حالىق قالاسى تانىمىن جاپپاي امالياتتا ايگىلەپ، قالانىڭ جاڭالانۋىن جوعارى ساپامەن ىلگەرىلەتۋ كەرەك

7 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا قىزمەت تەكسەردى. سۋرەتتە: شي جينپيڭ حۋاڭپۋ رايونى بانسۇڭيۋان جولى ءمالى باسقارماسى شىمين جاڭا قىستاعىنىڭ تۇرعىندار رايونىندا قىزمەت تەكسەرگەندە، تۇرعىنداردىڭ ۇيىنە كەلىپ، قونىس شارت - جاعدايىنىڭ جاقسارۋ بارىسىن ۇعىسۋدا.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

7 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا قىزمەت تەكسەردى. سۋرەتتە: شي جينپيڭ حۋاڭپۋ رايونى بانسۇڭيۋان جولى ءمالى باسقارماسى شىمين جاڭا قىستاعىنىڭ تۇرعىندار رايونىندا قىزمەت تەكسەرگەن كەزدە، الەۋمەتتىك اۋماقتىڭ پارتيا مۇشەلەرىنە، بۇقاراعا قىزمەت وتەۋ پۋنكتىندە تۇرعىندار ۋاكىلدەرىمەن، ءمالى كادرلارىمەن، الەۋمەتتىك اۋماق قىزمەتكەرلەرىمەن ىقىلاستى اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 7 - ايدىڭ 15 - كۇنى، شاڭحاي. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 15 - كۇنى شاڭحايدا قىزمەت تەكسەرگەندە بىلاي دەپ باسا دارىپتەدى: قالانىڭ جاڭالانۋىن جوعارى ساپامەن ىلگەرىلەتۋ − قالانىڭ وسىزاماندانۋ قۇرىلىسىنىڭ ماڭىزدى تۇتقاسى، حالىق قالاسى ۇستانىمىن جاپپاي امالياتتا ايگىلەپ، حالىقتىڭ قاجەتىن بىلۋگە، حالىقتىڭ قامىن ويلاۋعا، حالىقتىڭ ونىمدىلىكتى بىلۋىنە تاباندى بولىپ، قالانى جاڭالاۋداعى ءتۇرلى قىزمەتتەردى ىشكەرىلەي، ەگجەي - تەگجەيلى، ناقتى ىستەپ، تۇرعىندار بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

7 - ايدىڭ 15 - كۇنى تۇستەن كەيىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى چىن جينيڭ مەن قالا باستىعى گۇڭ جىڭنىڭ سەرىك بولۋىندا، حۋاڭپۋ رايونىنداعى بانسۇڭيۋان جولى ءمالى باسقارماسى شىمين جاڭا قىستاعىنداعى تۇرعىندار رايونىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى.

شىمين جاڭا قىستاعىنىڭ تۇرعىندار رايونىنداعى وتكەن عاسىردىڭ 50 - جىلدارىندا سالىنعان 4 عيمارات وزگەرتىپ جاڭالاۋ ارقىلى دەربەس اس ءۇيى ورنالاستىرىلىپ، ليفت ورناتىلىپ، تۇرعىن ءۇي شارت - جاعدايى كورنەكتى جاقساردى. شي جينپيڭ الەۋمەتتىك اۋماقتىڭ جالپىلىق قىزمەت وتەۋ تۇيىنىنە كىرىپ، شاڭحاي قالاسىنىڭ تازالىق قۇرىلعىلارى جوق كونە ۇيلەردى جاڭالاۋدى ىلگەرىلەتىپ، كونە قالا رايونىنداعى تۇرعىنداردىڭ لاقتىرما دارەت وتىرعىسى ماسەلەسىن تاريحي سيپاتتى شەشۋ جانە شاعىن اۋماقتاردى جاڭالاۋ جونىندەگى تانىستىرۋىن تىڭدادى ءارى سول جەردەگى قىزمەتكەرلەردەن قاتىستى جاعدايلاردى ەگجەي - تەگجەيلى سۇراپ ۇعىستى. شي جينپيڭ بىلاي دەپ باسا دارىپتەدى: پارتيا ورتالىق كوميتەتى قالا قىزمەتىنە ايرىقشا ءمان بەرىپ، جاڭاشىل، قونىسقا جايلى، كوركەم، سەرپىمدى، وركەنيەتتى، زەردەلى وسىزاماندانعان حالىق قالاسىن قۇرۋدى ايقىن العا قويدى، قالالارداعى كونە شاعىن اۋماقتاردى وزگەرتۋ − ماڭىزدى بۋىن. قىزمەت بارىسىندا دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، ءونىمدى ساياسات - شارالاردى بەلگىلەپ جانە اتقارىپ، ۇزاق ۋاقىت ۇلەس قوسۋعا تاباندى بولىپ، بۇقارا كوڭىل ءبولىپ وتىرعان ىستەردى ءبىر - بىرلەپ ويداعىداي ىستەپ، حالىق تۇرمىسىنىڭ ىرىس - قۇتىن ۇزدىكسىز ارتتىرۋ كەرەك. ”كەستە تىككەندەي ەڭبەكتەنۋ“ ارقىلى شاعىن اۋماقتىڭ قوجالىق باسقارۋ جانە حالىققا قولايلى قىزمەت وتەۋ دەڭگەيىن ۇزدىكسىز جوعارىلاتىپ، تۇرعىنداردى رازى ەتۋگە قۇلشىنۋ كەرەك.

