جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتتىقتاۋ مۋزىكا ساۋىق كەشى «حالىقتى بارىنەن جوعارى قويۋ» بەيجيڭدە وتكىزىلدى

6 - ايدىڭ 29 - كۇنى كەشتە قۇتتىقتاۋ مۋزىكا ساۋىق كەشى «حالىقتى بارىنەن جوعارى قويۋ» بەيجيڭدە وتكىزىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى 3000 داي كورەرمەنمەن بىرگە كونسەرتتى تاماشالادى

سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

«حالىق گازەتى»، 6 - ايدىڭ 29 - كۇنى، بەيجيڭ (ءتىلشى ۋاڭ جوۋ). تەرەڭ سۇيىسپەنشىلىككە تولى مۋزىكا شۇعىلالى بارىسقا قۇرمەت ءبىلدىردى، اسقاق ءان اۋەنىمەن حالىقتىق ەپوس شىرقالدى. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ مۋزىكا ساۋىق كەشى «حالىقتى بارىنەن جوعارى قويۋ» 6 - ايدىڭ 29 - كۇنى كەشتە بەيجيڭدە وتكىزىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلى پارتيا مەن مەملەكەت باسشىلارى 3000 داي كورەرمەنمەن بىرگە كونسەرتتى تاماشالاپ، وسى شۇعىلالى مەرەكەنى بىرگە قۇتتىقتادى.

حالىق سارايىنىڭ شىراقتارى سامالاداي جارقىراپ، مەرەكەلىك قۋانىش لەبى ەستى. ساعات 19 دان 55 مينۋت وتكەندە، ويناقى مۋزىكا ءۇنى ىشىندە شي جينپيڭ قاتارلى پارتيا مەن مەملەكەت باسشىلارى مۋزىكا ساۋىعى الاڭىنا كەلگەندە، بۇكىل زالدان دۋ قول شاپالاق ءۇنى كوتەرىلدى.

”تاۋ جىرىن پارتياعا ارنايمىن، پارتيا ماعان انامداي ىستىق ...،“ دەپ باستالاتىن بالالار حورىمەن مۋزىكا ساۋىعى باستالدى. ساۋىق كەشى بەس بولىمگە بولىنگەن بولىپ، ادەبيەت - كوركەمونەر قىزمەتكەرلەرى كەمەلدى ورىنداۋ، جان تەبىرەنتەرلىك ءان اۋەنىمەن پارتياعا دەگەن شەكسىز سۇيىسپەنشىلىكتەرىن بەينەلەپ، ۇلتتىڭ گۇلدەنۋىنىڭ داۋىرلىك اسقاق ءۇنىن شىرقادى.

«قىزىل تۋ جىرى» اسقاق اۋەنمەن ورىندالىپ، اسقاق اۋەن قىزىل سۇيىسپەنشىلىكتى تاسقىنداتسا، تۇتىكتى - ىشەكتى اسپاپتارمەن ورىندالعان مۋزىكا «اعا بۋىندارعا ارناۋ» توڭكەرىستىك قۇرباندارعا دەگەن تەرەڭ ساعىنىش پەن وسكەلەڭ قۇرمەتتى بەينەلەدى. «يىڭشانحۇڭ»، «تامىزدا گۇيحۋا گۇلى بارلىق جەردە اشىلدى»، «حۋاڭحىنى جىرلاۋ»، «ازات رايوننىڭ اسپانى» توڭكەرىستىك سوعىس جىلدارىنداعى ارميا مەن حالىقتىڭ ءبىر نيەت، ءبىر تىلەكتە بولىپ، جۇدىرىقتاي جۇمىلعان ايبىندى كارتيناسىن ەسكە قايتا ورالتىپ، ءجۇز ميلليونداعان بۇقارانىڭ پارتياعا ىلەسىپ، جاڭا ومىرگە قادام تاستاعان شاتتىعىن جەتكىزدى. «قامشى ءۇيىرىپ، استىقتى جەدەل تاسۋ»، «كوبەلەك بۇلاعىنىڭ جاعاسى»، «كىر جۋۋ ءانى»، «كوكتەمدە اتىز باسىنا بارۋ»، «وتانعا مۇناي ارنايمىن»، «كۇن نۇرى تاشقورعاندى نۇرلاندىرادى» سياقتى تۇتىكتى - ىشەكتى اسپاپتارمەن ورىندالعان مۋزىكالار مەن «الۋان ءتۇستى مەكەن» حور اۋەنى سوتسياليستىك توڭكەرىس پەن قۇرىلىس مەزگىلىندە ءار سالا، ءار كاسىپتىڭ قارىشتاپ دامۋىنىڭ، ءار ۇلت كادرلارى مەن بۇقاراسىنىڭ مەكەندى بىرگە قۇرۋىنىڭ دۋماندى كورىنىسىن بەينەلەدى. تۇتىكتى - ىشەكتى مۋزىكا اسپاپتارىمەن ورىندالعان حور «ءۇمىت اتىزى» كلاسسيكالىق اندەر ارقىلى رەفورما جاساپ، ەسىك اشقاننان بەرگى جۇڭگونىڭ بايتاق دالاسىنداعى قۋانارلىق وزگەرىستەردى بەينەلەپ، جۇڭحۋا ۇلاندارىنىڭ ءبىر نيەت، ءبىر تىلەكتە بولا وتىرىپ ارمانعا قانات قاعۋىنىڭ تاماشا جۇرەك ءۇنىن جەتكىزدى.

105 جىل جاپا - ماشاقاتتا بىرگە بولدى، 105 جىل قول ۇستاسا ەكپىندەي ىلگەرىلەدى. تۇتاس مۋزىكا ساۋىعى جان تەبىرەنتىپ، تارتىمدى بولدى. تۇتىكتى - ىشەكتى اسپاپتارمەن ورىندالعان مۋزىكا «تاۋ - وزەن شاتتىق جىرى»، «كوڭىلدىڭ توعىسۋى» جاڭا ءداۋىردىڭ كۇن سايىن كوركەيىپ كەلە جاتقان بەينەسىن ايگىلەسە، سيمفونيالىق حور «تاۋ - وزەنگە سۇيىسپەنشىلىك» وتباسى مەن وتانعا دەگەن سۇيىسپەنشىلىكتى ەگجەي - تەگجەيلى سۇيىسپەنشىلىكپەن جەتكىزدى، تۇتىكتى - ىشەكتى اسپاپتارمەن ورىندالعان مۋزىكا «حالىقتىڭ ءۇمىتىن اقتاۋ» اسقاق ايبىنىمەن بۇكىل الاڭدى دۋمانعا بولەدى. بۇكىل زالداعىلار «كوممۋنيستىك پارتيا بولماسا، جاڭا جۇڭگو بولماق ەمەس» ءانىن اسقاقتاتا شىرقاپ، مۋزىكا ساۋىعى اياقتالدى.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، ورتالىق اسكەري ىستەر كوميتەتى ءتوراعاسىنىڭ ورىنباسارلارى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ ورىنباسارلارى كونسەرتتى تاماشالادى.

كونسەرتتى سونداي - اق ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ەڭبەك ءسىڭىرىپ، داڭققا يە بولىپ ماداقتالىپ - سيلانعانداردىڭ ۋاكىلدەرى، ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، جۇڭگودا قىزمەت ىستەپ جاتقان شەتەلدىك مامانداردىڭ ۋاكىلدەرى، استاناداعى نەگىزگى ساتى پارتيا مۇشەلەرىنىڭ جانە ءار سالا جۇرتشىلىعىنىڭ ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى قاتارلىلار تاماشالادى.