«شي جينپيڭنىڭ نەگىزگى ساتى قىزمەتى ءادىسى جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

شينحۋا اگەنتتىگى، 7 - ايدىڭ 5 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ نەگىزگى ساتى قىزمەتى ءادىسى جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق قۇجات باسپاسىنان باسىلىپ شىعىپ، بۇكىل ەلدە تاراتىلدى.

نەگىزگى ساتى − پارتيانىڭ بيلىك جۇرگىزۋ نەگىزى، كۇش - قۋاتىنىڭ قاينارى، بارلىق قىزمەتتىڭ تابان تىرەر تياناعى.

مەيلى جەرگىلىكتى ورىندا قىزمەت ىستەگەن كەزدە بولسىن، الدە ورتالىققا بارىپ قىزمەت ىستەگەننەن كەيىن بولسىن، شي جينپيڭ جولداس باستان - اياق نەگىزگى ساتىعا ءمان بەرىپ، نەگىزگى ساتىعا كوڭىل ءبولىپ، نەگىزگى ساتىعا ىشكەرىلەي ارالاسىپ، نەگىزگى ساتىعا قولداۋ كورسەتىپ، نەگىزگى ساتىنى يگەرۋدى، نەگىز قالاۋدى ۇزاق بولاشاقتىق جوسپار جانە نەگىزدى بەكەمدەۋ شاراسى ەتۋگە تاباندى بولىپ، نازاريالىق مانگە جانە امالياتتىق قۇنعا باي ءبىر قىدىرۋ نەگىزگى ساتى قىزمەت ادىستەرىن قاراستىردى. شي جينپيڭ جولداستىڭ نەگىزگى ساتى قىزمەتىنىڭ ءادىسى توڭىرەگىندە جاريالاعان ءبىر قىدىرۋ ماڭىزدى بايىمداۋلارىنىڭ ويى ورەلى، مازمۇنى باي، يدەياسى تەرەڭ، نەگىزگى ساتى دەگەن نە، نەگىزگى ساتىعا قالاي ىشكەرىلەي ارالاسۋ، نەگىزگى ساتىعا قالاي قىزمەت وتەۋ كەرەك دەگەن سياقتى كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، نەگىزگى ساتى قىزمەتىنىڭ زاڭدىلىعى جونىندەگى تانىمدى تەرەڭدەتتى، نەگىزگى ساتىنى جاپپاي يگەرۋدىڭ باعدارىن ايقىنداپ، دۇرىس قىزمەت ناتيجەسى كوزقاراسىن ورناتتى جانە امالياتتا ايگىلەدى، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋدىڭ ەڭ سەنىمدى، ەڭ تەرەڭ، ەڭ باياندى كۇش قاينارىنا يە بولۋىنا مۇمكىندىك جاساۋدا توتەنشە ماڭىزدى مانگە يە.

«بايىمداۋلاردان ۇزىندىلەر» 9 ارناۋلى تاقىرىپقا بولىنگەن، جالپى 287 بايىمداۋ بار، شي جينپيڭ جولداستىڭ 1983 - جىلى 4 - ايدان 2026 - جىلى 4 - ايعا دەيىنگى مەزگىلدەگى باياندامالارى، سوزدەرى، ماقالالارى، نۇسقاۋلارى، بەكىتۋلەرى سياقتى 190 نەشە ماڭىزدى قۇجاتتان الىنعان. مۇنىڭ ىشىندە ءىشىنارا بايىمداۋلار تۇڭعىش رەت اشىق جاريالانىپ وتىر.