جاڭا ەنەرگيالى اۆتوموبيلدەردى جوندەۋ حاۋىپسىزدىگىنىڭ مەملەكەتتىك ولشەمى اتقارىلادى 

مەملەكەتتىك بازاردى باقىلاۋ – باسقارۋ باس مەڭگەرمەسى 7 – ايدىڭ 20 – كۇنى حابارلاندىرۋ جاريالادى، «جاڭا ەنەرگيالى اۆتوموبيلدەردى جوندەۋ جۇمىستارىنا قويىلاتىن حاۋىپسىزدىك تالاپتارىنىڭ» مەملەكەتتىك ولشەمى 8 – ايدىڭ 1 – كۇنىنەن باستاپ اتقارىلادى.

اتالعان ولشەمدە نەگىزىنەن جاڭا ەنەرگيالى اۆتوموبيلدەردى جوندەۋگە قاتىستى قىزمەتكەرلەر مەن الاڭ، جۇمىس دايىندىعى، حاۋىپ – قاتەردى تەكسەرۋ جانە ءبىر جاقتى ەتۋ، جۇمىس بارىسى جانە اتقارۋ حاۋىپسىزدىگى قاتارلى تالاپتار بەلگىلەنگەن. بۇل ولشەم جاڭا ەنەرگيالى اۆتوموبيلدەردىڭ جوعارى قىسىمدى جۇيەسى مەن سۋتەگىن جانار زات ەتەتىن اۆتوموبيلدەردىڭ سۋتەگىمەن قامداۋ جۇيەسىن جوندەۋگە نازاردى شوعىرلاندىرىپ، جۇمىس باستاۋدان بۇرىنعى، جۇمىس بارىسىنداعى جانە جۇمىستان كەيىنگى باستى تۇيىندەرگە قاتىستى تالاپتاردى ورتاعا قويعان، قورعانۋ جابدىقتارى مەن قۇرالداردى تەكسەرۋ، الاڭ ورتاسىن تۇراقتاندىرۋ، جۇمىس بارىسىنداعى حاۋىپ – قاتەردى پارىقتاۋ جانە B دارەجەلى ەلەكتر تىزبەگىن جوندەۋ قاتارلى مازمۇنداردى ءتۇيىندى تۇردە ايقىنداعان.

كەلۋ قاينارى: حالىق تورابى