بۇكىل ەل كولەمىندە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتۋگە قاتىستى اشكەرەلەۋ جولدارى جاريالاندى

تاياۋدا پارتيا ورتالىق كوميتەتى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن تەرەڭدەتۋ جونىندە ورنالاستىرۋ جاساپ، بيىل 7 – ايدان باستاپ، ءبىر جىل اينالاسىندا بۇكىل ەل كولەمىندە قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋدى ايقىندادى.

وسى رەتكى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن تەرەڭدەتۋ بارىسىندا، حالىق بۇقاراسىنىڭ مىناداي جولدارمەن اشكەرەلەۋىنە بولادى:

ءبىرىنشى، بۇكىل ەلدەگى ”12337“ ءبىرتۇتاس جەلىدە اشكەرەلەۋ تەكشەسىنەن پايدالانۋ. توراپتا ”12337“ تەكشەسىن ىزدەۋ ارقىلى نەمەسە جۇڭگو چاڭ - ان تورابى، ورتالىق ساياسي - زاڭ كوميتەتى چاڭ - ان سەمسەرى ۋيشىن الەۋمەتتىك تەكشەسى قاتارلى جالعانىمداردى باسىپ كىرۋ ارقىلى، كەز كەلگەن ۋاقىتتا، كەز كەلگەن جەردە، ءارى قولايلى ءارى تەز اشكەرەلەۋ تەكشەسىنە شىعىپ، قاتىستى ينفورماتسيالاردى تولتىرىپ تاپسىرعاننان كەيىن، مەملەكەتتىك قارا كۇشتەردى الاستاۋ، سۇرقيا كۇشتەردى جويۋ كەڭسەسى دەر كەزىندە قابىلدايدى؛

ەكىنشى، قوعام حاۋىپسىزدىگى مينيسترلىگى، مەملەكەتتىك ارىز - ارمان مەكەمەسى، ولكە دارەجەلى قارا كۇشتەردى الاستاۋ، سۇرقيا كۇشتەردى جويۋ كەڭسەلەرى جاريالاعان اشكەرەلەۋ ارنالارى، سونداي - اق تەلەگراف، توراپ، فينانس قاتارلى كاسىپتىك باسقارۋشى تاراۋلار مەن قاتىستى ينتەرنەت تەكشەلەرىنىڭ ارىز - شاعىم، اشكەرەلەۋ جولدارى ارقىلى اشكەرەلەۋ؛

ءۇشىنشى، جەر - جەردىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن تەرەڭدەتۋ كەزىندە جاڭادان جاريالاعان اشكەرەلەۋ ىستىق لەنياسى، اشكەرەلەۋ تەكشەسى، اشكەرەلەۋ ادرەسى پوشتا ساندىعى قاتارلى اشكەرەلەۋ جولدارى.

جوعارىداعى جولدارمەن يە بولعان دەرەكتەر جونىندە ورتالىق ساياسي - زاڭ كوميتەتى بىتىرۋگە تابىستاۋ، ءبىتىرۋدى قۋزاۋ، تەكسەرۋ، جاۋاپ قايتارۋ قاتارلى قىزمەتتەردى بار كۇشپەن ويداعىداي ىستەيدى، قاجەت بولعاندا دارەجەسىن جوعارىلاتىپ، ۇلگى الىپ تەكسەرۋ، قايتا تەكسەرۋ قىزمەتىن باستاپ، ىشكەرىلەي تەكسەرۋدى، ەگجەي - تەگجەيلى تەكسەرۋدى ىلگەرىلەتەدى. سونىمەن بىرگە، دەرەكتەردىڭ قۇپيالىعىن ساقتاۋ، باس اماندىعىن قورعاۋ جانە سيلاۋ، اشكەرەلەۋ ءتۇزىمىن قاتاڭ تياناقتاندىرىپ، بۇقارانى قارا، سۇرقيا كۇشتەرگە ساياتىن دەرەكتەردى ىرىقتىلىقپەن اشكەرەلەۋگە جەتەكتەيدى.

كەلۋ قاينارى: حالىق تورابى