وقۋ – اعارتۋ مينيسترلىگى مىنانى ەسكەرتتى: مۇنداي وقۋ تاريحى كۋالاندىرىلمايدى!

وقۋ – اعارتۋ مينيسترلىگىنىڭ شەتەلگە شىعىپ وقۋعا قىزمەت وتەۋ ورتالىعى بىرنەشە كۇننىڭ الدىندا ەسكەرتۋ جاريالادى: شەكارا اتتاعان الىس ارالىقتى ۇيرەنۋ ءتاسىلى ارقىلى يە بولعان مەملەكەت (شەكارا) سىرتىنداعى وقۋ تاريحى عىلىمي اتاق كۋالىگى مەن جوعارى دارەجەلى وقۋ – اعارتۋ كۋالىگى باستان – اياق كۋالاندىرۋ كولەمىندە بولمايدى. ورتالىق قولدانعان ىندەت كەزىندەگى ەرەكشە كۋالاندىرۋ ەرەجەسى تەك ىندەتتىڭ ىقپالىنا ۇشىراپ، بەتپە - بەت ساباق وتۋدەن جەلىدە ۇيرەنۋگە بۇرىلىس جاساۋ جاعدايىنا عانا باعىتتالعان، شەكارا اتتاپ الىس ارالىقتى وقۋ كۋالاندىرۋ كولەمىنە ەنگىزىلمەدى.

بۇدان سىرت، ورتالىق تاعى بىلاي دەدى: ءبىر ءبولىم ناشار دانەكەر قۇرىلىمدار ىندەت كەزىندەگى ەرەكشە جاعداي مەن شەكارا اتتاعان الىس ارالىقتى ۇيرەنۋ ءتاسىلىن ءبىر شىبىقپەن ايداپ، جۇرتتى الجاستىردى. شەتەلدە وقىپ جاتقان قالىڭ وقۋشىلاردىڭ بايىپتىلىقپەن سارالاۋىن، ءتۇرلى تەكشەلەردەگى ”ءتۇسىندىرۋ“ مەن ”امالدارعا“ كوزسىزدىكپەن سەنبەۋىن ءۇمىت ەتەمىز.

تاياۋدا قوعام حاۋىپسىزدىگى ورگاندارى حابارلاندىرعان جاعدايعا جانە شەتەلگە شىعىپ وقۋعا قىزمەت وتەۋ ورتالىعىنىڭ ءىس جۇزىندىك كۋالاندىرۋ قىزمەتىمەن ۇشتاستىرىپ قاراعاندا، ءالى دە ناشار دانەكەر قۇرىلىمدار مەن شەكارا سىرتىنداعى مەكتەپتەردىڭ شەتەلگە شىعىپ وقۋعا قىزمەت وتەۋ ورتالىعىنىڭ ىندەت كەزىندەگى ەرەكشە كۋالاندىرۋ ەرەجەسىن شاتاستىرىپ، بۇرمالاپ، توراپ تەكشەلەرىندە جالعان ۇگىت جۇرگىزىپ، شەكارادان شىعىپ ۇيرەنۋدىڭ قاجەتى جوق دەپ وتىرىك ايتىپ، كۋالاندىرۋ ارقىلى ۇيرەنۋ كەشىرمەلەرىن جالعان ايتىپ، ءوتىنىش ماتەريالدارىن جالعاننان جاساعان، ءىسى اۋىر بولسا، الدامشىلىققا جاتادى. سوندىقتان، قالىڭ وقۋشىلاردىڭ زاڭدى ۇقىق - مۇددەسىن شىنايى قورعاۋ ءۇشىن، شەتەلگە شىعىپ وقۋ جوباسىن مۇقيات جاقسى جاساپ، شەتەلگە شىعىپ وقۋ نىسانىن تاڭداعاندا، وقۋ - اعارتۋدى باسقارۋ تاراۋلارى مەن مەكتەپتىڭ ۇكىمەت تورابى قامداعان ينفورماتسيالاردان جان - جاقتى پايدالانىپ، قىراعىلىقتى ارتتىرىپ، حاۋىپ - قاتەردىڭ الدىن الىپ، الدانۋدان ساقتانۋ كەرەك.

كەلۋ قاينارى: حالىق تورابى