”جۇڭگو ۇلگىسىندەگى وسىزامانداندىرۋدىڭ وقۋ - اعارتۋعا، عىلىم - تەحنيكاعا، دارىندىلارعا قاجەتىن، ءسوزجوق، تەرەڭ يگەرۋ كەرەك“ (باس شۋجيدىڭ حالىقشىلدىق سۇيىسپەنشىلىگى)

باس شۋجي شي جينپيڭ 4 - ايدىڭ 30 - كۇنى نەگىزدىك زەرتتەۋدى كۇشەيتۋ اڭگىمە ماجىلىسىندە بىلاي دەپ اتاپ كورسەتتى: ”وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇتاس ىلگەرىلەتىپ، باۋلۋ، ەنگىزۋ، پايدالانۋ قىزمەتىن جان - جاقتى ويداعىداي ىستەۋ كەرەك“، ”عىلىم - تەحنيكا، وقۋ - اعارتۋ ارقىلى سەلبەسىپ ادام تاربيەلەۋ مەحانيزمىن ساپالىلاندىرىپ، عىلمي زەرتتەۋدىڭ ءبىرىنشى شەبىندە دارىندىلاردى بايقاۋعا جانە جەتىلدىرۋگە ءمان بەرۋ كەرەك“.

”عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش“ دەيتىن ۇعىم ورتاق تانىمعا اينالعان تۇستا، قايتكەندە ونىڭ تەرەڭ تامىر تارتۋىن ىلگەرىلەتىپ، دامۋعا تاسقىنداعان قوزعاۋشى كۇش ۇستەتۋگە بولادى؟

باس شۋجي شي جينپيڭ ءداۋىردىڭ جالپى اۋقىمىن قانىق ءبىلىپ، ماڭىزدى تۇجىرىم جاسادى: ”جاڭا ءداۋىردىڭ جاڭا جورىعىندا جۇڭگو ۇلگىسىندەگى وسىزامانداندىرۋدىڭ وقۋ - اعارتۋعا، عىلىم - تەحنيكاعا، دارىندىلارعا قاجەتىن، ءسوز جوق، تەرەڭ يگەرىپ، وقۋ - اعارتۋدىڭ عىلىم - تەحنيكا مەن دارىندىلار جاعىنداعى تىرەكتىك رولىن كۇشەيتىپ، دارىندىلار توپ - توبىمەن شىعاتىن، بارلىق ادام ءوز قابىلەتىن تولىق ساۋلەلەندىرەتىن، قاجەتكە جارايتىن جاندى جاعدايدى ىشكەرىلەي قالىپتاستىرۋ كەرەك“.

بيىكتە تۇرىپ الىستى بولجاپ، دايەكتى نازار اۋداردى.

«كەدەيلىكتەن ارىلۋدا» ۇشەۋىنىڭ بايلانىسى اشىق كورسەتىپ بەرىلدى: ”ەكونوميكا عىلىم - تەحنيكاعا سۇيەنەدى، عىلىم - تەحنيكا دارىندىلارعا سۇيەنەدى، دارىندىلار وقۋ - اعارتۋعا سۇيەنەدى“. پارتيا 20 - قۇرىلتايىنىڭ بايانداماسىندا تۇڭعىش رەت وقۋ - اعارتۋ، عىلىم - تەحنيكا، دارىندىلار ارناۋلى تاراۋ رەتىندە بايىمدالىپ جانە ءبىر تۇتاس ورنالاستىرىلىپ، دامۋ بەتالىسى ايقىندالدى.

”15 - بەسجىلدىق“ جوباسىندا ”وقۋ - اعارتۋ، عىلىم - تەحنيكا دارىندىلارىن ءبىر تۇلعالاندىرىپ دامىتۋ جاعدايىن نەگىزىنەن قالىپتاستىرۋ“ ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىسانالىق مىندەتتەرىنە ەنگىزىلىپ، ”وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇلعالاندىرىپ ىلگەرىلەتۋ“ ورتاعا قويىلدى.

وقۋ - اعارتۋ، عىلىم - تەحنيكا، دارىندىلار _ جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك، ستراتەگيالىق تىرەگى، باس شۋجي شي جينپيڭ اماليات بارىسىندا وقۋ - اعارتۋدا قۇدىرەتتى ەل، عىلىم - تەحنيكادا قۇدىرەتتى ەل، دارىندىلاردا قۇدىرەتتى ەل قۇرۋ جونىندە ۇزدىكسىز وي جۇگىرتتى جانە جەتەكشىلىك ەتتى.

وقۋ - اعارتۋ، عىلىم - تەحنيكا، دارىندىلاردىڭ دامۋىن ءبىر تۇتاس ىلگەرىلەتۋگە قالاي قاراۋ كەرەك، بۇل قىزمەتتى قالاي ىستەۋ كەرەك؟

بۇل _ جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى ورايىن مىقتى يگەرۋدىڭ تابيعي شاراسى.