زەينەتكە شىققان تۇرعىن جۋ گوليدىڭ ۇيىندە شي جينپيڭ قونىس جاعدايىن تاپتەشتەي كوردى. جۋ گولي باس شۋجيگە قازىر ءۇيىنىڭ اسحاناسى، تازالىق بولمەسى بار ەكەنىن، تۇرمىسىنىڭ قولايلى ەكەنىن ايتتى. مۇنى ەستىگەن شي جينپيڭ قاباعات قۋاندى. ول بىلاي دەدى: بۇقارانىڭ ءاربىر ۇساق ىسىنە دەيىن شىنايى كوڭىل ءبولۋ كەرەك، بۇقارانىڭ تۇرمىسى − وتباسى ءىسى، ونان دا ماڭىزدىسى، مەملەكەت ءىسى. كوممۋنيستىك پارتيا بۇقارا ءۇشىن قىزمەت ىستەيدى، حالىق بۇقاراسى الاڭسىز تىرشىلىك ەتىپ، الاڭسىز تۇرمىس كەشىرگەندە عانا پارتيا مەن ۇكىمەت الاڭسىز بولادى. سىزدەردىڭ زەينەت تۇرمىسىن جاقسى ورنالاستىرىپ، وتباسى ىستەرىن ءتىپتى دە جاقسى ىستەۋلەرىڭىزدى ءۇمىت ەتەمىن.

وسىدان كەيىن شي جينپيڭ الەۋمەتتىك اۋماقتاعى پارتيا مۇشەلەرىنە، بۇقاراعا قىزمەت وتەۋ پۋنكتىنە كەلىپ، حالىققا قولايلى كوكونىس جايماسىنىڭ جەمىس - جيدەك، كوكونىس ساتۋ جاعدايىن تەكسەردى، ”قالا تۇرعىندارى قوناق بولمەسىندە“ تۇرعىندار ۋاكىلدەرى، ءمالى كادرلارى، الەۋمەتتىك اۋماق قىزمەتكەرلەرى قاتارلىلارمەن ىقىلاستى اڭگىمەلەستى. شي جينپيڭ بىلاي دەپ اتاپ كورسەتتى: الەۋمەتتىك اۋماق − قالانى جونگە سالۋ جۇيەسىنىڭ نەگىزگى بىرلىگى. الەۋمەتتىك اۋماقتى جونگە سالۋ دەڭگەيىن جوعارىلاتىپ، بايلىق، قىزمەت وتەۋ، باسقارۋ سياقتىلاردىڭ نەگىزگى ساتىعا بارۋىن ىلگەرىلەتىپ، نەگىزگى ساتىنىڭ اۋىرتپالىعىن جەڭىلدەتۋگە ۇزدىكسىز كۇش سالۋ كەرەك. پارتيا قۇرىلىسىنا جەتەكشىلىك ەتۋدى ونان ارى كۇشەيتىپ، الەۋمەتتىك اۋماق پارتيا ۇيىمىنىڭ باسشىلىعىنداعى تۇرعىندار كوميتەتىنىڭ، مۇلىك يەلەرى كوميتەتىنىڭ، قوجالىق قىزمەت وتەۋ كاسىپورىنداردىڭ سايكەستى جۇمىس جۇرگىزۋىنىڭ جاڭا ۇلگىسىن بەلسەنە قاراستىرىپ، كەمەلدى الەۋمەتتىك اۋماق جانە حالىققا قولايلى تۇرمىس شەڭبەرىن قۇرىپ، تۇرعىندارعا شىن نيەتىمەن جاقسى ءىس ىستەۋ، ناقتى ءىس ىستەۋ، قيىن ىستەردى شەشۋ كەرەك.

قىزمەت تەكسەرۋ بارىسىندا شي جينپيڭ بىلاي دەپ باسا دارىپتەدى: قازىر تاسقىننان ساقتانۋدىڭ شەشۋشى كەزەڭىندە تۇرمىز، جەر - جەر، قاتىستى جاقتار تومەنگى شەكتە ويلاۋدى، سوڭعى شەكتە ويلاۋدى بەرىك ورناتىپ، جاۋىن - شاشىن، تاسقىن جاعدايى جانە تايفىڭ داۋىلى جاعدايىنا ءجىتى نازار اۋدارىپ، حاۋىپ - قاتەردى، كومەسكى كىناراتتاردى ىشكەرىلەي ەگجەي - تەگجەيلى ءبىر - بىرلەپ تەكسەرىپ، تاسقىننان ساقتانۋ، تاسقىنعا قارسى اتتانۋ، قاتەردەن اراشالاۋ، اپاتتان قۇتقارۋ سياقتى قىزمەتتەردى تىڭعىلىقتى ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.