ەلىمىزدىڭ ورتا، شىعىس بولەكتەرىندە تىمىرسىق ىستىق بولادى ەلىمىزدىڭ شىعىس سولتۇستىگىندەگى كوپ جەرىندە ”ىستىق بەلدەۋ ءتۇنى“ جارىققا شىعادى وسى ءبىر اپتاداعى اۋا رايىنان مالىمەتتى كورىڭىزدەر

تاعى ءبىر اپتا باستالدى، وسى اپتاداعى اۋا رايىنىڭ قانداي ەرەكشەلىكتەرى بار؟ ءبىر اپتانىڭ اۋا رايىن ەرتەرەك ءبىلىپ الايىق.

جۇڭگو اۋا رايى مەكەمەسىنىڭ اۋا رايىنا تالداۋ جاساۋشىسى لي نيڭ بىلاي دەدى: ەڭ اۋەلى، جوعارى تەمپەراتۋرا جاعدايىنا نازار اۋدارايىق، جاقىنعى بىرنەشە كۇندە سولتۇستىككە ويىسقان كۇشتى قوسالقى ىستىق بەلدەۋ جوعارى قىسىمى مەن ماۋسىمدىق جەل اعىسىنىڭ ورتاق ىقپالىنا ۇشىراپ، ەلىمىزدىڭ ورتا، شىعىس بولەكتەرىندە اۋا رايى توتەنشە تىمىرسىق بولىپ، شىعىس سولتۇستىكتە جۋىقتان بەرى ”ىستىق بەلدەۋ ءتۇنى“ پايدا بولىپ، تۇنگى ەڭ تومەن تەمپەراتۋرا 25 سەلتسي گرادۋستان جوعارى بولدى، ونىڭ ۇستىنە كوپتەگەن اۋا رايىن باقىلاۋ بەكەتتەرى رەكوردتى بۇزدى، مۇنداي اۋا رايى الدا تاعى 4 تە 5 كۇن جالعاسادى. جيليننىڭ باتىس بولەگى، لياۋنيڭ، بەيجيڭ، تيانجين، حىبەي، حۋاڭحى، حۋايحى وزەندەرىنەن وڭتۇستىك جۇڭگو رايوندارىنا دەيىن ەڭ تومەن تەمپەراتۋرا ءالى دە 25 سەلتسي گرادۋستان اسادى، تۇنگى تىمىرسىق ىستىق اۋا ءالى دە جالعاسادى، چاڭچۇننىڭ ەڭ تومەن تەمپەراتۋراسى 26 دا 27 سەلتسي گرادۋسقا جەتەدى، تيانجيننىڭ ەڭ تومەن تەمپەراتۋراسى 28 دە 29 سەلتسي گرادۋسقا جەتەدى.

تۇنگى قاپىرىق ىستىق قانا ەمەس، كۇندىز ءتىپتى دە ىستىق بولادى، ەلىمىزدىڭ جوعارى تەمپەراتۋرالى اۋا رايى ەكى وڭىرگە بولىنەدى، ءبىرى، قۇرعاق ىستىق بولىپ، باتىس جاقتاعى شينجياڭ، ىشكى موڭعۇل، ەلىمىزدىڭ باتىس بولەگى قاتارلى جەرلەردە پايدا بولادى، بۇل ارا ۇلى قۇرلىقتىڭ جوعارى قىسىمىنىڭ مەڭگەرۋىندە بولىپ كۇنىڭ نۇرى كۇشتى بولادى ءارى قاتتى ىستىق بولادى، ەلىمىزدىڭ شىعىس بولەگىندەگى رايونداردا جالعاستى ”بۋ مونشاداي“ قاتتى ىستىق بولادى. لياۋنيڭنان فۋجيانعا دەيىنگى وڭىرلەردە قوسالقى ىستىق بەلدەۋ جوعارى قىسىمىنىڭ ۇزدىكسىز مەڭگەرۋىندە نەگىزىنەن تىمىرسىق ىستىق، جوعارى تەمپەراتۋرالى، جوعارى ىلعالدى بولادى، ءىشىنارا رايونداردا ەڭ جوعارى تەمپەراتۋرا 37 سەلتسي گرادۋستان اسادى، كەي جەرلەردە 40 سەلتسي گرادۋستان اسادى.

بيىل 13 – ءنومىرلى تايفىڭ داۋىلى ”اق دەلفين“ قازىر ەلىمىزدىڭ شىعىسىنداعى تەڭىز جاعالاۋىنان نەشە مىڭ كيلومەتر قاشىقتىقتا، ونىڭ بوران - شاشىننىڭ ىقپالى بەيسەنبى كۇنى باستالۋى مۇمكىن، ەلىمىزدىڭ شىعىسىنداعى تەڭىز جاعالاۋىندا وسى اپتانىڭ سوڭىندا كورنەكتى بوران - شاشىن بولادى، جوعارى تەمپەراتۋرالى شىلىڭگىر ىستىقتى باسەڭدەتۋمەن بىرگە، جىجياڭ، جياڭشي قاتارلى ولكەلەر تايفىڭ داۋىلىنان تۋىلۋى مۇمكىن بولعان نوسەردەن ساقتانۋى كەرەك.

تاعى ءبىر نوسەرلى جاڭبىر سىچۋان ويپاتى، گۇيجوۋ، يۇنناننىڭ سولتۇستىك بولەگى قاتارلى جەرلەرگە جاۋادى، دۇيسەنبىدەن سەيسەنبىگە دەيىن قوسالقى بيىكتىك جيەگىندەگى جىلى، ىلعالدى اۋا اعىسىنىڭ ىقپالىنا ۇشىرايدى، نوسەرلى جاڭبىر مەن نوسەر ءبىرشاما ءجيى بولادى. سارسەنبىدەن باستاپ ەلىمىزدىڭ باتىس وڭتۇستىگىندەگى رايونداردا قاتتى جاڭبىر ءسال باسەڭدەيدى.

كەلۋ قاينارى: حالىق تورابى