مەكتەپتەرگە بارىپ، جاڭالىق اشۋدى تىلگە تيەك ەتكەندە، باس شۋجي بىلاي دەپ ىقىلاستى تاپسىرما بەردى: ”بۇگىنگى تاڭدا پارتيا مەن مەملەكەت ىستەرى دامۋىنىڭ جوعارى وقۋ - اعارتۋعا قاجەتى، عىلمي بىلىمدەر مەن تاڭداۋلى دارىندىلارعا قاجەتى بۇرىنعى ءارقانداي كەزدەگىدەن دە كوكەيتەستى بولىپ وتىر“. ”كەلەلى العاشقى جاڭالىق اشۋ جەتىستىكتەرى ەكىنىڭ بىرىندە تەرەڭ نەگىزدىك زەرتتەۋلەردە، پاندەردىڭ توعىسۋ سالاسىندا جارىققا شىعادى، داشۋەلەر وسى ەكى جاقتا تابيعي ابزالدىققا يە“.

سەحتارعا كىرىپ، ءوندىرىس جەلىسىنە كوز جىبەرگەندە، باس شۋجي ۇزاق بولاشاقتى كوكەيىندە ساقتادى _ ”وسى زامانعى جاساۋ كاسىبى عىلىم - تەحنيكانىڭ قۋات ۇستەۋىنەن ايرىلا المايدى، سول ءۇشىن تەحنيكالىق قامال الۋدى بارىنشا كۇشەيتىپ، دەربەس جاڭالىق اشا دامۋ جولىمەن ءجۇرۋ كەرەك“. ”دارىندىلار _ ءۇمىت. ءوندىرۋ، وقىتۋ، زەرتتەۋدى ءبىر تۇلعالاندىرۋدى ىلگەرىلەتىپ، زور توپتاعى جوعارى ساپالى دارىندىلاردى جەتىلدىرگەندە عانا، جۇڭگو ۇلگىسىندەگى وسىزامانداندىرۋ شىن مانىندە جۇزەگە اسادى“.

”وقۋ - اعارتۋدى اناعۇرلىم زور تەبىنمەن باسقارۋدان، عىلىم - تەحنيكانى گۇلدەندىرۋدەن، دارىندىلاردى جەتىلدىرۋدەن“ ”جاڭاشا وندىرگىش كۇشتەردى دامىتۋ تالابى بويىنشا وقۋ - اعارتۋدىڭ، عىلىم - تەحنيكانىڭ، دارىندىلاردىڭ ءتيىمدى اينالىمىن ىركىلىسسىزدەندىرىپ، دارىندىلاردى تاربيەلەۋ، ەنگىزۋ، پايدالانۋ، ۇيلەسىمدى اۋىستىرۋ قىزمەت مەحانيزمىن كەمەلدەندىرۋگە“، ”عىلىم - تەحنيكا دامۋىنىڭ جاڭا بەتالىسىنا ساي، جوعارى مەكتەپتەردىڭ پاندەردى ورنالاستىرۋ، دارىندىلاردى تاربيەلەۋ ۇلگىسىن ساپالىلاندىرىپ، جاڭاشا وندىرگىش كۇشتەردى دامىتۋ، جوعارى ساپالى دامۋدى ىلگەرىلەتۋ ءۇشىن شۇعىل قاجەتتى دارىندىلاردى باۋلۋعا“ دەيىن... ءبىر قىدىرۋ ماڭىزدى بايىمداۋلار ۇقساس ءبىر ماڭىزدى نىساناعا باعىتتالدى: 2035 - جىلعا بارعاندا وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋ كەرەك.

بۇل _ حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدىڭ قۇن ماقساتى.

2019 - جىلى 4 - ايدا باس شۋجي شي جينپيڭ چۇڭچيڭ شىجۋ تۋجيا اۆتونوميالى اۋدانى جۇڭي اۋىلدىق باستاۋىش مەكتەپكە كەلىپ قىزمەت تەكسەردى. ”قانشا جاپا تارتساڭ دا بالانى قيناۋعا بولمايدى، قانشا كەدەي بولساڭ دا وقۋ - اعارتۋدى كەدەيلەستىرۋگە بولمايدى“. باس شۋجيدىڭ تاپسىرماسى كوكتەم سامالى ەسىپ، بالعىن مايسانىڭ ءوسىپ - جەتىلگەنىندەي بولدى.

2024 - جىلى 11 - ايدا باس شۋجي شي جينپيڭ حۋبەيدە قىزمەت تەكسەرگەندە ۋحان كاسىپ سالاسىنىڭ جاڭالىق اشا دامۋىن زەرتتەۋ ورنىنا كەلدى. كورمە زالىندا تۇرلىشە داشۋەدەن، تۇرلىشە پاندەردەن، تۇرلىشە وڭىرلەردەن، تۇرلىشە كاسىپتەردەن كەلگەن عىلىم - تەحنيكا قىزمەتكەرلەرى مەن كاسىپكەرلەر ءبىر اراعا باس قوستى. باس شۋجي اسەرلەنە بىلاي دەدى: ”عىلىم - تەحنيكانىڭ اسقار شىڭى مەن كاسىپتىڭ اسقار شىڭىنا ءوزىمىز شىعۋىمىز كەرەك. مەن سەندەردى جاقسى كورەمىن، جۇڭگونىڭ جاسامپاز دارىندىلارىن جاقسى كورەمىن، ءبىزدىڭ جاسامپاز تۇزىلىسىمىزدەن دە ءۇمىت كۇتەمىن“.

