جۇڭگو حالىق ازاتتىق ارمياسى وڭتۇستىك شايقاس رايونى مەن جۇڭگو تەڭىز ساقشىلارى شارلاۋ ورىستەتتى

جۇڭگو حالىق ازاتتىق ارمياسى وڭتۇستىك شايقاس رايونى جۇڭگونىڭ حۋاڭيان ارالىنا قاراستى تەڭىز ايدىنى مەن اۋە كەڭىستىگىندە جانە توڭىرەگىندەگى وڭىرلەردە شايقاسقا دايىندىق سيپاتىنداعى شارلاۋدى ۇيىمداستىردى

7 - ايدىڭ 30 - كۇنى، جۇڭگو حالىق ازاتتىق ارمياسى وڭتۇستىك شايقاس رايونى تەڭىز ارمياسى كۇشتەرى مەن اۋە ارمياسى كۇشتەرىن ۇيىمداستىرىپ، جۇڭگونىڭ حۋاڭيان ارالىنا قاراستى تەڭىز ايدىنى مەن اۋە كەڭىستىگىندە جانە توڭىرەگىندەگى تەڭىز ايدىنى مەن اۋە كەڭىستىگىندە شايقاس دايىندىعى سيپاتىنداعى شارلاۋدى ورىستەتتى. حۋاڭيان ارالى — ەجەلدەن بەرى جۇڭگونىڭ تەرريتورياسى. 7 - ايدان بەرى، شايقاس رايونىنداعى اسكەري بولىمدەر حۋاڭيان ارالىنا قاراستى تەڭىز ايدىنى مەن توڭىرەگىندەگى تەڭىز ايدىنىندا جانە اۋە كەڭىستىگىندە شارلاۋ جانە كۇزەتۋ جۇمىستارىن ۇزدىكسىز كۇشەيتىپ، ءتۇرلى ۇقىققا قول سۇعۋ، سويقان شىعارۋ ارەكەتتەرىنە پارمەندى، ءونىمدى توتەپ بەرىپ، مەملەكەتتىڭ يەلىك ۇقىعىن، حاۋىپسىزدىگىن باتىل قورعادى، نانحاي تەڭىزى ءوڭىرىنىڭ بەيبىتشىلىگىن، ورنىقتىلىعىن باتىل قورعادى.

جۇڭگو تەڭىز ساقشىلارى جۇڭگونىڭ حۋاڭيان ارالىنا قاراستى تەڭىز الابى مەن ونىڭ توڭىرەگىندە زاڭ اتقارۋ سيپاتىندا شارلاۋ ورىستەتتى

7 - ايدىڭ 30 - كۇنى، جۇڭگو تەڭىز ساقشىلارى جۇڭگونىڭ حۋاڭيان ارالىنا قاراستى تەڭىز الابى مەن ونىڭ توڭىرەگىندە زاڭ اتقارۋ سيپاتىندا شارلاۋ ورىستەتتى. 7 - ايدان بەرى، جۇڭگو تەڭىز ساقشىلارى حۋاڭيان ارالىنا قاراستى تەڭىز ايدىنى جانە ونىڭ توڭىرەگىندە زاڭ اتقارۋ سيپاتىندا شارلاۋ جۇرگىزۋدى ۇزدىكسىز كۇشەيتىپ، زاڭعا، ەرەجەگە ساي ايعايلاپ ەسكەرتۋ بەرۋ، بوگەۋ، تەجەۋ، سۋ بۇركەتىن زەڭبىرەكپەن اتقىلاۋ قاتارلى قاجەتتى شارالاردى قولدانىپ، زاڭسىز تۇردە ۇقىققا قول سۇققان، سويقان شىعارعان كەمەلەردى قۋىپ شىعىپ، قاتىستى تەڭىز الابىن مەڭگەرۋدى اناعۇرلىم كۇشەيتىپ، مەملەكەتتىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق - مۇددەسىن باتىل قورعادى.

كەلۋ قاينارى: حالىق تورابى