حۋبەيدىڭ حۋاڭشى، حۋاڭگاڭ قاتارلى جەرلەرىندە كۇشتى كونۆەكسيالىق اۋا رايى تۋىلىپ، 8 ادام قازا بولدى

شينحۋا اگەنتتىگىنىڭ 7 ـ ايدىڭ 7 ـ كۇنى ۋحاننان بەرگەن حابارى. 7 ـ ايدىڭ 6 ـ كۇنى كەشتە حۋبەيدىڭ شىعىس بولىگىندەگى كوپ جەردە كۇشتى كونۆەكسيالىق اۋا رايى اپاتى تۋىلدى، ساعات 19 دان 23 كە دەيىن حۋاڭشى، حۋاڭگاڭ، حۋجوۋ، شياننيڭ قاتارلى جەرلەردە ناجاعايلى داۋىل سوعىپ، 53 اۋىل - قالاشىقتا جەل كۇشى 8 دە 13 بالعا جەتتى، مۇنىڭ ىشىندە 2 اۋىل – قالاشىقتا 13 بالعا جەتتى، ءىشىنارا اۋىل - قالاشىقتاردا قارا قۇيىن پايدا بولدى.

ءتىلشىنىڭ حۋبەي ولكەلىك شۇعىل جاعدايعا توتەپ بەرۋدى باسقارۋ مەڭگەرمەسىنەن ۇعىسۋىنشا، 7 – ايدىڭ 6 - كۇنى ساعات 23 كە دەيىن، وسى رەتكى كۇشتى كونۆەكسيالىق اۋا رايىندا 8 ادام قازا بولىپ، ءبىر ادام دەرەكسىز كەتتى، اپات جاعدايى ىشكەرىلەي انىقتالۋدا. شۇعىل جاعدايعا توتەپ بەرۋ جانە ءورت ءسوندىرۋ، دەنساۋلىق ساقتاۋ قاتارلى تاراۋلاردىڭ قاتىستى قۇتقارۋ قىزمەتى جاپپاي ورىستەتىلدى، حۋاڭشى، حۋجوۋ، شياننيڭ قاتارلى جەرلەر ولكەدەن، قالادان، اۋداننان 3500 دەن استام قۇتقارۋ قىزمەتكەرىن جيناپ، ءبىرىنشى شەپتە اپاتتان قۇتقارۋ قىزمەتىن بار كۇشپەن ورىستەتتى.

كەلۋ قاينارى: حالىق تورابى