«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى

شينحۋا اگەنتتىگىنىڭ 7 ـ ايدىڭ 31 ـ كۇنى بەيجيڭنەن بەرگەن حابارى. 8 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 15 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «سالاماتتى جۇڭگو قۇرۋدى جەدەلدەتەيىك» اتتى ماڭىزدى ماقالاسى جاريالانادى.

ماقالادا مىنالار باسا دارىپتەلدى: 2035 ـ جىلعا دەيىن سالاماتتى جۇڭگو قۇرۋ − ورتالىق كوميتەت جاساعان ستراتەگيالىق شەشىم، ”15 ـ بەسجىلدىق“ − وسى نىسانانى جۇزەگە اسىرۋدىڭ شەشۋشى مەزگىلى، ٴسوز جوق، ٴبىر تۇتاس جوسپارلاپ ـ جوبالاپ، جەدەل ىلگەرىلەتىپ، شەشۋشى ىلگەرىلەۋشىلىككە قول جەتكىزۋگە قۇلشىنۋ كەرەك.

ماقالادا مىنالار اتاپ كورسەتىلدى: ەلىمىزدىڭ مەملەكەت جاعدايىن شىعار ٴتۇيىن ەتە وتىرىپ، دەنساۋلىق ساقتاۋ جانە سالاماتتىق ىستەرىنىڭ دامۋىن ىلگەرىلەتۋگە تاباندى بولۋ كەرەك. ەلىمىز − سوتسياليستىك مەملەكەت، جان سانى كولەمى اسا زور، قالا مەن اۋىلدىڭ وڭىرلىك پارقى ٴالى ٴبىرشاما زور وركەندەپ كەلە جاتقان مەملەكەت، بۇل ٴبىزدىڭ، ٴسوز جوق، پارتيانىڭ دەنساۋلىق ساقتاۋ جانە سالاماتتىق قىزمەتىنە باسشىلىعىنا تاباندى بولىپ، حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، سالاماتتىقتى الدىمەن دامىتۋ ستراتەگياسىنا تاباندى بولىپ، نەگىزگى ەمدەۋ ـ دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىنا تاباندى بولىپ، دەنساۋلىق ساقتاۋ مەن سالاماتتىقتى دامىتۋدىڭ جۇڭگوشا جولىمەن ٴجۇرۋىمىزدى بەلگىلەگەن. 2016 ـ جىلى ورتالىق جاڭا داۋىردەگى دەنساۋلىق ساقتاۋ جانە سالاماتتىق قىزمەتى باعىتىن ايقىن العا قويدى، ياعني نەگىزگى ساتىنى ٴتۇيىن، رەفورما جاساۋدى، جاڭالىق اشۋدى قوزعاۋشى كۇش، ساقتانۋدى نەگىز ەتىپ، جۇڭي شيپاگەرلىگى مەن باتىسشا شيپاگەرلىككە تەڭ ٴمان بەرىپ، سالاماتتىقتى بارلىق ساياساتپەن توعىستىرىپ، حالىق بىرگە قۇرىپ، بىرگە يگىلىكتەنۋى كەرەك. جاڭا داۋىردەن بەرى، ەلىمىزدىڭ دەنساۋلىق ساقتاۋ جانە سالاماتتىق ىستەرىنىڭ دامۋىندا قول جەتكەن تاريحي تابىستار وسى تالاپتاردىڭ ەلىمىزدىڭ مەملەكەت جاعدايىنا ۇيلەسەتىندىگىن، بۇكىلدەي دۇرىس ەكەندىگىن تولىق دالەلدەدى. كەزەكتە جانە بۇدان بىلايعى ٴبىر مەزگىلدە ەلىمىزدىڭ دەنساۋلىق ساقتاۋ جانە سالاماتتىق قىزمەتىنىڭ جاعدايدىڭ دامۋىنا، وزگەرىسىنە ساي ٴىشىنارا ناقتى ساياسات ـ شارالاردى ساپالىلاندىرۋىنا، كەمەلدەندىرۋىنە تۋرا كەلىپ وتىر، الايدا جۇڭگوشا دەنساۋلىق ساقتاۋ جانە سالاماتتىق دامۋ جولىمەن جۇرۋدەن اۋىتقۋعا بولمايدى، جاڭا داۋىردەگى دەنساۋلىق ساقتاۋ جانە سالاماتتىق قىزمەتى باعىتىن دايەكتىلەندىرۋدەن اۋىتقۋعا بولمايدى. وسى ٴتۇبىرلى ماسەلەلەردە، ٴسوز جوق، باستان ـ اياق وي ـ سانانى سەرگەك ۇستاپ، ستراتەگيالىق تاباندىلىقتى ساقتاۋ كەرەك.

