جياۋ يۇيلۋ سياقتى اۋداندىق پارتكوم شۋجيى بولايىق

شينحۋا اگەنتتىگى، 6 - ايدىڭ 30 - كۇنى، بەيجيڭ. 7 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 13 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جياۋ يۇيلۋ سياقتى اۋداندىق پارتكوم شۋجيى بولايىق» اتتى ماڭىزدى ماقالاسى قايتا جاريالانادى. بۇل − باس شۋجي شي جينپيڭنىڭ 2015 - جىلى 1 - ايدىڭ 12 - كۇنى ورتالىق پارتيا مەكتەبىنىڭ اۋداندىق پارتكوم شۋجيلەرىنىڭ ءبىلىم تولىقتاۋ كلاسىنداعى كۋرسانتتار اڭگىمە ماجىلىسىندە سويلەگەن ءسوزى.

ماقالادا مىنالار باسا دارىپتەلدى: پارتيامىزدىڭ ۇيىمدىق قۇرىلىمى مەن مەملەكەتتىڭ بيلىك قۇرىلىمىندا اۋدان دارەجەلى ورىندار بۇرىنعىعا مۇراگەر بولىپ، كەيىنگىگە جول اشاتىن شەشۋشى بۋىن، ەكونوميكانى دامىتۋدىڭ، حالىق تۇرمىسىن قامتاماسىز ەتۋدىڭ، ورنىقتىلىقتى قورعاۋدىڭ، مەملەكەتتىڭ باياندى تىنىشتىعىن جەبەۋدىڭ ماڭىزدى نەگىزى. اۋداندىق پارتكوم − پارتيامىزدىڭ بيلىك جۇرگىزىپ، مەملەكەتتى گۇلدەندىرۋدەگى ”ءبىرىنشى شەپ قولباسشىلىق شتابى“، اۋداندىق پارتكوم شۋجيى − ”ءبىرىنشى شەپ باس قولباسشىسى“. قايتكەندە اۋداندىق پارتكومنىڭ جاقسى شۋجيى بولۋعا بولادى؟ جياۋ يۇيلۋ جولداس اۋداندىق پارتكوم شۋجيلەرىنە ۇلگى بولدى. اۋداندىق پارتكومنىڭ شۋجيى بولعان ەكەنبىز، جياۋ يۇيلۋ سياقتى اۋداندىق پارتكوم شۋجيى بولۋىمىز كەرەك.

ماقالادا مىنالار اتاپ كورسەتىلدى: اۋداندىق پارتكومنىڭ شۋجيى بولۋ ءۇشىن، ءسوز جوق، قاشاندا كوڭىلدە پارتيا بولۋ كەرەك. پارتياعا ادال بولۋ − اۋداندىق پارتكوم شۋجيىنىڭ ماڭىزدى ولشەمى. ءبىر اۋداندىق پارتكوم شۋجيىنىڭ قالاي ىستەگەنىن ولشەگەنىمىزدە، كوپ نارسەنى ايتۋعا بولادى، ءبىراق باستىسى مىناعان قاراۋ كەرەك. اۋدان دارەجەلى شەپتى كوڭىلىندە پارتيا بار، پارتياعا ادال ادامدار بەرىك ساقتاۋى كەرەك. ساياسي بەتالىستى مىقتى يگەرىپ، ۇيىمدىق تانىمدى كۇشەيتىپ، ۇيىمعا سەنىپ، ۇيىمعا سۇيەنىپ، ۇيىمعا بويسۇنىپ، پارتيانىڭ ىنتىماعى مەن بىرلىگىن سانالىلىقپەن قورعاۋ كەرەك. ماركسيزم نازارياسىن ۇيرەنۋدى، يگەرۋدى ەرەكشە قابىلەت ەتىپ، دۇنيەگە كوزقاراس، ومىرگە كوزقاراس، قۇن كوزقاراسى سىندى ”باس تەتىك“ ماسەلەسىن ويداعىداي شەشۋگە باسا ءمان بەرۋ كەرەك. ساياسي تارتىپكە قاتاڭ بويسۇنىپ، ساياسي بەتالىس، ساياسي مايدان، ساياسي پىكىر، ساياسي ارەكەت جاقتارىندا قاعيدانى ويداعىداي ساقتاپ، پارتيانىڭ باسشىلىعىنا سانالى تۇردە تاباندى بولىپ، پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلىن سانالى تۇردە قورعاۋ كەرەك.

