قىزىل گەندى جالعاستىرىپ، تاريحتىڭ ۇتىلامالى جارىسىندا ويداعىداي جۇگىرەمىز

”1 - ماۋسىم“ حالىقارالىق بالالار مەرەكەسى قارساڭىندا باس شۋجي شي جينپيڭ جۇڭگو كوممۋنيستىك پارتياسى 1 - قۇرىلتايى ەسكەرتكىش سارايى، نانحۋ كولى توڭكەرىستىك ەسكەرتكىش سارايى پيونەرلەر وتريادىنىڭ قىزىل گالستۋكتى تۇسىندىرۋشىلەرىنە جاۋاپ حات جازىپ، ولاردى شىنايى شابىتتاندىردى ءارى ولاردىڭ جانە بۇكىل ەلدەگى ورەندەر مەن بالالاردىڭ مەرەكەلەرىنىڭ قۇتتى بولۋىن تىلەدى.

باس شۋجي شي جينپيڭنىڭ جاۋاپ حاتى جۇرت جۇرەگىن جىلىتىپ، ادامدى العا باسۋعا ىنتالاندىرىپ، بارشا ورەندەر مەن بالالاردى جانە ورەندەر - بالالار قىزمەتكەرلەرىن مۇراتتى بەكەمدەپ، كۇرەس جۇرگىزىپ، ارمانعا قۇلاش سەرمەپ، جاڭا جورىقتا تاريحتىڭ ۇتىلامالى جارىسىندا ويداعىداي جۇگىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇرەس جۇرگىزۋگە ىنتالاندىردى.

”بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، وسى ەرەكشە ماڭىزدى ۋاقىتتا شي جينپيڭ اتايدىڭ جاۋاپ حاتى ءبىزدى ايرىقشا جەلپىندىردى“. باس شۋجي شي جينپيڭگە حات جازعان جۇڭگو كوممۋنيستىك پارتياسى 1 - قۇرىلتايى ەسكەرتكىش سارايى پيونەرلەر وتريادىنىڭ قىزىل گالستۋكتى ءتۇسىندىرۋشىسى، شاڭحاي قالاسى حۋاڭپۋ رايونى لۋۋان 1 - سەنترلى باستاۋىش مەكتەبىنىڭ وقۋشىسى ۋاڭ ياچيڭ ەرەكشە تەبىرەنىپ: ”شي جينپيڭ اتايدىڭ تاپسىرماسىن ەستە بەرىك ساقتاپ، قىزىل حيكايانى ۇزدىكسىز ويداعىداي بايانداپ، قىزىل كۇش جالعاۋ تاياقشاسىن جالعاستىرامىن“ دەدى.

2006 - جىلى قۇرىلعان لۋۋان 1 - سەنترلى باستاۋىش مەكتەبىنىڭ ”قىزىل كەرناي“ شاعىن ءتۇسىندىرۋشى قوعامدىق ۇيىمى _ بۇكىل ەلدەگى جۇڭگو كوممۋنيستىك پارتياسىنىڭ 1 - قۇرىلتايى ەسكەرتكىش سارايىنا ارناۋلى قىزمەت وتەيتىن تۇڭعىش باستاۋىش مەكتەپ وقۋشىسى پيونەرلەر وتريادى ەرىكتى ءتۇسىندىرۋ قوعامدىق ۇيىمى. ”باس شۋجي شي جينپيڭنىڭ جاۋاپ حاتى ءبىزدىڭ نەگىزگى ساتى وقۋ - اعارتۋ قىزمەتكەرلەرىمىزدىڭ قىزىل گەنمەن ادام تاربيەلەۋگە تاباندى بولۋىنا زور شابىت بەردى، سونداي - اق وندا قىزىل گەندى جالعاستىرۋ، ءداۋىردىڭ جاڭا ادامدارىن باۋلۋ سىندى ىقىلاستى تاپسىرما قامتىلعان“. لۋۋان 1 - سەنترلى باستاۋىش مەكتەبى پارتيا ياچەيكاسىنىڭ شۋجيى، مەكتەپ باستىعى ۋ رۇڭجين بىلاي دەپ تانىستىردى: 20 جىلدان بەرى ورتاشا جاسى 10 جاستاعى وسى قىزىل گالستۋكتى تۇسىندىرۋشىلەر بارشا كورەرمەندەرگە 1000 رەتتەن استام تۇسىنىك جاساپ، شىنىعىپ جانە ەسەيىپ - ەرجەتىپ قانا قويماي، پارتيانى، وتاندى، سوتسياليزمدى سۇيەتىن تەرەڭ سۇيىسپەنشىلىكتى دە بەكەمدەدى.

