بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.05.22 16:25 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 21 - كۇنى، بەيجيڭ. 5 - ايدىڭ 21 - كۇنى مەملەكەت ءتوراعاسى شي جينپيڭ پاكيستاننىڭ زۇڭتۇڭى زارداريمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن پاكيستان تاۋ - سۋى جالعاسقان، تاعدىرى ورتاق جاقسى دوس جانە بارلىق جاعدايدا بىردەي ستراتەگيالىق سەلبەستىك سەرىكتەرى. ديپلوماتيالىق قارىم - قاتىناس ورناتقان 75 جىلدان بەرى، حالىقارالىق جاعداي قالاي وزگەرسە دە، جۇڭگو مەن پاكيستاننىڭ دوستىعى باستان - اياق بولاتتاي بەرىك، مىزعىماس بولدى. ەكى ەل ۇزاق ۋاقىتتان بەرى جوعارى دەڭگەيدەگى ساياسي سەنىمدىلىكتى، جوعارى دەڭگەيدەگى ناقتى سەلبەستىكتى، جوعارى دەڭگەيدەگى حاۋىپسىزدىك سەلبەستىگىن، جوعارى دەڭگەيدەگى حالىقارالىق سەلبەستىكتى ساقتاپ، مەملەكەت پەن مەملەكەت قارىم - قاتىناسىنىڭ ۇلگىسىن ورناتتى.
شي جينپيڭ بىلاي دەپ باسا دارىپتەدى: مەن جۇڭگو - پاكيستان قارىم - قاتىناسىنىڭ دامۋىنا ايرىقشا ءمان بەرەمىن، زارداري زۇڭتۇڭمەن بىرگە قۇلشىنىپ، ديپلوماتيالىق قارىم - قاتىناس ورناتۋدىڭ 75 جىلدىعىن وراي ەتىپ، ستراتەگيالىق پىكىرلەسۋدى كۇشەيتىپ، ءداستۇرلى دوستىقتى جالعاستىرىپ، جان - جاقتى سەلبەستىكتى تەرەڭدەتىپ، جاڭا داۋىردەگى اناعۇرلىم نىعايعان جۇڭگو - پاكيستان تاعدىرلاس ورتاق تۇلعاسىن جەدەل قۇرىپ، جۇڭگو - پاكيستان قارىم - قاتىناسىنىڭ ەكى ەل حالقىن اناعۇرلىم ويداعىداي يگىلىككە كەنەلتۋىنە، ءوڭىردىڭ بەيبىتشىلىگى مەن دامۋىنا كۇش قوسۋىنا مۇمكىندىك جاساۋدى قالايمىن.
زارداري مىنالاردى ءبىلدىردى: پاكيستان مەن جۇڭگونىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسى ۋاقىت وتكەن سايىن بەكەمدەلىپ، ءوڭىردىڭ بەيبىتشىلىگىنىڭ، ورنىقتىلىعىنىڭ جانە دامۋىنىڭ بەرىك تىرەگىنە اينالدى. پاكيستان جاق ءتوراعا شي جينپيڭ العا قويعان تەرەڭ مانگە يە جەلىلەس دۇنيە جۇزىلىك باستامالاردى ايرىقشا القايدى، ءتوراعا شي جينپيڭنىڭ پاكيستان - جۇڭگو قارىم - قاتىناسىن تەرەڭدەتۋگە، جاڭا داۋىردەگى اناعۇرلىم تىعىز پاكيستان - جۇڭگو تاعدىرلاس ورتاق تۇلعاسىن سومداۋدى ىلگەرىلەتۋگە باتىل كۇش سالعاندىعىن ايرىقشا قاستەرلەيدى. پاكيستان جاق جۇڭگو جاقتىڭ پاكيستاننىڭ يەلىك ۇقىعى مەن تەرريتوريا تۇتاستىعىن قورعاۋىنا باتىل قولداۋ كورسەتىپ، ەكونوميكالىق، قوعامدىق دامۋىن جەبەگەنىنە شىن جۇرەكتەن العىس ايتادى، جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگو جاقتى ۇزدىكسىز قولداپ، پاكيستان مەن جۇڭگونىڭ دوستىعىن ونان ارى تىڭ دەڭگەيگە كوتەرەدى.
سول كۇنى مەملەكەتتىك كەڭەستىڭ زۇڭليى لي چياڭ پاكيستاننىڭ زۇڭليى شاھبازبەن ءوزارا قۇتتىقتاۋ تەلەگرامماسىن جولدادى. لي چياڭ مىنانى ءبىلدىردى: جۇڭگو جاق پاكيستان جاقپەن بىرگە قۇلشىنىپ، ىنتىماقتى، سەلبەستىكتى كۇشەيتىپ، جۇڭگو - پاكيستان ەكونوميكالىق ءدالىزىنىڭ ”2.0 جاڭارتىلعان نۇسقاسىن“ بەلسەنە جاراتىپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز دامىتۋدى قالايدى.
شاھباز مىنانى ءبىلدىردى: پاكيستان - جۇڭگو قارىم - قاتىناسى ءوزارا سەنىمدىلىكتى، يەلىك ۇقىق تەڭدىگىن جانە بەيبىتشىلىك پەن دامۋعا بىرگە تالپىنۋدى نەگىز ەتەدى. پاكيستان جاق جۇڭگو - پاكيستان ەكونوميكالىقءدالىزى قۇرىلىسىن جوعارى ساپامەن ىلگەرىلەتۋگە تاباندى بولىپ، پاكيستان - جۇڭگو سەلبەستىگىنىڭ جاڭا سالاسىن ۇزدىكسىز اشۋعا كۇش سالادى.
