جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

شينحۋا اگەنتتىگى، 7 - ايدىڭ 30 - كۇنى، بەيجيڭ. 7 - ايدىڭ 24 - كۇنى، جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ ۇسىنىس - پىكىرلەرىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەپ بىلاي دەپ باسا دارىپتەدى: سوڭعى جارتى جىلداعى ەكونوميكالىق قىزمەتتى ويداعىداي ىستەۋدە ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ىشكى جانە حالىقارالىق جالپى جاعدايدى، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساپ، ەسىك اشۋدى تەرەڭدەتۋگە تاباندى بولىپ، جاڭا، كونە قوزعاۋشى كۇشتەردىڭ الماسۋىن جەدەل ىلگەرىلەتىپ، اناعۇرلىم بەلسەندى قازىنا ساياساتى مەن لايىقتى كەڭ اقشا ساياساتىن ويداعىداي اتقارىپ، ءتۇرلى ىركىندى ساياساتتاردىڭ ونىمدىلىگىن تولىق ساۋلەلەندىرىپ، ناقتى، جارامدى ارتۋ ساياساتىن دەر كەزىندە جوسپارلاپ، شىعارىپ، كەرى پەريودتى رەتتەۋ تەبىنىن ارتتىرىپ، ىشكى سۇرانىمدى كەڭەيتۋگە، قامداۋدى ساپالىلاندىرۋعا كۇش سالىپ، حالىق تۇرمىسىن شىنايى قامتاماسىزداندىرىپ جانە جاقسارتىپ، دامۋدىڭ قوزعاۋشى كۇشىن ارتتىرىپ، قوعامنىڭ ومىرشەڭدىك كۇشىن تاسقىنداتىپ، ەكونوميكانىڭ ۇزدىكسىز جاڭا، ساپالى، جاقسى دامۋىن ىلگەرىلەتىپ، ”15 - بەسجىلدىق“ جوبانىڭ تاماشا باستاماسىن قۇلشىنا جۇزەگە اسىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى. لي چياڭ جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن الدىڭعى جارتى جىلداعى ەكونوميكالىق قىزمەتكە قاتىستى جاعدايلاردى حابارلاندىرىپ، سوڭعى جارتى جىلداعى ەكونوميكالىق قىزمەتكە قاتىستى ويلاردى تانىستىردى.

اڭگىمە ماجىلىسىندە، جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو جۇمىسشى - شارۋا دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامىنىڭ ءتوراعاسى ۋ ۋەيحۋا، تايۋان دەموكراتيالىق وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى شاۋ فىڭ ىلگەرىندى - كەيىندى ءسوز كەزەگىن الدى. كوپشىلىك جۇڭگو كوممۋنيستىك پارتياسى ورتالىق كوميتەتىنىڭ قازىرگى ەكونوميكالىق اۋقىم جونىندەگى تۇجىرىمىن جانە سوڭعى جارتى جىلدىق ەكونوميكالىق قىزمەت جونىندەگى ويلارىن تولىق قولدادى ءارى جاڭا قوزعاۋشى كۇشتى جەتىلدىرۋ، زورايتۋ، جاڭالىق اشۋ تىزبەگى مەن كاسىپ تىزبەگىنىڭ توعىسپالى دامۋىن جەبەۋ، زەردەلى ەكونوميكالىق كاسىپ قولدانىلمالى ولشەم ءتۇزىمى جۇيەسىن اقاۋسىزداندىرۋ، ەكونوميكالىق، قوعامدىق مادەنيەت قۇرىلىسىنىڭ بىرىككەن كۇشىن ءبىر تۇتاس ساۋلەلەندىرۋ، ءتۇيىندى قاۋىمنىڭ جۇمىستانۋىن ورنىقتىرۋ، نەگىزدىك زەرتتەۋدى كۇشەيتۋ، تۇتىنۋدى كەڭەيتۋ جوباسىن دالمە - ءدال تياناقتاندىرۋ، ءونىمدى قارجى قوسۋدى ونان ارى كەڭەيتۋ، جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋ، كەرى پەريودتىق ساياساتتىڭ تەبىنىن ارتتىرۋ سياقتىلار جونىندە ۇسىنىس - پىكىر بەردى.

كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: بيىل الدىڭعى جارتى جىلدا جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلعىندا، جەر - جەر، تاراۋلار العا قاراي كۇش سالىپ، ىرىقتىلىقپەن ءىس تىندىرىپ، ىشكى - سىرتقى حاۋىپ - قاتەرلەر مەن سىن - سايىستارعا ءونىمدى توتەپ بەرىپ، ەلىمىز ەكونوميكاسى جوعارى قىسىممەن العا باسىپ، جاڭا، ساپالى بولىپ، قۇدىرەتتى سەرپىمدىلىك پەن ومىرشەڭدىك كۇشتى ايگىلەدى.

شي جينپيڭ بىلاي دەپ باسا دارىپتەدى: قازىر ەلىمىزدىڭ ەكونوميكالىق اينالىمى دا كەيبىر قيىنشىلىقتار مەن سىن - سايىستارعا ءدوپ كەلىپ وتىر، سەنىمدى بەكەمدەپ، قيىندىقتاردى جەڭىپ، جوعارى ساپالى دامۋدىڭ ورنىقتى، باياندى دامۋىن ىلگەرىلەتۋ كەرەك. كەيىنگى جارتى جىلدا، ماكرولىق ساياساتتىڭ ونىمدىلىگىن اسىرىپ، ىشكى سۇرانىستىڭ كومەسكى كۇشىن اشۋ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋ، رەفورمانى جاپپاي تەرەڭدەتۋ، جوعارى دەڭگەيدە سىرتقا ەسىك اشۋدى كەڭەيتۋ، حالىق تۇرمىسىن پارمەندى، ءونىمدى قامتاماسىز ەتۋ جانە جاقسارتۋ، ءتۇيىندى سالالارداعى حاۋىپ - قاتەرلەردى ۇزدىكسىز شەشۋ سياقتى قىزمەتتەردى ءتۇيىندى تۇردە ويداعىداي ىستەۋىمىز كەرەك.

چى جينپيڭ بىلاي دەپ كورسەتتى: الدىڭعى جارتى جىلدا، ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، مەملەكەتتىڭ جالپى جاعدايىنا ىرىقتىلىقپەن قىزمەت وتەپ، نازاردى ەكونوميكالىق، قوعامدىق دامۋداعى كەيبىر ءتۇيىندى ماسەلەلەرگە شوعىرلاندىرىپ، اقىل - كەڭەس بەرىپ، پارتيا مەن ۇكىمەتتىڭ عىلمي شەشىم جاساۋىنا ماڭىزدى پايدالانۋ ماتەريالىن ازىرلەدى. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.

شي جينپيڭ دەموكراتيالىق پارتيا - توپتارعا، مەملەكەتتىك ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتىنىڭ قازىرگى ەكونوميكالىق جاعداي جونىندەگى تالداۋىمەن، تۇجىرىمىمەن جانە ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، دامۋ سەنىمىن بەكەمدەپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋدى بىرگە ىلگەرىلەتۋ كەرەك. ەكىنشى، مىندەتىن بەلسەنە اتقارىپ، جاۋاپكەرشىلىگىن ادا ەتىپ، ىشكەرىلەي تەكسەرۋ - زەرتتەۋ نەگىزىندە باعىتتامالى ۇسىنىستار قويىپ، ەكونوميكانىڭ ورنىقتىلىق بارىسىندا جاقسارۋىن جەبەۋگە اقىل - پاراسات، كۇش - قۋات قوسۋ كەرەك. ءۇشىنشى، قالىڭ مۇشەلەر مەن وزدەرى بايلانىس جاسايتىن بۇقاراعا يدەيالىق - ساياسي جەتەكشىلىكتى ۇزدىكسىز كۇشەيتىپ، كوپشىلىكتى پارتيانىڭ جاڭالىق اشۋ نازارياسىن ۇيرەنۋگە، تۇسىنۋگە جەتەكتەپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم جونىندەگى ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتىپ، جوعارى ساپالى دامۋدى ىلگەرىلەتۋگە تاماشا ورتا ازىرلەۋ كەرەك.

ليۋ گوجۇڭ، لي گانجيە، حى ليفىڭ، جاڭ گوچيڭ، ۋ جىڭلۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.

پارتيا سىرتىنداعى قايراتكەرلەردەن شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، فاڭ گۋاڭحۋا، جاڭ بين قاتارلىلار اڭگىمە ماجىلىسكە قاتىناستى.