باس شۋجي شي جينپيڭنىڭ جاۋاپ حاتىن تاپسىرىپ العاننان كەيىن نانحۋ توڭكەرىستىك ەسكەرتكىش سارايى پيونەرلەر وتريادىنىڭ قىزىل گالستۋكتى ءتۇسىندىرۋشىسى، جىجياڭ جياشيڭ قالالىق تاجىريبە باستاۋىش مەكتەبى شىعىس مەكتەپ رايونىنداعى پيونەرلەر ۋاڭ يوۋميڭنىڭ كوڭىلى تولقىپ، ماقتانىش سەزىمىنە بولەندى، ”شي جينپيڭ اتايدىڭ جاۋاپ حاتىندا بىزگە دەگەن قامقورلىعى مەن تىلەگى قامتىلعان، مەن قىزىل كلاسسيكالىق شىعارمالاردى اناعۇرلىم كەڭ كولەمدە وقىپ، ءوزىمنىڭ جالپىلىق ساپامدى ۇزدىكسىز جوعارىلاتىپ، ءتىپتى دە كوپ كىشكەنتاي سەرىكتەرىمدى قىزىل گەندى ويداعىداي جالعاستىرۋعا باستايمىن“.

كوممۋنيستىك جاستار وداعى جىجياڭ ولكەلىك كوميتەتىنىڭ شۋجيى، ولكەلىك جاستار - ورەندەر قىزمەت كوميتەتىنىڭ مەڭگەرۋشىسى جوۋ سۋحۇڭ باس شۋجي شي جينپيڭنىڭ ”قوسىن تۋىن بيىك ۇستاپ پارتياعا ىلەسۋدى“ باسا دارىپتەۋىنىڭ كەلەلى ءمانىن تەرەڭ سەزىندى. ”ءبىز نازاردى ’قىزىل تامىر‘ قورعاۋشىلاردى جەتىلدىرۋ جۇيەسىنە شوعىرلاندىرىپ، ’قىزىل قايىق بالا ءتۇسىندىرۋشىسى‘ سياقتى قىزمەت ماركالارىن كۇش سالا قالىپتاستىرىپ، پيونەرلەردىڭ ’تىڭداۋشىدان‘ ’بايانداۋشى‘ بولۋعا بۇرىلىس جاساۋ بارىسىندا مۇرات - سەنىمنىڭ الاۋىن ۇرپاقتان - ۇرپاققا جالعاستىرۋىنا مۇمكىندىك جاسايمىز“ دەدى جوۋ سۋحۇڭ.

”مەن ءوز جەرىمنىڭ قىزىل بايلىعىنا سۇيەنىپ، پارتيامىزدىڭ حيكاياسىن، اۆانگارد ۇلگىلەردىڭ حيكاياسىن جانە ءداۋىر جەتىستىكتەرىن ويداعىداي باياندايمىن، قىزىل حيكايانى، حالىققا تيىمدىلىك جاساۋ ىزگى ىستەرىن اترەت ساباعىمەن جانە تاقىرىپتىق قيمىلمەن توعىستىرىپ، اۋىل - قىستاقتاعى جاستار مەن ورەندەردى تاريحتى ەستە بەرىك ساقتاۋعا، ۇلگىلەرگە قاراپ قاتار تۇزەۋگە جەتەكتەيمىن“ دەدى حۋنان ولكەسى شياڭشي تۋجيا - مياۋزۋ اۆتونوميالى وبلىسى حۋايۋان اۋدانى شۋاڭلۇڭ قالاشىعى شىبادۇڭ باستاۋىش مەكتەبى ورتا اترەتىنىڭ جەتەكشىسى پۋ ليتاۋ.

”باس شۋجي شي جينپيڭ بالالاردى قىزىل گەندى جالعاستىرۋعا شابىتتاندىردى، مىنە بۇل ءبىزدىڭ ’جاڭبىر تامشىسى‘ قىزىل گالستۋك ەرىكتى قىزمەت وتەۋ اترەتىن قۇرۋداعى العاشقى ماقساتىمىز“ دەدى جياڭسۋ ولكەسى نانجيڭ قالاسى يۇيحۋاتاي قۇرباندار ەسكەرتكىش سارايى قوعامدىق وقۋ - اعارتۋ باسقارماسى ورتا، باستاۋىش مەكتەپ وقۋشىلارى وقۋ - اعارتۋ ءبولىمىنىڭ باستىعى، پيونەرلەر وتريادىنىڭ مەكتەپ سىرتىنداعى جەتەكشىسى جوۋ فەيفەي، ولار ”ورەندەردىڭ شۇعىلا تەاترحاناسى“ سياقتى ەرەكشە ساباقتاردى مەكتەپ اۋلاسىنا جالپىلاستىرىپ، پيونەرلەردىڭ قاھارمان قۇربانداردىڭ حيكاياسىن بايانداۋ بارىسىندا مۇرات - سەنىمدى بەكەمدەپ، ورەندەردىڭ ءۇنى ارقىلى ورەندەردى اسەرلەندىرۋگە مۇمكىندىك جاساماق.

