شي جينپيڭ تەلەگرامما جولداپ حيچيلەمانىڭ زامبيانىڭ زۇڭتۇڭى بولىپ تاعى دا سايلانعاندىعىن قۇتتىقتادى

شينحۋا اگەنتتىگى، 8 - ايدىڭ 20 - كۇنى، بەيجيڭ. 8 - ايدىڭ 20 - كۇنى مەملەكەت ءتوراعاسى شي جينپيڭ حاكايند حيچيلەماعا تەلەگرامما جولداپ، ونىڭ زامبيا رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: تاياۋ جىلداردان بەرى ءبىز ەكى رەت ديدارلاسىپ، جۇڭگو - زامبيا قاتىناسىنىڭ دامۋىنا بىرگە جەتەكشىلىك ەتتىك. ەكى ەلدىڭ ساياسي سەنىمدىلىگى ۇزدىكسىز تەرەڭدەپ، ناقتى سەلبەستىگىندە سۇبەلى تابىستارعا قول جەتىپ، كوپ جاقتى ىستەردە تىعىز ۇيلەستى جانە سايكەستى. مەن جۇڭگو - زامبيا قاتىناسىنىڭ دامۋىنا ايرىقشا ءمان بەرەمىن، حيچيلەما زۇڭتۇڭمەن بىرگە قۇلشىنىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرىپ، ءداستۇرلى دوستىقتى ساۋلەلەندىرىپ، ءوزارا قولداۋدى بەكەمدەپ، ءوزارا ءتيىمدى سەلبەستىك دەڭگەيىن ۇزدىكسىز جوعارىلاتىپ، جۇڭگو مەن زامبيانىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى