مەملەكەتتىك ساناق مەكەمەسى 6 - ايدىڭ 1 – كۇنى ءۇي ارالاپ تەكسەرۋدى باستايدى، بەلسەندى سەلبەسۋىڭىزدى ءۇمىت ەتەدى 

ءۇي ارالاپ تەكسەرۋ 6 - ايدىڭ 1 - كۇنى باستالادى. جۋىردا، مەملەكەتتىك ساناق مەكەمەسى ۇقتىرۋ جاريالاپ، 2026 - جىلى مەملەكەت كولەمىندە جان سانىنىڭ تۇراقتى ۇلگىسىنە ەكى رەت وكشەلەي تەكسەرۋ جۇرگىزىلەتىنىن ايتقان.

تەكسەرۋ ناتيجەسى جان سانىنىڭ وزگەرىسىن ساناققا الۋدى كۇشەيتۋگە، جان سانىنىڭ جوعارى ساپالى دامۋىنا قىزمەت وتەۋگە پايدالانىلادى. ەكى رەتكى تەكسەرۋدىڭ ولشەمدى ۋاقىتى جەكە - جەكە 6 - ايدىڭ 1 - كۇنى ساعات نولدە جانە 11 - ايدىڭ 1 - كۇنى ساعات نولدە بولادى. 6 - ايدىڭ 1 - كۇنىنەن 6 - ايدىڭ 25 - كۇنىنە دەيىن جانە 11 - ايدىڭ 16 - كۇنىنەن 12 - ايدىڭ 5 - كۇنىنە دەيىن، تەكسەرۋشىلەر ءۇي ارالاپ تەكسەرۋ جۇمىسىن جۇرگىزەدى. تەكسەرۋشىلەر ۇيىڭىزگە بارىپ تەكسەرۋ جۇرگىزگەندە، بەلسەندى سەلبەسۋىڭىزدى، «جۇڭحۋا حالىق رەسپۋبليكاسىنىڭ ساناق زاڭىندا» بەلگىلەنگەن ازاماتتاردىڭ ساناققا الىپ تەكسەرۋگە قاجەتتى ماتەريالداردى شىن، دۇرىس، تولىق، ۋاقىتىندا بەرۋى سىندى بورىشىن ىرىقتى تۇردە ورىنداۋىڭىزدى، تەكسەرۋشىنىڭ سۇراعىنا ساي، تەكسەرىلەتىن وبيەكتىلەردىڭ جانە قاتىستى ادامداردىڭ ينفورماتسياسىن شىنشىلدىقپەن مالىمدەۋىڭىزدى شىن جۇرەكتەن ءۇمىت ەتەدى.

كەلۋ قاينارى: حالىق تورابى