىزداندىرۋ مەڭگەرمەسىنىڭ كەڭسەسى مەن قازىنا مينيسترلىگىنىڭ كەڭسەسى 5 – ايدىڭ 19 – كۇنى «بەلگىلەنگەن بولشەك ساتۋ ءدارىحانالارىندا جۇمىسشى - قىزمەتكەرلەردىڭ نەگىزدىك ەمدەلۋدى قامسىزداندىرۋ جەكەلىك ەسەپشوتىن پايدالانۋدى باقىلاۋ – باسقارۋدى ونان ارى كۇشەيتۋ جونىندەگى ۇقتىرۋدى» جاريالاپ، بەلگىلەنگەن بولشەك ساتۋ ءدارىحانالارىندا جۇمىسشى - قىزمەتكەرلەردىڭ ەمدەلۋدى قامسىزداندىرۋ جەكەلىك ەسەپشوتىنان اقى تولەۋىنە قاتىستى اق ءتىزىم ءتۇزىمىن ورناتۋدى ايقىندادى، اق تىزىمدە بار بولسا، جەكەلىك ەسەپشوتىنان بەلگىلەنگەن بولشەك ساتۋ ءدارىحانالارىندا اقى تولەۋگە بولادى؛ اق تىزىمدە بولماسا، اقى تولەۋگە بولمايدى.

ۇقتىرۋدا مىنالار ايقىن تۇراقتاندىرىلعان: اق تىزىمگە ەنگىزىلگەندەر، ءدارى – دارمەكتى باقىلاۋ - باسقارۋ تاراۋلارى رەسمي بەكىتىپ تىركەگەن نەمەسە ەستەلىككە العان، بولشەك ساتۋ ءدارىحانالارىندا ساتۋعا بولاتىن ءارى ەمدەۋمەن تىعىز قاتىستى، مەديتسينالىق سيپاتى كۇشتى، باعاسى ۇيلەسىمدى ءدارى – دارمەك، ەمدەۋ اسپاپتارى جانە ەمدەلۋگە ىستەتىلەتىن ماتەريالدار بولۋى كەرەك. قۋاتتىق ونىمدەر، كۇندەلىكتى تۇرمىستىق بۇيىمدار سياقتى ەمدەلۋگە قاتىسسىز بۇيىمدار، ءتىس پاراشوگى، ءتىس شوتكىسى، ءتىس ءجىبى، بەتكە قولدانىلاتىن اجارلاندىرۋ بۇيىمدارى، كومەسكى كوز اينەك جانە تۇرمىستىق فۋنكتسياسى نەگىز ەتىلەتىن، مەديتسينالىق قوسىمشا قۇنى ءبىرشاما تومەن اسپاپتار مەن ماتەريالدار اق تىزىمگە ەنگىزىلمەيدى.

بۇل رەتكى حۇجاتتا تاعى مىنالار ايقىن تۇراقتاندىرىلعان: قىزمەتكەرلەردىڭ ەمدەلۋدى قامسىزداندىرۋ جەكەلىك ەسەپشوتىنان بەلگىلەنگەن ەمدەۋ قۇرىلىمدارىندا ەكتىرگەن تارالمالى تۇماۋ ۆاكسيناسىنىڭ قاراجاتىن تولەۋىنە رۇقسات ەتىلەدى.

ءتىلشى: پىڭ يۇنجيا

كەلۋ قاينارى: حالىق تورابى