مەملەكەتتىك اۋرۋدان ساقتانۋ جانە ونى تىزگىندەۋ مەڭگەرمەسى: اۋرۋ دانەكەرىندىك ورگانيزمدەر ارقىلى تارالاتىن جۇقپالى اۋرۋلار ىندەتىنىڭ حاۋىپ – قاتەرى جوعارىلادى

مەملەكەتتىك اۋرۋدان ساقتانۋ جانە ونى تىزگىندەۋ مەڭگەرمەسى 7 – ايدىڭ 16 - كۇنى اقپارات جاريالاۋ ءماجىلىسىن وتكىزىپ، «ىستىق وتۋدەن، اۋرۋدان عىلىمي تۇردە ساقتانىپ، جازدى اقاۋسىز دا تىنىش وتكىزەيىك» دەگەن تاقىرىپتى ارقاۋ ەتىپ، جاز مەزگىلىندەگى نەگىزگى جۇقپالى اۋرۋلاردان ساقتانۋ، جوعارى تەمپەراتۋرادا ىستىق وتۋدەن ساقتانۋ، اپاتتان كەيىنگى اۋرۋدان ساقتانۋ جانە جازدىق دەمالىستا بالالاردىڭ جارالانۋىنان ساقتانۋ قاتارلى قاتىستى جاعدايلاردى تانىستىردى. مەملەكەتتىك اۋرۋدان ساقتانۋ جانە ونى تىزگىندەۋ مەڭگەرمەسىنىڭ اقپارات مالىمدەمەشىسى شي جيڭجيڭ جۋىردان بەرگى ەلىمىزدەگى نەگىزگى جۇقپالى اۋرۋلار ىندەتىنىڭ جاعدايىنا جاسالعان تالداۋدى جانە دەنساۋلىق حاۋىپ – قاتەرى جونىندەگى ەسكەرتۋدى جاريالادى.

جازدىق دەمالىس مەزگىلىنە قادام تاستاعاننان كەيىن، ادامداردىڭ ءجۇرىس - تۇرىسى كوبەيەدى، ماسانىڭ سانى ارتىپ، اۋرۋ دانەكەرىندىك جاندىكتەر ارقىلى تارالاتىن جۇقپالى اۋرۋلار ىندەتىنىڭ حاۋىپ – قاتەرى جوعارىلايدى، شەتەلدەن ەنگەن جۇقپالى اۋرۋلاردىڭ جەرگىلىكتى ورىندا تارالۋ حاۋىپ – قاتەرى ارتادى، وڭتۇستىكتەگى ءىشىنارا ولكەلەردە دەنگە قىزباسى، چيكۋنگۋنيا قىزباسى سياقتى ىندەتتەردىڭ شوعىرلى تارالۋ حاۋپى بار.

• بۇكىل ەلىمىزدەگى تىنىس جولى جۇقپالى اۋرۋلارىنىڭ تارالۋ دەڭگەيى جالپى جاقتان تومەن بولىپ، مۇرىن ۆيرۋسى، قوسىمشا تارالعىش تۇماۋ ۆيرۋسى سياقتىلاردىڭ پايدا بولۋى بەلگىلى دەڭگەيدە جيىلەدى، جاڭا تيپتى ايدارشا ۆيرۋسپەن جۇعىمدالۋ ىندەتىنىڭ تارالۋ دەڭگەيى تومەن بولدى.

مۇنان سىرت، بۇكىل ەلىمىز ”شىلدە سوڭى، تامىز باسى“ سىندى تاسقىن مەزگىلىنە ءوتىپ، كوپتەگەن جەرلەردە تاسقىن اپاتى تۋىلدى، بۇل قورشاعان ورتا تازالىعىنا قاتىستى ماسەلەلەردى تۋدىرىپ، ازىق – تۇلىك جانە اۋىز سۋ تازالىعىنىڭ حاۋىپسىزدىگىنە ىقپال جاساۋى، اۋرۋ دانەكەرىندىك جاندىكتەر مەن دەنەسىندە ۆيرۋس بار حايۋاناتتاردىڭ ارەكەتىندە وزگەرىس تۋدىرۋى مۇمكىن، اپاتقا ۇشىراعان وڭىرلەردە ىشەك جولى، تىنىس جولى اۋرۋلارى، جاندىكتەر ارقىلى تارالاتىن اۋرۋلار سياقتى جۇقپالى اۋرۋلاردىڭ تارالۋ حاۋىپ – قاتەرى ارتادى.

(باس ستانسيا ورتالىق تەلەۆيزيا ءتىلشىسى ياڭ ياڭ، شى يىڭچۋن)

كەلۋ قاينارى: حالىق تورابى