ماقالادا مىنالار اتاپ كورسەتىلدى: اۋداندىق پارتكومنىڭ شۋجيى بولۋ ءۇشىن، ءسوز جوق، قاشاندا كوڭىلدە حالىق بولۋ كەرەك. بۇكىل ىنتا - پەيىلىمەن حالىق ءۇشىن قىزمەت ىستەۋ − پارتيامىزدىڭ ءتۇبىرلى ماقساتى. اۋداندىق پارتكوم شۋجيى − نەگىزگى ساتىداعى بۇقاراعا تىكەلەي بەت العان باسشى كادر، ءسوز جوق، بۇقارامەن تىلەكتەس بولىپ، حالىققا باقىت جاراتۋى كەرەك. حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن كۇش سالا ويداعىداي شەشۋ، اسىرەسە، حالىق نارازى بولعان ماسەلەلەردى كۇش سالا ويداعىداي شەشىپ، قىسىلعاندا قارايلاساتىن ىستەردى كوبىرەك ىستەۋ كەرەك. ءىس تىندىرىپ، شارۋاشىلىق قۇرۋدا، ءسوز جوق، دۇرىس ناتيجە كوزقاراسىن ورناتۋ كەرەك، جەكە ادامنىڭ وبرازىن ورناتۋ ءۇشىن ءسانى بار دا ءمانى جوق، حالىقتى كۇيزەلتىپ، بايلىقتى شاشاتىن ”وبراز ينجەنەرياسىن“، ”ساياسي ناتيجە ينجەنەرياسىن“ جۇرگىزۋگە استە بولمايدى. تەكسەرىپ - زەرتتەۋدى نەگىزگى ونەر ەتىپ، نەگىزگى ساتىعا، بۇقاراعا، ءىس جۇزىندىككە ىشكەرىلەي ارالاسىپ، جاعدايدى ۇعىسىپ، حالىقتان اقىل - كەڭەس الۋ كەرەك. تاماشا ستيل ورناتىپ، ۇكىمەت ىسىندە شوگەل بولىپ، ناقتى ىستەپ، حالىق ءۇشىن قىزمەت ىستەپ، ”ءتورت ءتۇرلى بۇرىس ستيل“ ماسەلەسىن سانالى تۇردە تەجەۋ جانە تۇزەتۋ كەرەك.

ماقالادا مىنالار اتاپ كورسەتىلدى: اۋداندىق پارتكومنىڭ شۋجيى بولۋ ءۇشىن، ءسوزجوق، قاشاندا كوڭىلدە جاۋاپكەرشىلىك بولۋى كەرەك. اۋدان دارەجەلى نەگىزگى باسشىلار نەشە ءجۇز مىڭ، نەشە ميلليونداعان ادامنىڭ رەفورما، دامۋ، ورنىقتىلىق سىندى ۇلى جوسپارىن جاساۋى، سان قيلى ىستەردى باسقارۋى كەرەك. جىگەردى تاسقىنداتىپ، كوكىرەك كەرنەگەن قىزۋ ىنتامەن جاقسى ىستەپ، ءبىر جاقتان ءمانساپ ۇستاپ، ەندى ءبىر جاققا باقىت جاراتۋى كەرەك. بەلگىلەنگەن قىزمەت ورنالاستىرۋلارىن سوڭىنا دەيىن مىقتى يگەرىپ، ءساتتى باستاپ، تابىسپەن اياقتاتۋى كەرەك. ءبىر جاقسى جوبا عىلمي، ءىس جۇزىندىككە جاناسىمدى، حالىقتىڭ تىلەگىنە ۇيلەسەتىن بولسا بولعانى، كۇش جالعاپ جۇگىرۋ جارىسى سياقتى ءبىر - بىرلەپ جالعاستىرا ىستەۋ كەرەك. قىزمەتتەگى قيىن ماسەلەلەر الدىندا، شەشۋ بەرمەس قيىنشىلىقتىڭ بار ەكەنىن بىلە تۇرا، قيىنشىلىقتى جەڭۋدىڭ ناقتى شارالارىن بەلسەنە قاراستىرىپ، تاۋەكەلگە بەل بۋىپ، توتەپ بەرۋ كەرەك. كورنەكتى قايشىلىقتاردان تايساقتاماي، ىرىقتىلىقپەن شەشۋ كەرەك. توسىن وقيعالارعا تاپ بولعاندا، حاۋىپ - قاتەردەن قورىقپاي، بايسالدى بولىپ، جاۋاپكەرشىلىكتى باتىلدىقپەن ارقالاۋ كەرەك.