وتكەن جىلى ”1 - ماۋسىم“ حالىقارالىق بالالار مەرەكەسى قارساڭىندا، شانشي ولكەسى يان - ان قالاسى قىزىل 26 - جۇن قىزىل ارميا باستاۋىش مەكتەبىنىڭ وقۋشىسى ليۋ يۇيشين 9 - رەتكى مەملەكەتتىك پيونەرلەر قۇرىلتايىنىڭ ۋاكىلى رەتىندە باس شۋجي شي جينپيڭنىڭ قۇتتىقتاۋ حاتىن ناق مايداندا تىڭداعان بولاتىن. بيىل باس شۋجي شي جينپيڭنىڭ جاۋاپ حاتى ورەندەردى، بالالاردى ”جاڭا جورىقتىڭ تاريحي ۇتىلامالى جارىسىندا جاقسى جۇگىرۋگە“ تەرەڭ سۇيىسپەنشىلىكپەن شابىتتاندىردى، بۇل ونى ايرىقشا جەلپىندىردى، ”مەن شي جينپيڭ اتايدىڭ تاپسىرماسىن ەستە بەرىك ساقتاپ، ءبىلىمىمدى، ونەرىمدى ارتتىرىپ، قىزىل حيكايانى دەن قويا جاقسى بايانداپ، جاسوسپىرىمدەردىڭ كۇشىمەن ۇزدىكسىز كۇرەس جۇرگىزەمىن“ دەدى ول.

ورەندەر مەن بالالاردىڭ اقاۋسىز ەسەيىپ - ەرجەتۋى تۇتاس قوعامنىڭ بىرگە ات سالىسۋىنان، كوڭىل بولۋىنەن، قولداۋىنان ايرىلا المايدى.

جۇڭگو عىلىم - تەحنيكا سارايى ”عالىم + عىلىم - تەحنيكا جەتەكشىسى + قىزىل گالستۋكتى ءتۇسىندىرۋشى“ سىندى ”ۇلكەندەر بالالارمەن قول ۇستاسۋ“ سىندى ۇيرەتۋ، كومەكتەسۋ، جەتەكتەۋ مەحانيزمىن جاسامپازدىقپەن ورناتىپ، ءوز باسىنان ونەگە كورسەتۋ ارقىلى عالىمداردىڭ رۋحىن ورەندەردىڭ جۇرەگىنە ۇيالاتتى. ”عىلىم - تەحنيكا سارايىنىڭ كورمە زالىندا جىگەرلى قىزىل گالستۋكتى ءتۇسىندىرۋشى قىزىل گەندى جالعاستىراتىن جالىندى كۇشكە اينالىپ، ورەندەر مەن بالالاردى عالىمداردى ۇلگى ەتۋگە تاربيەلەۋ، جەتەكتەۋ ارقىلى، پارتيانى، وتاندى سۇيەتىن، ءوز كۇشىنە سۇيەنىپ ءوزىن الۋەتتەندىرەتىن، قايراتتانا العا ۇمتىلاتىن جاڭا داۋىردەگى جاقسى ورەندەر بولىپ جەتىلىپ شىعۋعا باستايمىز“ دەدى جۇڭگو عىلىم - تەحنيكا سارايىنىڭ باستىعى گو جى.

شياڭشان توڭكەرىستىك ەسكەرتكىش سارايى پارتيا باس ياچەيكاسىنىڭ شۋجيى، مۇراجاي باستىعى ياڭ جيا - ي بىلاي دەدى: مەملەكەتتىك وتانشىلدىق تاربيەدەن ۇلگى كورسەتۋ بازاسىنىڭ رولىن تولىق ساۋلەلەندىرىپ، قىزىل گالستۋكتى تۇسىندىرۋشىلەر قوسىنىن ويداعىداي تاربيەلەپ، بالالاردى پارتيانى، وتاندى، سوتسياليزمدى ءسۇيۋ سەزىمىن بەكەمدەۋگە جەتەكتەۋ ارقىلى، اناعۇرلىم كەڭ ۇيرەنۋ جانە اۋىس - كۇيىس تۇعىرىن قۇرىپ، توڭكەرىستىڭ الاۋىن ۇرپاقتان - ۇرپاققا جالعاستىرامىز.

(«حالىق گازەتىنىڭ» ءتىلشىسى ساۋ ليڭجۋان جازۋعا قاتىناستى)