قاتىناس – تاسىمال مينيسترلىگى ”تورتتە جاقسى اۋىل – قىستاق جولى“ قۇرىلىسىن ىلگەرىلەتۋ جونىندە ورنالاستىرۋ جاسادى 

حالىق گازەتىنىڭ ءتىلشىسى گان شي تيانجيننەن حابارلايدى. قاتىناس – تاسىمال مينيسترلىگى جۋىردا ”تورتتە جاقسى اۋىل – قىستاق جولىن“ جوعارى ساپالى دامىتۋ جونىندە جۇمىس باسىنداعى ءماجىلىستى اشتى. ماجىلىستە ”تورتتە جاقسى اۋىل – قىستاق جولىن“ جوعارى ساپالى دامىتۋدى ۇزدىكسىز ىلگەرىلەتۋ جونىندەگى كەلەسى ساتىداعى ءتۇيىندى مىندەتتەر جونىندە ورنالاستىرۋ جاسالدى.

ماجىلىستە مىنالار تالاپ ەتىلدى: قازىرگى جانە بۇدان بىلايعى ءبىر مەزگىلدە، اۋىل – قىستاقتاعى تاس جول تورىن ساپالىلاندىرىپ، دارەجەسىن جوعارىلاتۋ، جوبانى اتقارۋدى مىقتى يگەرۋ، اۋىل – قىستاقتا اۋماقتاندىرىلعان، توپتاستىرىلعان فورماداعى توعىستىرىلعان جول تورى قۇرىلىسىن تۇيىندە سىناق ەتۋدى ىلگەرىلەتۋ، اۋىل – قىستاقتاعى تاس جولدىڭ دارەجەسىن جوعارىلاتۋدى ىلگەرىلەتۋ، ۇشتاستىرۋ مەن ءبىر – بىرىمەن تۇتاستىرۋدى كۇشەيتۋ؛ اۋىل – قىستاقتاعى تاس جولدى قورعاۋدى جانە جاڭالاپ وزگەرتۋدى كۇشەيتۋ، تاس جول جاعدايىن اۆتوماتتى تۇردە تەكسەرىپ باعالاۋدى كۇشەيتۋ، قورعاۋ مەن جاڭالاپ وزگەرتۋدى ۇشتاستىرا جۇرگىزۋدى كۇشەيتۋ، جاي تاس جولداردىڭ شۇعىل جاڭالاپ وزگەرتۋگە تۋرا كەلەتىن بولىكتەرىن وڭالتۋ، دارەجەسىن جوعارىلاتۋ جونىندەگى ءۇش جىلدىق ارەكەتتى جەدەل ىلگەرىلەتۋ كەرەك.

سونىمەن بىرگە، اۋىل – قىستاقتاعى قاتىناس حاۋىپسىزدىگىنە كەپىلدىك ەتۋدى كۇشەيتىپ، نەگىزدىك قۇرىلعىلاردىڭ وزىندىك حاۋىپسىزدىك ورەسىن جوعارىلاتۋ، اپاتتىڭ الدىن الۋ، اپاتتىڭ زيانىن ازايتۋ قۋاتىن ارتتىرۋ، تيجارات حاۋىپسىزدىگىن باسقارۋدى كۇشەيتۋ، قۇرىلىستىڭ ساپاسى مەن حاۋىپسىزدىگىنە كەپىلدىك ەتۋ؛ اۋىل – قىستاقتاعى تاسىمال قىزمەتىنىڭ ساپاسىن جوعارىلاتىپ، اۋىل – قىستاقتاعى جولاۋشى تاسىمالىنىڭ ورنىقتى دا باياندى ورىستەتىلۋىن ىلگەرىلەتۋ، قالا مەن اۋىلداعى جولاۋشى تاسىمالى جاعىنداعى قىزمەت وتەۋ ورەسىن جوعارىلاتۋ، اۋىل – قىستاقتاعى زات اينالىمى جاعىنداعى قىزمەت وتەۋ تورىن كەمەلدەندىرۋ، اۋىل – قىستاقتاعى جولاۋشى – جۇك – پوچتا تاسىمالىن توعىسپالى دامىتۋدىڭ ساپاسىن جوعارىلاتىپ، ونىمدىلىگىن ارتتىرۋدى ىشكەرىلەي ىلگەرىلەتۋ كەرەك.

كەلۋ قاينارى: حالىق تورابى