ساياسي جەتەكشىلىكتى كۇشەيتىپ، جاڭالىق اشا دامۋدى تەرەڭدەتىپ، مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ كەرەك

شينحۋا اگەنتتىگىنىڭ 7 ـ ايدىڭ 31 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 7 ـ ايدىڭ 30 ـ كۇنى تۇستەن كەيىن مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ جونىندە 27 ـ رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ”15 ـ بەسجىلدىق“ مەزگىلىندە جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ساياسي جەتەكشىلىكتى كۇشەيتىپ، جاڭالىق اشا دامۋدى تەرەڭدەتىپ، مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتىپ، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە قۋاتتى ستراتەگيالىق تىرەك ازىرلەۋ كەرەك.

ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋى 1 ـ تامىز ارميا مەرەكەسى قارساڭىندا وتكىزىلدى. شي جينپيڭ پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارلىق حالىق ازاتتىق ارمياسىنداعى كوماندير ـ جاۋىنگەرلەردىڭ، قارۋلى ساقشى بولىمىندەگى وفيتسەر ـ اسكەرلەردىڭ، ارمياداعى اكىمشىلىك قىزمەتكەرلەردىڭ، زاپاستاعىلار مەن حالىق جاساقتارىنىڭ مەرەكەسىن قۇتتىقتادى!

ورتالىق اسكەري ىستەر كوميتەتى ستراتەگيالىق جوبا كەڭسەسىندەگى سۇن جىڭ جولداس مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ ماسەلەسى جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ٴارى تالقى جۇرگىزدى.

شي جينپيڭ ٴتۇسىندىرۋدى جانە تالقىنى تىڭداعاننان كەيىن ماڭىزدى ٴسوز سويلەدى. ول بىلاي دەپ اتاپ كورسەتتى: مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋ − جۇڭگو ۇلگىسىندەگى وسىزامانداندىرۋدى ىلگەرىلەتۋدە كەم بولسا بولمايتىن مازمۇن. پارتيا 18 ـ قۇرىلتايىنان بەرى، پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ٴبىر تۇتاس جوسپارلاپ، ارميانى قۇدىرەتتەندىرۋدى، ارميانى گۇلدەندىرۋدى پارتيا مەن مەملەكەت ىستەرىندە كورنەكتى ورىنعا قويىپ، پارتيانىڭ ارمياعا شارتسىز باسشىلىعىنا بۇلجىماي تاباندى بولىپ جانە ونى كۇشەيتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ايقىن العا قويىپ، مەملەكەت قورعانىسى مەن ارميانى وسىزامانداندىرۋدىڭ جاڭا ”ٴۇش قادامعا ٴبولىپ ٴجۇرۋ“ ستراتەگياسىن جوسپارلاپ اتقارىپ، ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم ـ تەحنولوگيا ارقىلى قۇدىرەتتەندىرۋدى، ارميانى دارىندىلار ارقىلى قۇدىرەتتەندىرۋدى، ارميانى زاڭمەن باسقارۋدى جاپپاي ىلگەرىلەتىپ، ٴبىر جاعىنان كۇرەس جۇرگىزىپ، ٴبىر جاعىنان سوعىسقا دايىندالىپ، ٴبىر جاعىنان قۇرىلىس جۇرگىزدى، ارميامىزدىڭ وسىزاماندانۋ دەڭگەيى مەن ناقتى سوعىس جۇرگىزۋ قابىلەتى كورنەكتى جوعارىلاپ، ارميانى قۇدىرەتتەندىرۋ ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى.

شي جينپيڭ بىلاي دەپ باسا دارىپتەدى: ارميانى ساياسي جاقتان قۇرۋ − حالىق ارمياسىنىڭ ارميا بولىپ تۇرۋىنىڭ نەگىزى، مەملەكەت قورعانىسى مەن ارميانى وسىزامانداندىرۋ قۇرىلىسىنىڭ بەتالىسى مەن نەگىزىنە سايادى. پارتيانىڭ ارمياعا شارتسىز باسشىلىعىنا تاباندى بولىپ جانە ونى كۇشەيتىپ، جاڭا داۋىردەگى ارميانى ساياسي جاقتان قۇرۋ جالپى جوباسىن جاپپاي تياناقتاندىرىپ، نازاريامەن قارۋلانۋدى كۇشەيتىپ، يدەيالىق جاقتان ستيل دۇرىستاۋدى تەرەڭدەتىپ، وفيتسەرـ اسكەرلەردىڭ پارتيانىڭ سوزىنە قۇلاق اسۋ، پارتياعا ىلەسۋ يدەيالىق نەگىزىن بەكەمدەپ، ارميانىڭ ماڭگى پارتيانىڭ قولباسشىلىعىنا بويسۇنۋىنا شىنايى كەپىلدىك ەتۋ كەرەك. شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، كەلەلى نىسانداردى باقىلاۋ ـ باسقارۋ جۇيەسىن اقاۋسىزداندىرىپ، ٴتۇرلى قۇرىلىستاردىڭ ساپا نەگىزىنە، قابىلەت نەگىزىنە، كىرشىكسىزدىك نەگىزىنە شىنايى كەپىلدىك ەتۋ كەرەك.

شي جينپيڭ بىلاي دەپ اتاپ كورسەتتى: مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋدىڭ ٴتۇبىرلى بەتالىسى مەن سىننان وتكىزۋ ولشەمى قاي ـ قاشان دا جاۋىنگەرلىك قۋاتتا. ادامسىز زەردەلى تەحنولوگيانى اسكەري ىستەردە قولدانۋدى كۇشەيتىپ، ينتەرنەت ينفورماتسيا جۇيەسى قۇرىلىسىن قولدانۋدى تەرەڭدەتىپ، زەردەلىلەنگەن اسكەري ىستەر جۇيەسىن بىرتىندەپ قۇرۋ كەرەك. سوعىس جۇرگىزۋ قابىلەتى جۇيەسىنىڭ شوعىرلانۋىن كۇشەيتىپ، ناقتى سوعىستىق تەكسەرۋ ـ باعالاۋدى ويداعىداي جۇرگىزىپ، اسكەر جاتتىقتىرىپ سوعىسقا دايىندالۋدى تىڭعىلىقتى ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ٴونىمدى قورعاۋ كەرەك.

شي جينپيڭ بىلاي دەپ باسا دارىپتەدى: ٴبىر تۇلعالانعان مەملەكەتتىڭ ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ − مەملەكەت قورعانىسى مەن ارميانىڭ وسىزاماندانۋىن جوعارى ساپامەن ىلگەرىلەتۋدە، ٴسوز جوق، باسىپ وتەتىن جول. اسكەري ىستەردى باسقارۋدى كۇشەيتىپ، ارمياعا دا، جەرگىلىكتى ورىنعا دا ساياتىن رەفورما مىندەتتەرىن تياناقتاندىرۋمەن ۇشتاستىرىپ، ٴتۇزىلىس ـ مەحانيزمدى ساپالىلاندىرىپ، ساياسات ـ تۇزىمدەردى كەمەلدەندىرىپ، اركىم ٴوز مىندەتىن وتەيتىن، تىعىز ىستەستىك جاساساتىن، جۇيەلى، ٴتارتىپتى ارمياعا دا، جەرگىلىكتى ورىنعا دا ساياتىن قىزمەت جاعدايىن قالىپتاستىرۋ كەرەك. ورتالىق پەن مەملەكەت ورگاندارىنىڭ قاتىستى تاراۋلارى، جەرگىلىكتى پارتكومدار مەن ۇكىمەتتەر مەملەكەت قورعانىسى مەن ارميا قۇرىلىسىن بار كۇشپەن قولداپ، بۇكىل قوعامدا مەملەكەت قورعانىسىنا كوڭىل بولەتىن، مەملەكەت قورعانىسىن قىزۋ سۇيەتىن، مەملەكەت قورعانىسىن كوركەيتەتىن، مەملەكەت قورعانىسىن قورعايتىن قويۋ بەينە قالىپتاستىرۋ كەرەك.