ءسوز جوق، پارتيامىزدى ويداعىداي قۇرىپ، قۇدىرەتتەندىرۋىمىز كەرەك (باس شۋجيدىڭ حالىقشىلدىق سۇيىسپەنشىلىگى)

جۇڭگونىڭ ىستەرىن ويداعىداي ىستەۋدىڭ - تەتىگى پارتيادا، پارتيانى پارتيا باسقارۋدا، پارتيانى جاپپاي قاتاڭ جونگە سالۋدا.

جاڭا داۋىردەن بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتتى، پارتيا توڭكەرىستىك شىڭدالۋ بارىسىندا اناعۇرلىم پارمەندى بولىپ، پارتيا مەن مەملەكەت ىستەرىنىڭ ورنىقتى، باياندى دامۋىنا جەتەكشىلىك ەتتى جانە ونى قامتاماسىز ەتتى.

ۇلى ءداۋىر عىلمي يدەيانى جەتىلدىرەدى، عىلمي يدەيا جاڭالىق اشۋ امالياتىنا جەتەكشىلىك ەتەدى. شي جينپيڭ پارتيا قۇرىلىسى يدەياسى ”ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ“ سىندى كەلەلى داۋىرلىك تاقىرىپقا تەرەڭ جاۋاپ بەردى، بۇل _ جاڭا داۋىردەگى پارتيا قۇرىلىسىن كۇشەيتۋدىڭ ءتۇبىرلى تياناعى.

2016 - جىلى 10 - ايدا پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە باس شۋجي شي جينپيڭ بىلاي دەپ اتاپ كورسەتتى: ”كوپتەگەن جاڭا تاريحي ەرەكشەلىككە يە ۇلى كۇرەستى ويداعىداي جۇرگىزىپ، ءتۇرلى حاۋىپ - قاتەرلەر مەن سىن - سايىستارعا ءونىمدى توتەپ بەرىپ، ’قوس 100 جىلدىق‘ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، ءسوز جوق، پارتيامىزدى ويداعىداي قۇرىپ، قۇدىرەتتەندىرۋىمىز كەرەك“.

پارتيامىزدى ويداعىداي قۇرىپ، قۇدىرەتتەندىرىپ، اياق الىستى بىرلىككە كەلتىرىپ العا باسۋعا كەپىلدىك ەتۋىمىز كەرەك.

30 جىلدى باسىپ ءوتىپ، 2000 كيلومەتردەن استام ارالىقتى جالعاعان فۋجيان مەن نيڭشيانىڭ سەلبەستىگى كەدەيلىكتەن ارىلتۋدان قامال الۋعا دەم بەرىپ، وڭىرلەردىڭ سايكەستى دامۋىن جەبەپ، شىعىس، باتىس بولىكتەردىڭ سەلبەستىگىنىڭ ىقشام كورىنىسى بولىپ، پارتيامىزدىڭ ساياسي ابزالدىعى مەن ەلىمىزدىڭ سوتسياليستىك ءتۇزىمىنىڭ ابزالدىعىن ايگىلەدى.

تاياۋدا باس شۋجي شي جينپيڭ شىعىس، باتىس بولىكتەردىڭ ىستەستىگى قىزمەتىن ۇدايىلاندىرا ويداعىداي ىستەۋ جونىندە ماڭىزدى نۇسقاۋ بەرىپ، ”فۋجيان مەن نيڭشيانىڭ سەلبەسۋى سياقتى پايدالى تاجىريبەلەردى قورىتىندىلاپ قولدانۋدى“، ”وڭىرلىك دامۋدىڭ سايكەسىمدىلىگىن ۇزدىكسىز كۇشەيتىپ، جالپى حالىقتىڭ بىرگە اۋقاتتانۋىن ىلگەرىلەتۋدە نىق قادام باسۋدى“ باسا دارىپتەدى.

پارتيانىڭ باسشىلىعىنا تاباندى بولۋ − جۇڭگوشا سوتسياليزمنىڭ ەڭ ماندىك ەرەكشەلىگى.

