شي جينپيڭ تەلەگرامما جولداپ كەيكو فۋحيموريدىڭ پەرۋدىڭ زۇڭتۇڭى بولىپ سايلانعانىن قۇتتىقتادى

شينحۋا اگەنتتىگى، 7 - ايدىڭ 6 - كۇنى، بەيجيڭ. 7 - ايدىڭ 6 - كۇنى مەملەكەت ءتوراعاسى شي جينپيڭ كەيكو فۋحيموريعا تەلەگرامما جولداپ، ونىڭ پەرۋ رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن پەرۋ − جان - جاقتى ستراتەگيالىق سەرىكتەر، ەكى ەل قاتىناسى تاماشا دامۋ ارىنىن ساقتاۋدا. ەكى جاقتىڭ جوعارى جىكتەگىلەرىنىڭ بارىس - كەلىسى جيىلەپ، ءار سالاداعى ناقتى سەلبەستىكتە سۇبەلى تابىستارعا قول جەتتى، حالىق دوستىعى جۇرت جۇرەگىنە تەرەڭ ۇيالادى. بيىل − جۇڭگو مەن پەرۋدىڭ ديپلوماتيالىق قاتىناس ورناتقاندىعىنىڭ 55 جىلدىعى. مەن جۇڭگو - پەرۋ قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ كەيكو فۋحيموريمەن بىرگە قۇلشىنىپ، ەكى ەلدىڭ ءداستۇرلى دوستىعىن جالعاستىرىپ، جۇڭگو مەن پەرۋدىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىن اناعۇرلىم جاقسى باقىتقا كەنەلتۋدى قالايمىن.

سول كۇنى مەملەكەت ءتوراعاسىنىڭ ورىنباسارى حان جىڭ پەرۋ زۇڭتۇڭىنىڭ ءبىرىنشى ورىنباسارى بولىپ سايلانعان گاللەتاعا قۇتتىقتاۋ تەلەگرامماسىن جولدادى.