ەل ىشىندەگى اۋە جولىنىڭ جانار ماي قوسىمشا اقىسى بۇگىننەن باستاپ تاعى دا تومەندەدى

ءتىلشىنىڭ كوپتەگەن اۆياتسيا سەرىكتىكتەرىنەن ۇعىسۋىنشا، بۇگىننەن (8 – ايدىڭ 5 – كۇنى) باستاپ ساتىلاتىن ەل ءىشى اۋە جولى ۇشاق بەلەتىنىڭ جانار ماي قوسىمشا اقىسى تاعى دا تومەندەگەن.

رەتتەلگەننەن كەيىنگى ەل ءىشى اۋە جولىنىڭ جانار ماي قوسىمشا اقىسىنىڭ ولشەمى: 800 كيلومەتردەن ۇزاق اۋە جولىندا ءاربىر ەرەسەك جولاۋشىدان 70 يۋان جانار ماي قوسىمشا اقىسى الىنادى، 800 كيلومەتردەن جاقىن اۋە جولىندا ءاربىر ەرەسەك جولاۋشىدان 40 يۋان جانار ماي قوسىمشا اقىسى الىنادى، رەتتەۋدەن بۇرىنعىمەن سالىستىرعاندا جەكە - جەكە 30 يۋان جانە 10 يۋان تومەندەيدى.

بۇل بيىل 6 ـ ايدان بەرى ەل ءىشى اۋە جولى جانار ماي قوسىمشا اقىسىنىڭ ءۇشىنشى رەت تومەندەتىلۋى، جولاۋشىلاردىڭ ءجۇرىس ـ تۇرىسىنىڭ وزىندىك قۇنىن ونان ارى تومەندەتتى.