ورتالىق اۋا رايى ستانسياسى نوسەرلى جاڭبىردان ساقتانۋدىڭ كوك ءتۇستى ساقتىق سيگنالىن جاريالادى گۇيجوۋ مەن گۋاڭشيدىڭ ءىشىنارا جەرلەرىندە نوسەر جاۋادى

ورتالىق اۋا رايى ستانسياسى 5 – ايدىڭ 28 - كۇنى ساعات 6 دا نوسەرلى جاڭبىردان ساقتانۋدىڭ كوك ءتۇستى ساقتىق سيگنالىن جالعاستى جاريالادى: مەجەگە قاراعاندا، 5 – ايدىڭ 28 – كۇنى ساعات 8 دەن 29 - كۇنى ساعات 8 گە دەيىن، چۇڭچيڭنىڭ شىعىس بولەگى، حۋبەيدىڭ باتىس وڭتۇستىك بولەگى، گۇيجوۋدىڭ شىعىس بولەگى مەن وڭتۇستىك بولەگى، يۇنناننىڭ شىعىس بولەگى، گۋاڭشيدىڭ باتىس سولتۇستىك بولەگى، حۋناننىڭ باتىس بولەگى مەن وڭتۇستىك بولەگى، جياڭشيدىڭ وڭتۇستىك بولەگى، فۋجياننىڭ شىعىس بولەگى، جىجياڭنىڭ وڭتۇستىك بولەگى قاتارلى جەرلەردىڭ ءىشىنارا رايوندارىندا بىتىراڭقى نوسەر جاۋادى، مۇنىڭ ىشىندە گۇيجوۋدىڭ وڭتۇستىك بولەگىن، گۋاڭشيدىڭ باتىس سولتۇستىك بولەگىن قامتىعان ءىشىنارا جەرلەردە نوسەر جاۋادى (100 دە 180 ميلليمەتر). جوعارىدا ايتىلعان ءىشىنارا رايونداردا قىسقا ۋاقىتتىق كۇشتى جاۋىن - شاشىن (ەڭ جوعارى ساعاتتىق جاۋىن - شاشىن مولشەرى 20 - 50 ميلليمەتر بولادى، ءىشىنارا جەرلەردە 60 ميلليمەتردەن اسادى)، كەي جەرلەردە ناجاعاي، بوران سياقتى كۇشتى كونۆەكسيالىق اۋا رايى بولادى.

كەلۋ قاينارى: حالىق تورابى