پارتيانىڭ كۇشى ۇيىمنان كەلەدى. جوعارى مەن تومەن تۇتاسقان، پارمەندى اتقارىلاتىن ۇيىمدىق جۇيەنى اقاۋسىزداندىرعاندا عانا، پارتيانىڭ باسشىلىعى بەرىك بولماق. كەدەيلىكتەن ارىلتۋدان قامال الۋ شايقاسىنان 5 جىلدىق وتپەلى كەزەڭگە دەيىن، ونان ۇدايىلانعان، دالمە - ءدال سۇيەمەلدەۋگە دەيىن، پارتيا ورتالىق كوميتەتى بۇيرىق ءتۇسىردى، ءار دارەجەلى پارتيا ۇيىمدارى مەن بارشا پارتيالى كادرلار بۇيرىقتى ەستي سالا اتتانىسقا كەلىپ، تاۋلى اۋىلدارعا اتتاندى.

جوعارى مەن تومەن ءبىر نيەتتە بولعاندا عانا جەڭىسكە جەتۋگە بولادى. جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جورىعىندا نىق سەنىممەن جۇرە الۋىمىز، تۇپتەپ كەلگەندە، باس شۋجي شي جينپيڭنىڭ جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. ”ەكىنى تۇراقتاندىرۋ“ − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە.

جاڭا ءداۋىردىڭ جاڭا جورىعىندا ”بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ’قۇرىشتاي ۇيىسىپ‘، ءبىر باعىتتا ويلاپ، ءبىر باعىتتا كۇش سالدى“. 2022 - جىلى 10 - ايدا باس شۋجي شي جينپيڭ پارتيانىڭ 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا وسىلاي دەپ باسا دارىپتەدى.

پارتيامىزدى ويداعىداي قۇرىپ، قۇدىرەتتەندىرىپ، جالىندى تىرشىلىك تىنىسى مەن ومىرشەڭدىك كۇشىن ماڭگى ساقتاۋىمىز كەرەك.

”اۋەلگى ماقساتتى، بورىشتى نىعايتىپ، تاباندىلىق كورسەتىپ، ۇزدىكسىز قاجىماي كۇش سالىپ، يان - انداعى ’جەر كەپە سۇراۋىنا‘ ۇزدىكسىز ويداعىداي جاۋاپ بەرۋىمىز كەرەك“. باس شۋجي شي جينپيڭنىڭ 2026 - جىلعى جاڭا جىلدى قۇتتىقتاۋ سوزىندەگى وسى ءسوزى سەرگەك تاريحي سانالىلىقتى، بەرىك تاريحي ىرىقتىلىقتى ايگىلەدى.

ۇزاق ۋاقىت ءومىر سۇرگەن ”ءتورت ۇلكەن سىناق“، ”ءتورت ءتۇرلى قاتەر“ الدىندا، پارتيانى باسقارۋدى، پارتيانى جونگە سالۋدى ءبىر ءسات تە بوساڭسىتۋعا بولمايدى. پارتيانىڭ 18 - قۇرىلتايى جابىلعانىنا ءبىر اي بولماي جاتىپ، پارتيا ورتالىق كوميتەتى ورتالىقتىڭ سەگىز ءتۇرلى بەلگىلەمەسىن جاساپ شىعاردى.

ءبىر ءجۇرىس ءساتتى بولسا، جالپى جاعداي وڭىنا باسادى. پارتيانى جاپپاي قاتاڭ جونگە سالۋ ۇزدىكسىز ىشكەرىلەي دامىپ، بۇرىن تەجەۋ مۇمكىن ەمەس دەپ قارالعان كوپتەگەن بۇرىس ستيلدى تەجەپ، كوپ جىلدان بەرى الاستاۋ قيىن بولعان ەسكىلىكتى كىناراتتاردى الاستاپ، پارتيامىزدىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالۋىنا كەپىلدىك ەتتى.

”پارتيامىز شىڭدالۋدى باستان كەشىرىپ، جالىندى دا جىگەرلى بولدى، مۇنداعى ماڭىزدى ءبىر سەبەپ − ءبىزدىڭ پارتيانى پارتيا باسقارۋعا، پارتيانى جاپپاي قاتاڭ جونگە سالۋعا باستان - اياق تاباندى بولعاندىعىمىزدا“. پارتيا قۇرىلعاندىعىنىڭ 100 جىلدىعى قارساڭىندا، باس شۋجي شي جينپيڭ وسىلاي تەرەڭ قورىتىندى جاسادى.

پارتيامىزدى ويداعىداي قۇرىپ، قۇدىرەتتەندىرسەك، باستان - اياق حالىقتىڭ شىن جۇرەكتەن قولداۋىنا يە بولا الامىز.

”جاڭا داۋىردەگى كوممۋنيستەر قىزىل گەندى جالعاستىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، مىندەت اتقارىپ، جاۋاپكەرشىلىكتى ادا ەتىپ، ناقتى ىستەپ، جاۋاپكەرشىلىك ارقالاپ، جاڭا جورىقتا ۇزدىك جاۋاپ قايتارۋىمىز كەرەك“. تاياۋدا باس شۋجي شي جينپيڭ شينحۋا اگەنتتىگىنىڭ ساقا پارتيا مۇشەسى جاڭ ليانشىڭعا جاۋاپ حات جازىپ وسىلاي دەپ باسا دارىپتەدى.

”حالىقتىڭ تاماشا تۇرمىسقا تالپىنىسى _ ءبىزدىڭ كۇرەس نىسانامىز“. جاڭا داۋىردەن بەرى باس شۋجي شي جينپيڭ چاڭجياڭنىڭ وڭتۇستىگى مەن سولتۇستىگىن تۇگەل ارالاپ شىقتى، ”مەن وزىممەن ساناسپاي حالىقتىڭ ءۇمىتىن اقتايمىن“ دەگەن سەنىم ءاربىر مەيىرلى ساتكە ءسىڭىپ، بۇقارانىڭ جۇزىنە كۇلكى ءۇيىرىلدى.

”ماسەلەنى حالىق تۇرعىسىندا تۇرىپ ويلاستىرۋ كەرەك“. پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە باس شۋجي شي جينپيڭ بىلاي دەپ باسا دارىپتەدى: ”«ۇسىنىس» نۇسقاسىنىڭ جەتەكشى يدەياسىندا جالپى حالىقتىڭ بىرگە اۋقاتتانۋىندا نىق قادام تاستاۋ كورنەكتى تۇردە باسا دارىپتەلدى، بۇل _ ’15 - بەسجىلدىق‘ مەزگىلىندەگى ەكونوميكالىق، قوعامدىق دامۋعا جەتەكشىلىك ەتۋدەگى جالپى تۇلعالىق تالاپ“.

”حالىق ءۇشىن قىزمەت ىستەۋ، ناقتى ءىس ىستەۋ ارقىلى ناتيجە جاراتۋ“ كەرەك. قازىر دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى بۇكىل پارتيادا ورىستەتىلۋدە. بارشا پارتيالى كادرلار پارتيانىڭ جاڭالىق اشۋ نازارياسىمەن زەيىن - زەردەنى، رۋحتى سومداۋعا تاباندى بولىپ، شىنايى يگەرىپ، ناقتى ىستەپ، ۇيرەنۋ تاربيەسى جەتىستىكتەرىن جوعارى ساپالى دامۋدىڭ ونىمدىلىگىنە اينالدىرىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋگە قۇلشىنۋى كەرەك.

”پارتيانى ويداعىداي قۇرساق، مەملەكەتىمىزدە، حالقىمىزدا، ىستەرىمىزدە سۇيەنىش بولادى“. باس شۋجي شي جينپيڭ اسقاق ۇنمەن وسىلاي دەدى.

كەلۋ قاينارى: حالىق تورابى