ماقالادا مىنالار اتاپ كورسەتىلدى: اۋداندىق پارتكومنىڭ شۋجيى بولۋ ءۇشىن، ءسوز جوق، قاشاندا كوڭىلدە عيبىرات بولۋى كەرەك. ءبىزدىڭ بيلىگىمىزدى پارتيا مەن حالىق بەرگەن، پارتيا مەن حالىق ءۇشىن جۇمىس ىستەۋگە پايدالانىلادى، جالپىلىق ءۇشىن پايدالانىلادى، جەكە ءۇشىن ەمەس، تەك پارتيانىڭ قامىن جەۋ، مەملەكەت ءۇشىن ءىس ىستەۋ، حالىقتىڭ مۇددەسىن كوزدەۋ ءۇشىن عانا پايدالانىلادى. ۇقىقتى دۇرىس جۇرگىزۋ، ۇقىقتى زاڭ بويىنشا پايدالانۋ، ۇقىقتى ءادىل جۇرگىزۋ، ۇقىقتى پاك جۇرگىزۋ، كوڭىلدە يمەنۋ بولۋ، سوزدە عيبىرات بولۋ، ارەكەتتە تيىلۋ كەرەك، جالپىلىق پەن جەكەلىكتىڭ، سۇيىسپەنشىلىك پەن زاڭنىڭ، مۇددە مەن زاڭنىڭ قاتىناسىن ويداعىداي شەشۋ كەرەك. دەموكراتيالىق ورتالىقتاندىرۋ ءتۇزىمىن باستاماشىلدىقپەن اتقارىپ، ءتارتىپ بويىنشا شەشىم جاساۋ كەرەك. پارتكوم باسشىلىق القاسىنىڭ، بىرنەشە ۇلكەن باسشىلىق القانىڭ جانە ءار دارەجەلى كادرلاردىڭ اقىل - پاراساتىن شوعىرلاندىرۋعا شەبەر بولىپ، جالپى جاعدايدى مەڭگەرۋ، باۋراپ الماۋ، جۇمىس ءبولىسى بولەك بولماۋ، قول قۋسىرىپ قاراپ تۇرماۋ كەرەك. زاڭدى ۇيرەنۋدىڭ، زاڭعا قۇرمەت ەتۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىسى بولىپ، اۋدان ءوڭىرىن زاڭمەن جونگە سالۋ وي جەلىسىنەن پايدالانىپ جوبالاۋعا شەبەر بولۋ كەرەك. وزىنە باستان - اياق قاتاڭ تالاپ قويىپ، كىرشىكسىز ادام بولۋدى، كىرشىكسىز ءىس ىستەۋدى، بۇكپەسىز ءمانساپتى بولۋدى جۇزەگە اسىرۋ كەرەك. سوتسياليستىك وزەكتى قۇن كوزقاراسىن سانالىلىقپەن ساۋلەلەندىرىپ جانە امالياتتا ايگىلەپ، ءمورالدىق سومدالۋدى كۇشەيتىپ، اقاۋسىز اۋەسكە تالپىنىپ، تۇتاس اۋداندى اقاۋسىز، العاباسار قوعامدىق سالت قالىپتاستىرۋعا جەتەكتەۋ كەرەك.