«شي جينپيڭ ەل باسقارۋ جونىندەنىڭ» 5 - تومىنىڭ قازاقستانداعى تانىستىرۋ جينالىسى استانادا وتكىزىلدى

«حالىق گازەتى»، 7 - ايدىڭ 15 - كۇنى، استانا (تىلشىلەر چۇي سۇڭ، لي چياڭ). «شي جينپيڭ ەل باسقارۋ جونىندەنىڭ» 5 - تومىنىڭ قازاقستانداعى تانىستىرۋ جينالىسى 7 - ايدىڭ 15 - كۇنى قازاقستاننىڭ استاناسى استانادا وتكىزىلدى.

جينالىسقا قاتىناسقان سيلى قوناقتار بىلاي دەپ قارادى: «شي جينپيڭ ەل باسقارۋ جونىندەنىڭ» 5 - تومى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا جەتىستىكتەرىن جان - جاقتى، جۇيەلى بەينەلەپ، حالىقارالىق قوعامنىڭ جۇڭگو ۇلگىسىندەگى وسىزامانداندىرۋدى تۇسىنۋىنە، زامانىمىزداعى جۇڭگونى تۇسىنۋىنە كومەكتەسۋدى بەدەلدى وقۋلىقپەن قامدادى. جۇڭگو مەن قازاقستان وسىزاماندانۋ جولىنداعى ساپارلاستار، ەكى ەلدىڭ ءتوراعا شي جينپيڭنىڭ ماڭىزدى سوزدەرىن ارقاۋ ەتىپ، ەل باسقارۋ تاجىريبەلەرىن ىشكەرىلەي اۋىستىرىپ، جۇڭگو مەن قازاقستاننىڭ تاعدىرلاس ورتاق تۇلعاسىن قۇرۋدى ىلگەرىلەتۋىندە ماڭىزدى مانگە يە.

قازاقستان زۇڭتۇڭ سارايى ىشكى ىستەر مەكەمەسىنىڭ باستىعى ەرنۇر بەيسەنبايەۆ بىلاي دەدى: «شي جينپيڭ ەل باسقارۋ جونىندەنىڭ» 5 - تومىن تانىستىرۋ جينالىسى قازاقستان مەن جۇڭگونىڭ وركەنيەت اۋىس - كۇيىسىنىڭ، ءوزارا ۇلگى الۋىنىڭ جاڭا بەلەسى. قازاقستان ءبىر قىدىرۋ ەكونوميكالىق جانە قوعامدىق رەفورمالاردى جۇرگىزىپ، ءوز ەلىنىڭ مەملەكەت جاعدايىن تياناق ەتىپ، وسىزامانداندىرۋ قۇرىلىسىن جەدەلدەتۋدە، ەكى ەلدىڭ وسىزاماندانۋعا قادام تاستاۋ بارىسىندا كوپتەگەن ۇقساستىعى بار. ءتوراعا شي جينپيڭنىڭ وسى كىتابىندا قامتىلعان جونگە سالۋ فيلوسوفياسى مەن دامۋ جالپى جوباسى قازاقستان جونىنەن توتەنشە باعالى.

قازاقستان زۇڭتۇڭى ورتالىق اقپارات مەكەمەسىنىڭ باستىعى اسقار وماروۆ سوزىندە مىنالاردى ءبىلدىردى: وتكەن نەشە ون جىلدان بەرى جۇڭگو ەكونوميكا، عىلىم - تەحنيكا، مادەنيەت، زاڭمەن جونگە سالۋ، ديپلوماتيا سياقتى سالالاردا دۇنيە ءجۇزىن جالت قاراتقان ۇلى تابىستارعا قول جەتكىزدى، مۇنىڭ ىشىندەگى تاجىريبەلەر قازاقستاننىڭ ىشكەرىلەي زەرتتەۋىنە جانە كەڭ كولەمدە ۇلگى الۋىنا تاتيدى. «شي جينپيڭ ەل باسقارۋ جونىندەنىڭ» 5 - تومى زامانىمىزداعى جۇڭگونىڭ دامۋىنداعى شەشۋشى بەتالىستى بەينەلەگەن، ءبىز جۇڭگونىڭ دامۋ لوگيكاسى مەن ۇزاق ۋاقىتتىق نىساناسىن ىشكەرىلەي تۇسىنگەن سايىن، قازاقستان مەن جۇڭگونىڭ اۋىس - كۇيىسى مەن سەلبەستىگى بارعان سايىن ءونىمدى بولادى.

قازاقستان جۇڭگو زەرتتەۋ ورتالىعىنىڭ مەڭگەرۋشىسى گۇلنار سايمەرگەنوۆا مىنانى ءبىلدىردى: دۇنيە ءجۇزىنىڭ وزگەرىسى جەدەل قۇبىلۋدا، جۇڭگو باستان - اياق دۇنيە ءجۇزى ەكونوميكاسىنىڭ ارتۋىنداعى ماڭىزدى قوزعالتقىش جانە حالىقارالىق ورنىقتىلىقتى قورعاۋداعى شەشۋشى كۇش. ءتوراعا شي جينپيڭنىڭ سوزدەرى نەشە ونداعان تىلگە اۋدارىلىپ، دۇنيە ءجۇزىنىڭ جەر - جەرىندە كەڭىنەن تارالىپ جۇرت نازار اۋداردى. ءتوراعا شي جينپيڭنىڭ يدەيالىق ۇستانىمى دۇنيە جۇزىلىك ورتاق تانىمدى ۇيىستىرۋعا، دۇنيە ءجۇزىنىڭ دامۋىنداعى قيىن ماسەلەلەردى شەشۋگە ماڭىزدى ۇلەس قوستى.

قيمىل بارىسىندا جۇڭگو جاق قازاقستاندىق سيلى قوناقتارعا «شي جينپيڭ ەل باسقارۋ جونىندەنىڭ» 4 - تومىنىڭ قازاقشا باسىلىمىنداعى، 5 - تومىنىڭ ورىسشا باسىلىمىنداعى كىتاپتارىن ۇسىندى. جۇڭگو مەن قازاقستاننىڭ اقىل - پاراسات قويماسى، كاسىپورىندارى جانە جوعارى مەكتەپتەردىڭ ۋاكىلدەرى ناقتى سەلبەستىك ارقىلى جەرگىلىكتى بۇقاراعا تيىمدىلىك جاساۋ جاندى اڭگىمەلەرىن ءبولىستى.

جينالىسقا قاتىناسقان ماماندار جۇڭگو - قازاقستان تاعدىرلاس ورتاق تۇلعاسى، ”ءبىر بەلدەۋ، ءبىر جولدى“ بىرگە قۇرۋ سياقتى كەڭەستىك تاقىرىپتار توڭىرەگىندە پىكىر اۋىستىرىپ، تالقى ورىستەتتى.

بۇل رەتكى قيمىلدى جۇڭگو مەملەكەتتىك كەڭەسىنىڭ اقپارات كەڭسەسى، جۇڭگو شەتەل تىلدەرى مەكەمەسى جانە جۇڭگونىڭ قازاقستاندا تۇراتىن باس ەلشىحاناسى بىرگە وتكىزدى. جۇڭگو مەن قازاقستاننىڭ سيلى قوناقتارى، سونداي - اق باسپا ءسوز، اقپارات قۇرالدارى، اقىل - پاراسات قويماسى، جوعارى مەكتەپ، كاسىپورىن سياقتى ءار سالا ۋاكىلدەرىنەن 200 دەن استام ادام قيمىلعا قاتىناستى.