مەملەكەت شوعىرلى ساتىپ الۋعا ۇيىمداستىرعان 12 – توپتاعى ءدارى – دارمەكتەردى شوعىرلى، مولشەرلى ساتىپ الۋ ءۇشىن مەردىگەر شاقىرۋ ناتيجەسى جاريالاندى 

حالىق گازەتىنىڭ ءتىلشىسى سۇن شيۋيان 8 – ايدىڭ 2 – كۇنى بەيجيڭنەن حابارلايدى. جۋىردا مەملەكەت شوعىرلى ساتىپ الۋعا ۇيىمداستىرعان 12 – توپتاعى ءدارى – دارمەكتەردى شوعىرلى، مولشەرلى ساتىپ الۋ ءۇشىن مەردىگەر شاقىرۋ ناتيجەسى جاريالاندى. وسى رەتكى شوعىرلى ساتىپ الۋدا 65 ءتۇرلى ءدارى – دارمەكتى ساتىپ الۋ تۇگەلدەي ءساتتى بولدى، جۇعىمدالۋدى ەمدەۋ، وسپەنى ەمدەۋ، قاننىڭ ۇيۋىنان ساقتانۋ، قانداعى قانت قۇرامىن تومەندەتۋ، قان قىسىمىن تومەندەتۋ، قانداعى ماي قۇرامىن تومەندەتۋ، رەۆماتيزم جانە يممۋنيتەت، قابىنۋدى قايتارۋ جانە اۋىرۋدى باسۋ سياقتى جاقتاردا ۇنەمى قولدانىلاتىن ءدارى – دارمەكتەر قامتىلعان. بۇكىل ەلىمىزدەگى 45 مىڭعا جۋىق ەمدەۋ قۇرىلىمى ساتىپ الۋ مولشەرىن مالىمدەگەن، ءدارى – دارمەك وندىرەتىن كاسىپورىندار وسى رەتكى شوعىرلى ساتىپ الۋعا بەلسەندى ات سالىسقان، 327 كاسىپورىننىڭ 521 ءونىمى تاڭدالۋ تولىمدىلىعىنا يە بولعان.

قازىرگە دەيىن، مەملەكەت شوعىرلى ساتىپ الۋعا ۇيىمداستىرعان 12 –توپتاعى ءدارى – دارمەكتەر كولەمىنە جيىنى 555 ءتۇرلى ءدارى – دارمەك قامتىلعان. ناۋقاستار بيىل جىل سوڭىنا دەيىن 12 – توپتا شوعىرلى ساتىپ الۋ ارقىلى باعاسىن ارزانداتۋعا تاڭدالعان ءدارى – دارمەكتەردى پايدالانا الادى دەپ مەجەلەنگەن.

كەلۋ قاينارى: حالىق تورابى