شي جينپيڭ چەرنوگوريانىڭ زۇڭتۇڭى ميراتوۆيچپەن جۇڭگونىڭ چەرنوگوريامەن ديپلوماتيالىق قاتىناس ورناتقاندىعىنىڭ 20 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 7 - ايدىڭ 6 - كۇنى، بەيجيڭ. 7 - ايدىڭ 6 - كۇنى مەملەكەت ءتوراعاسى شي جينپيڭ مەن چەرنوگوريانىڭ زۇڭتۇڭى ميراتوۆيچپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 20 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن چەرنوگوريانىڭ ءداستۇرلى دوستىعى تەرەڭ، ديپلوماتيالىق قاتىناس ورناتقان 20 جىلدان بەرى باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءوزارا پايدا جەتكىزىپ، تەڭ يگىلىككە كەنەلىپ، تۇرلىشە ۇلكەندى - كىشىلى ەلدەردىڭ دوستىق قاتىناسىنىڭ، بىرگە دامۋىنىڭ ۇلگىسىن ورناتتى. مەن ميراتوۆيچ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 20 جىلدىعىن جاڭا باستاما ەتىپ، ءداستۇرلى دوستىققا مۇراگەرلىك ەتىپ جانە ونى ساۋلەلەندىرىپ، ءوزارا ءتيىمدى سەلبەستىكتى ۇزدىكسىز تەرەڭدەتىپ، جۇڭگو - چەرنوگوريا قاتىناسىنىڭ تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىنا ءتىپتى دە زور باقىت جاراتۋدى قالايمىن.

ميراتوۆيچ مىنالاردى ءبىلدىردى: چەرنوگوريا مەن جۇڭگو ەكى ەل باستان - اياق ءوزارا قۇرمەت ەتۋ جانە ءتۇسىنۋ نەگىزىندە دوستىق سەلبەستىك قاتىناسىن دامىتتى. چەرنوگوريا جاق جۇڭگو جاقپەن ديپلوماتيالىق قاتىناس ورناتۋدىڭ 20 جىلدىعىن وراي ەتىپ، دوستىق قاتىناستى ونان ارى بەكەمدەپ جانە تەرەڭدەتىپ، ءار سالاداعى سەلبەستىكتى كەڭەيتىپ، ەكى ەل حالقىنا باقىت جاراتىپ، دۇنيە ءجۇزىنىڭ بەيبىت دامۋىن جەبەۋگە بەلسەندى ۇلەس قوسۋدى قالايدى.