”وقۋ - اعارتۋ ماسەلەسى وسى سەبەپتى ۇلكەن ءىس ءارى توتەنشە كۇردەلى ءىس. ۇزاق ۋاقىت ەڭبەك ەتۋ ءارى شۇعىل كىرىسۋ كەرەك“.

ءتىپتى دە جاقسى وقۋ - اعارتۋ وقۋ - اعارتۋ كۇشى ارقىلى حالىقتىڭ باقىت نەگىزىن بەكەمدەپ، ”وقي الۋدان جاقسى وقي الۋعا“ دەيىنگى سەكىرىستى جۇزەگە اسىرۋدان دەرەك بەرەدى؛ ءتىپتى دە كۇشتى عىلىم - تەحنيكا جاڭالىق اشۋ جەتىستىكتەرى ارقىلى حالىق تۇرمىسىنىڭ ىرىس - قۇتىن ارتتىرىپ، جوعارى قارقىندى تەمىر جول تورابىنىڭ، بەيدوۋ باعىتتاۋىشىنىڭ، جاسىل ەنەرگيانىڭ سان مىڭداعان وتباسىلارىنا تيىمدىلىك جاساۋىنا مۇمكىندىك جاساۋدان دەرەك بەرەدى؛ اناعۇرلىم ساپالى دارىندىلار ورتاسى تاماشا ەكولوگيا ارقىلى دارىندىلاردىڭ ومىرشەڭدىك كۇشىن تاسقىنداتىپ، ادامداردىڭ كۇرەس بارىسىندا تاماشا ءومىر جاراتۋىنا مۇمكىندىك جاساۋدان دەرەك بەرەدى.

دۇنيە جۇزىلىك ىقپالعا يە وقۋ - اعارتۋ ورتالىعىن، عىلىم ورتالىعىن، دارىندىلار ورتالىعىن قۇرىپ، جاڭالىق اشۋ قاجەتىن ارقاۋ ەتىپ، مەملەكەتتىڭ ستراتەگيالىق دارىندىلار كۇشىن جەدەل قۇرىپ، جوعارى مەكتەپتەردىڭ، عىلمي زەرتتەۋ ورىندارىنىڭ، كاسىپورىنداردىڭ دارىندىلار اۋىس - كۇيىس ارناسىن ىركىلىسسىزدەندىرۋ كەرەك ... ءبىر قىدىرۋ شارالار ءبىر - بىرىمەن قابىسىپ، ونىڭ استارىندا جۇڭگو ۇلگىسىندەگى وسىزامانداندىرۋ قۇرىلىسى جونىندەگى تەرەڭ بايقاۋ جاتىر: عىلىم - تەحنيكادا جاڭالىق اشۋ دارىندىلارعا، دارىندىلاردى تاربيەلەۋ وقۋ - اعارتۋعا سۇيەنەدى.

”ناتيجە قاعازى“شىقتى: ”14 - بەسجىلدىق“ مەزگىلىندە جوعارى دارەجەلى وقۋ - اعارتۋ قوعامعا 55 ميلليون دارىندى تاربيەلەپ بەردى، كاسىپتىك وقۋ - اعارتۋ وسى زامانعى كاسىپ سالاسىن %70 تەن استام جوعارى ساپالى، جوعارى ونەرلى دارىندىلارمەن قامدادى؛ جوعارى دەڭگەيلى حالىقارالىق مەرزىمدى باسىلىمداردىڭ ديسسەرتاتسيا سانى مەن حالىقارالىق پاتەنت ءوتىنىش ەتۋ مولشەرى ءۇرتىس 5 جىل دۇنيە ءجۇزى بويىنشا 1 - ورىندى يەلەدى؛ كۆانتتىق عىلىم - تەحنيكا، تىرشىلىك عىلىمى، زات عىلىمى، كەڭىستىك عىلىمى سياقتى سالالاردا ءبىر توپ كەلەلى ءتول جاسامپازدىق جەتىستىكتەرگە قول جەتكىزىلدى ...

ۇزاق ۋاقىت ۇلەس قوسىپ، قاجىماي - تالماي ىستەۋ كەرەك. ”وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋ − بۇكىل پارتيانىڭ، بۇكىل قوعامنىڭ ورتاق جاۋاپكەرشىلىگى“. باس شۋجي شي جينپيڭ ءتىپتى دە الىس بولاشاققا كوز تاستادى.

جول وزگەرمەيدى، مۇرات وزگەرمەيدى، ارەكەت ەتسە، ناتيجەسىن كورەمىز.

كەلۋ قاينارى: حالىق تورابى