وقۋ - اعارتۋ، ەمدەلۋ، جۇمىستانۋ، تۇرعىن ءۇي جاقتارىنداعى جاقسى حابار 

جۋىردا مەملەكەتتىك كەڭەس باسىپ تاراتقان «تۇراقتى تۇرعان جەرىندە نەگىزدىك الەۋمەتتىك قىزمەت وتەۋمەن قامتاماسىزداندىرۋدى جۇزەگە اسىرۋ جونىندەگى پىكىر» جاريالاندى، تۇراقتى تۇرعان جەرىندە نەگىزدىك الەۋمەتتىك قىزمەت وتەۋمەن قامتاماسىزداندىرۋدى جۇزەگە اسىرۋ قىزمەتى جونىندە باعىتتامالى ورنالاستىرۋ جاسالعان. مەملەكەتتىك كەڭەستىڭ اقپارات كەڭسەسى 5 - ايدىڭ 26 - كۇنى مەملەكەتتىك كەڭەستىڭ ساياسات جونىندەگى كەزەكتى اقپارات جاريالاۋ ءماجىلىسىن وتكىزىپ، قاتىستى جاعدايلاردى تانىستىردى.

قازىر ەلىمىزدە ۇزاق ۋاقىت قالا - قالاشىقتاردا تۇرىپ جاتقانىمەن نوپوسى ول جەردە ەمەس ادامداردىڭ سانى 250 ميلليون ادامنان اسادى، مۇنىڭ ىشىندە قالاعا كەلگەن شارۋا جۇمىسكەرلەر جانە ولارمەن بىرگە كەلگەن وتباسىنداعىلار 170 ميلليون ادام. بۇل مەملەكەتتىك دەڭگەيدە تۇراقتى تۇرعان جەرىندە نەگىزدىك الەۋمەتتىك قىزمەت وتەۋمەن قامتاماسىزداندىرۋ تۋرالى تۇڭعىش رەت شىعارىلعان ارناۋلى حۇجات بولىپ، كوشىپ كەلگەندەردىڭ بالالارىن وقىتۋ، تۇرعىن ءۇي، قوعامدىق قامتاماسىزداندىرۋ، ەمدەلۋ، جۇمىستانۋ جانە تومەنگى شەكتىك قامتاماسىزداندىرۋ قىزمەتتەرى قاتارلى 6 جاقتى نەگىز ەتىپ، سول جەردە نوپوسقا قوندىرىلماعان تۇراقتى تۇراتىن جان سانى جولىعاتىن كورنەكتى ماسەلەلەردى شەشۋگە قۇلشىنادى. قاراپايىم سوزبەن ايتقاندا، نوپوسىڭىز سول جەردە بولسىن - بولماسىن، تەك سول جەردە تۇرساڭىز جانە جۇمىس ىستەسەڭىز، سول جەردىڭ نەگىزدىك الەۋمەتتىك قىزمەت وتەۋىنەن يگىلىكتەنە الاسىز.

ورتالىق كوميتەت ”قالا - قالاشىقتاردا بارلىق تۇراقتى تۇراتىن جان سانىن نەگىزدىك الەۋمەتتىك قىزمەت وتەۋمەن قامتاماسىزداندىرۋعا قۇلشىنۋ كەرەك“ دەپ تالاي رەت باسا دارىپتەگەن. سايكەستى ساياساتتاردى كەمەلدەندىرىپ، ”ادامدى، جەردى، اقشانى“ بايلانىستىرۋ مەحانيزمىن تەز ارادا ورناتىپ، الەۋمەتتىك قىزمەت وتەۋدىڭ كەڭىستىك ورنالاسۋىن ساپالىلاندىرىپ، نەگىزدىك الەۋمەتتىك قىزمەت وتەۋدى جوتكەۋدىڭ اناعۇرلىم قولايلى بولۋىن، اناعۇرلىم ۇزىلىسسىزدىگىن ىلگەرىلەتكەندە، ساياساتتىڭ ونىمدىلىگىنەن جۇرتشىلىق يگىلىكتەنە الاتىن تابىس سەزىمى مەن ريزالىق دەڭگەيىنە اناعۇرلىم ويداعىداي اينالدىرۋعا بولادى.

كەلۋ قاينارى: حالىق تورابى