«موتورلى كولىك جۇرگىزۋشىنىڭ شارشاعان كۇيدە اۆتوموبيل جۇرگىزگەنىن تۇراقتاندىرۋ ەرەجەسىن» جاساۋعا جاۋاپتى ادام قاتىستى ماسەلەلەردى ءتۇسىندىردى 

شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى. ءتىلشىنىڭ 5 - ايدىڭ 27 - كۇنى قوعام حاۋىپسىزدىگى مينيسترلىگى قاتىناس باسقارۋ مەكەمەسىنەن ۇعىسۋىنشا، الەۋمەتتىك حاۋىپسىزدىك سالاسىنداعى ۇسىنىستىق ولشەم «موتورلى كولىك جۇرگىزۋشىنىڭ شارشاعان كۇيدە اۆتوموبيل جۇرگىزگەنىن تۇراقتاندىرۋ ەرەجەسى» 6 - ايدىڭ 1 - كۇنى اتقارىلادى. ولشەمدى جاساۋعا جاۋاپتى ادامنىڭ تانىستىرۋىنشا، بۇل ولشەمدى جاساۋ قاتىناس شىرعالاڭىن تەكسەرۋگە ارنالعان، ياعني، تاس جولداعى قاتىناس شىرعالاڭىن تەكسەرىپ ءبىرجاقتى ەتۋ بارىسىندا موتورلى كولىك جۇرگىزۋشىنىڭ شارشاعان كۇيدە اۆتوموبيل جۇرگىزگەنىن تۇراقتاندىرۋعا قولدانىلادى.

قاتىناس - تاسىمال مينيسترلىگىنەن ۇعىسىپ تۇراقتاندىرۋعا قاراعاندا، ولشەمدەگى جولاۋشى تاسىمالى موتورلى كولىگىن جۇرگىزۋشىنىڭ شارشاعان كۇيدە اۆتوموبيل جۇرگىزگەنىن تۇراقتاندىرۋعا ساياتىن ەكى ءتۇرلى جاعداي تاس جولداعى جولاۋشى تاسىمالى كاسىپورىندارىنا، سونداي - اق تاس جولداعى جولاۋشى تاسىمالىمەن (ياعني كەزەكشى اۆتوموبيلمەن جولاۋشى تاسىمالداۋ، جالدامالى اۆتوموبيلمەن جولاۋشى تاسىمالداۋ، ساياحات اۆتوموبيلىمەن جولاۋشى تاسىمالداۋ) شۇعىلداناتىن شوفەرلەر مەن اۆتوموبيلدەرگە قولدانىلادى، تاكسي (ينتەرنەت ارقىلى شاقىرىلاتىن اۆتوموبيلدى قامتيدى) قاتارلىلاردىڭ تيجارات قيمىلدارىمەن قاتىسى جوق. سونىمەن بىرگە، ولشەمدە جۇك اۆتوموبيلى شوفەرلەرىنىڭ ۇزدىكسىز اۆتوموبيل جۇرگىزۋ ۋاقىتى جونىندە ارناۋلى بەلگىلەمە بەلگىلەنبەگەن، موتورلى كولىككە ارنالعان جالپى بەلگىلەمە قولدانىلادى، ياعني، موتورلى كولىك جۇرگىزۋشىنىڭ ۇزدىكسىز موتورلى كولىك جۇرگىزگەن ۋاقىتى 4 ساعاتتان اسىپ، توقتاپ دەمالماعان نەمەسە توقتاپ دەمالعان ۋاقىتى 20 مينۋتتان از بولسا، شارشاعان كۇيدە اۆتوموبيل جۇرگىزگەن دەپ تۇراقتاندىرىلادى.

كەلۋ قاينارى: حالىق تورابى