ماقالادا مىنالار اتاپ كورسەتىلدى: سالاماتتى جۇڭگو قۇرىلىسىن ٴتۇيىندى كورنەكتىلەندىرىپ ىلگەرىلەتۋ كەرەك. سالاماتتى جۇڭگو قۇرىلىسى − جۇيەلى ينجەنەريا. حالىق بۇقاراسىنىڭ كۇن سايىن ارتقان كوپ نەگىزدى دەنساۋلىق ساقتاۋ، سالاماتتىق قاجەتى الدىندا تيىمدىلىك جاساۋ كولەمى كەڭ، بىرەۋى ارقىلى بارىنە اسەر ەتەتىن، بارلىق دەنساۋلىق ساقتاۋ جانە سالاماتتىق ىستەرىنە كەلەلى ىقپالى بار قىزمەتتەردى مىقتى يگەرىپ، كۇشتى جانە بايلىقتى شوعىرلاندىرا وتىرىپ ىلگەرىلەتىپ، ۇزدىكسىز تىڭ تابىستارعا قول جەتكىزۋ كەرەك. الەۋمەتتىك دەنساۋلىق ساقتاۋ جۇيەسىن اقاۋسىزداندىرىپ، قوعامدىق بىرگە باسقارۋدى، ەمدەۋ مەن ساقتانۋدى سايكەستىرۋدى، ەمدەۋ مەن ساقتانۋدى توعىستىرۋدى تەرەڭدەتىپ، جۇقپالى اۋرۋلاردان ساقتانۋ ـ تىزگىندەۋدى، باقىلاۋ ـ تەكسەرۋ، ساقتاندىرۋدى، مەديتسينالىق قۇتقارۋ ـ ەمدەۋدى، شۇعىل ٴبىر جاقتى ەتۋدى، ماتەريالدارمەن قامتاماسىز ەتۋدى جانە باقىلاۋ ـ باسقارۋدى كۇشەيتۋ كەرەك. ساپالى، جوعارى ٴونىمدى ەمدەۋ قىزمەت وتەۋ جۇيەسىن قۇرىپ، ەمدەۋ ـ دەنساۋلىق ساقتاۋ نەگىزىن كۇشەيتۋ ينجەنەرياسىن اتقارىپ، جۇڭي شيپاگەرلىگى مەن باتىسشا شيپاگەرلىكتى ۇشتاستىرۋدى ىلگەرىلەتىپ، ساۋىقتىرۋ، كۇتىمدەۋ جانە جايلى ەمدەۋ، كۇتىمدەۋ سياقتى قىزمەت وتەۋدى كەڭەيتۋ كەرەك. اقاۋسىز، وركەنيەتتى تۇرمىس ٴتاسىلىن دارىپتەپ، جالپى حالىقتىڭ سالاماتتىق ساپاسىن ونان ارى جوعارىلاتۋ كەرەك.

ماقالادا مىنالار اتاپ كورسەتىلدى: سالاماتتى جۇڭگو قۇرىلىسىن پارمەندى قامتاماسىز ەتۋ قاجەت. پارتكوم ٴبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن قىزمەت جاعدايىن اقاۋسىزداندىرىپ، سالاماتتىقتى جەبەۋ ساياسات ـ ٴتۇزىم جۇيەسىن كەمەلدەندىرىپ، سالاماتتىق ۇستانىمىن الەۋمەتتىك ساياسات بەلگىلەپ اتقارۋدىڭ تۇتاس بارىسىنا ٴسىڭىرۋ كەرەك. ۇكىمەتتىك شيپاحانالار رەفورماسى مەن ەمدەۋ قامسىزداندىرۋىنىڭ تولەۋ ٴتاسىلى رەفورماسىن تەرەڭدەتىپ، ەمدەۋ، ەمدەۋ قامسىزداندىرۋى، ەمدەۋ ٴدارى ـ دارمەك ىستەرىن سايكەستى دامىتۋ جانە باسقارۋ مەحانيزمىن كەمەلدەندىرۋ قاجەت. عىلىم ـ تەحنولوگيادا جاڭالىق اشۋ جەتىستىكتەرىنىڭ دەنساۋلىق ساقتاۋ، سالاماتتىق سالاسىندا كادەگە جاراۋىن، قولدانىلۋىن ىلگەرىلەتىپ، جالپى حالىقتىڭ سالاماتتىعىن زەردەلىلەندىرۋ قۇرىلىسىن ورگە باستىرۋ كەرەك. دەنساۋلىق ساقتاۋ، سالاماتتىق سالاسىنىڭ پارتيا قۇرىلىسى قىزمەتىن كۇشەيتىپ، قالىڭ ەمدەۋ قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، تاڭداۋلى شيپاگەرلىك ٴمورال مەن شيپاگەرلىك ستيلدى اسقاقتاتىپ، ستيلى پاك ، سالتى دۇرىس كاسىپتىك ورتانى كۇش سالا قالىپتاستىرۋ قاجەت.