شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، ءتارتىپ تەكسەرۋ، باقىلاۋ - تەكسەرۋ قىزمەتتەرىن اناعۇرلىم جوعارى ولشەممەن، اناعۇرلىم ناقتى شارامەن ويداعىداي ىستەۋ كەرەك

شينحۋا اگەنتتىگى، 7 - ايدىڭ 19 - كۇنى، چۇڭچيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي 7 - ايدىڭ 15 - كۇنىنەن 17 - كۇنىنە دەيىن چۇڭچيڭدە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ورتالىق ءتارتىپ تەكسەرۋ كوميتەتى 5 - رەتكى جالپى ءماجىلىسىنىڭ ورنالاستىرۋلارىن جاپپاي دايەكتىلەندىرىپ، تياناقتاندىرىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ تاربيەسىن باستان - اياق تىڭعىلىقتى يگەرىپ، ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن جونگە سالۋ، جۇيەلىلەندىرۋ قۇرىلىسىن ۇزدىكسىز كۇشەيتىپ، جاڭا جورىقتاعى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن قۇلشىنا ىلگەرىلەتۋى كەرەك.

لي شي لياڭجياڭ جاڭا رايونى گۋانيىنچياۋ ءمالى باسقارماسى يۇيبەي الەۋمەتتىك اۋماعىنا، نان - ان رايونى نانشان ءمالى باسقارماسى فاڭنيۋ قىستاعىنا كەلىپ، كادر - جۇرتشىلىقپەن ىشكەرىلەي پىكىر اۋىستىرىپ، ستيلدى دۇرىستاپ، ءتارتىپتى قاتايتۋ جونىندەگى ۇسىنىس - پىكىرلەردى تىڭدادى. ول بىلاي دەپ اتاپ كورسەتتى: بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى تۇردە رەتتەۋ - وڭاۋ − بۇقارانى ناقتى يگىلىككە كەنەلتەتىن، پارتيامىز حالىق قالاۋىنان شىعاتىن ءىرى، ناقتى ءىس، تياناقتاندىرۋدى شەگە قاعۋ رۋحىمەن ويداعىداي يگەرىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قاراي كەڭەيۋىن ىلگەرىلەتۋ كەرەك. جۇڭگو چاڭ - ان اۆتوموبيل توبى چاڭ - ان عىلىم - تەحنيكا كاسىپ سالاسى باقشاسىندا لي شي ءتارتىپ تەكسەرۋ، باقىلاۋ - تەكسەرۋ ورگاندارىنان باقىلاۋ مىندەتىن ويداعىداي اتقارىپ، مەملەكەت مەنشىگىندەگى كاسىپورىنداردىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن كۇشەيتىپ، جوعارى ساپالى دامۋعا اناعۇرلىم ويداعىداي قىزمەت وتەۋدى تالاپ ەتتى. نان - ان رايونى نانبين كوشەسىنىڭ تاسقىننان ساقتانۋ شۇعىل جاعدايعا توتەپ بەرۋ كەزەكشىلىك تۇيىنىندە لي شي بىلاي دەپ باسا دارىپتەدى: اپاتتان ساقتانۋ، اپاتتان قۇتقارۋ جاۋاپكەرشىلىگىن قاداعالاپ، ”قاي - قاشان قام جەپ تۇراتىن“ جاۋاپكەرشىلىك سەزىمىمەن تاسقىننان ساقتانۋ، قۋاڭشىلىققا قارسى اتتانۋ، قاتەردەن اراشالاۋ، اپاتتان قۇتقارۋ قىزمەتتەرىن كۇش سالا ويداعىداي ىستەۋدى ىلگەرىلەتىپ، باس شۋجي شي جينپيڭ مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىن مانىندە ناقتاپ تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك. لي شي باتىس وڭتۇستىك ساياسي - زاڭ داشۋەسىنە كەلىپ، بىلاي دەپ باسا دارىپتەدى: جوعارى مەكتەپتەردىڭ پارتيانى جاپپاي قاتاڭ جونگە سالۋىن ۇزدىكسىز تەرەڭدەتىپ، ءتارتىپ تەكسەرۋ، باقىلاۋ - تەكسەرۋ پاندەر قۇرىلىسىن تىڭعىلىقتى ىلگەرىلەتۋ كەرەك.

قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگانىندا لي شي ءتارتىپ تەكسەرۋ، باقىلاۋ - تەكسەرۋ قىزمەتىنىڭ اياق الىسىن ەگجەي - تەگجەيلى ۇعىسىپ، ءتارتىپ تەكسەرۋ، باقىلاۋ - تەكسەرۋ كادرلارىنا امانداستى. تەكسەرۋ - زەرتتەۋ كەزىندە لي شي اڭگىمە ءماجىلىسىن باسقارىپ اشىپ، بىلاي دەپ باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى پارتيانى جاپپاي قاتاڭ جونگە سالۋدى ىلگەرىلەتۋدىڭ ماڭىزدى كۇشى رەتىندە، ءسوز جوق، شي جينپيڭ پارتيا قۇرىلىسى يدەياسىن ۇيرەنۋدە، دايەكتىلەندىرۋدە الدا ءجۇرىپ، ونەگە بولىپ، سانالى تۇردە وي - سانانى قارۋلاندىرىپ، امالياتقا جەتەكشىلىك ەتىپ، ءتارتىپ تەكسەرۋ، باقىلاۋ - تەكسەرۋ قىزمەتىنە ءبىر تۇتاس باسشىلىق ەتىپ، تۇتاس جۇيەدە تامىر تارتىپ، سۇبەلى تابىستارعا قول جەتكىزۋگە كەپىلدىك ەتۋى كەرەك. دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ناتيجە كوزقاراسىنداعى اعاتتىقتاردان، كورنەكتى ماسەلەلەردەن ۇزدىكسىز ساقتانىپ جانە ونى تۇزەتىپ، ناقتى، جارامدى باياندى مەحانيزمدى كەمەلدەندىرۋدى ىلگەرىلەتىپ، ۇيرەنۋ تاربيەسىنىڭ ءساتتى باستالىپ، ءساتتى اياقتالۋىنا، ءساتتى ىستەلىپ، تابىستى بولۋىنا كەپىلدىك ەتۋ كەرەك.

ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ ورنالاستىرۋلارىن مۇقيات تياناقتاندىرىپ، نازاردى ”ەكىنى قورعاۋدى“ امالياتتا ايگىلەۋگە شوعىرلاندىرىپ، ساياسي باقىلاۋدى باتىل، پارمەندى كۇشەيتىپ، ساياسي شارلاۋدى تەرەڭدەتىپ، پارتيا ورتالىق كوميتەتىنىڭ بۇيرىق - تيىمدارىنىڭ بۇلجىماي ورىندالۋىنا كەپىلدىك ەتۋ؛ نازاردى ءتارتىپ اتقارۋعا، زاڭ اتقارۋعا شوعىرلاندىرىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن جونگە سالۋدى ۇزدىكسىز تەرەڭدەتىپ، بۇقارانىڭ اناعۇرلىم كوپ تابىس سەزىمىنە كەنەلۋىنە مۇمكىندىك جاساۋ؛ نازاردى ىسىلعان قوسىن سومداۋعا شوعىرلاندىرىپ، ”ۇشتەندىرۋ“ قۇرىلىسى جىلى ارەكەتىن ىشكەرىلەي ىلگەرىلەتىپ، تۇتاس جىلدىق نىسانا - مىندەتتەردى جوعارى ساپامەن ويداعىداي ورىنداۋ كەرەك.

لي شي تاعى قىزىل جارتاس توڭكەرىستىك ەسكەرتكىش سارايىنا كەلىپ، توڭكەرىستىك قۇربانداردىڭ ىزگى ىستەرىنەن ۇيرەنىپ، ەسكە الىپ، ءتارتىپ تەكسەرۋ، باقىلاۋ كادرلارىنان قىزىل جارتاس رۋحىنا مۇراگەرلىك ەتىپ جانە ونى ساۋلەلەندىرىپ، پارتياعا ادال بولىپ، بورىش پەن جاۋاپكەرشىلىكتى كۇشەيتىپ، ءداۋىر مەن حالىق ءۇشىن ۇزدىكسىز جاڭا ناتيجە جاراتۋدى تالاپ ەتتى.

يۋان جياجۇن تەكسەرۋ - زەرتتەۋدە بىرگە بولدى.

كەلۋ قاينارى: حالىق تورابى