جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ جاڭ لۋعا ”2 - دارەجەلى عارىش ۇلەسكەرى مەدالىن“ بەرۋ، ۋ فەي، جاڭ حۇڭجاڭعا ”قاھارمان عارىشكەر“ داڭقتى اتاعىن بەرۋ ءارى ”3 - دارەجەلى عارىش ۇلەسكەرى مەدالىن“ بەرۋ جونىندەگى ۇيعارىمى

2025 - جىلى 10 - ايدىڭ 31 - كۇنى شىنجوۋ 21 - ءنومىرلى عارىشكەرلى الەم كەمەسى ءساتتى ۇشىرىلىپ، عارىشكەر جاڭ لۋ، ۋ فەي، جاڭ حۇڭجاڭدار الەم كەمەسىنە وتىرىپ تيانحى وزەكتى بولمەسىنە ءساتتى كىرىپ، وربيتادا 7 اي تۇرىپ، ىلگەرىندى - كەيىندى 3 رەت كابينادان شىعۋ قيمىلىن جۇرگىزىپ، 110 نەشە ءتۇرلى كەڭىستىك بەكەتى قۇرىلىسىنىڭ دارەجەسىن جوعارىلاتۋ، قورعاۋ، جوندەۋ مىندەتىن ورىنداپ، ءبىر قىدىرۋ كەڭىستىك عىلمي تاجىريبەلەرى مەن تەحنيكالىق سىناقتارىن ورىستەتىپ، 2026 - جىلى 5 - ايدىڭ 29 - كۇنى جەر بەتىنە امان - ەسەن ورالدى. شىنجوۋ 21 - ءنومىرلى الەم كەمەسىنىڭ ادام الىپ ۇشۋ مىندەتى − ەلىمىزدىڭ عارىشقا ادام الىپ ۇشۋ ينجەنەرياسىنىڭ كەڭىستىك بەكەتىن قولدانۋ جانە دامىتۋ كەزەڭىنە وتۋدە 6 - رەتكى عارىشقا ادام الىپ ۇشۋ مىندەتى بولىپ، شىنجوۋ الەم كەمەسى مەن كەڭىستىك بەكەتىنىڭ ءتۇيىلىسۋى ەڭ تەز بولۋ رەكوردىن جاراتىپ، جۇڭگو عارىشكەرلەرى جەكە گرۋپپاسىنىڭ وربيتادا تۇرۋ ۋاقىتى ەڭ ۇزاق بولۋ رەكوردىن جاڭالادى، بۇل جۇڭگونىڭ عارىش ىستەرىنىڭ جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋگە تىڭ قادام تاستاپ، ەلىمىزدىڭ جالپىلىق مەملەكەت قۋاتى مەن جۇڭحۋا ۇلتىنىڭ ۇيىسۋ قۋاتىن جوعارىلاتقاندىعىنان دەرەك بەرەدى ءارى بۇكىل جۇڭحۋا ۇلاندارىنىڭ ۇلتتىق سەنىمى مەن ماقتانىش سەزىمىن ونان ارى كۇشەيتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن اسقاق جىگەرمەن ۇدەرە العا تارتۋعا شابىتتاندىرۋدا كەلەلى ماڭىز الادى.

شىنجوۋ 21 - ءنومىرلى الەم كەمەسىنىڭ ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم - تەحنيكا قىزمەتكەرلەرىنىڭ، عارىشكەرلەردىڭ، كادرلار مەن جۇمىسشى - قىزمەتكەرلەردىڭ، ازاتتىق ارميا كوماندير - جاۋىنگەرلەرىنىڭ اقىل - پاراساتى مەن جۇرەك قانى سىڭگەن. جاڭ لۋ، ۋ فەي، جاڭ حۇڭجاڭ قاتارلى جولداستار − سولاردىڭ كورنەكتى ۋاكىلدەرى، ولار ءبىر نيەت، ءبىر تىلەكپەن پارتياعا ادال بولىپ، بورىشقا ادال بولىپ، حاۋىپ - قاتەردەن قورىقپاي، جاۋاپكەرشىلىكتى باتىلدىقپەن ارقالاپ، دۇنيە جۇزىنە قۇدىرەتتى جۇڭگولىق بولۋ جىگەرىن، جالىنىن، سەنىمىن ايگىلەدى. جاڭ لۋ جولداس 2 جىلدان كەيىن عارىشقا تاعى شىعىپ، قولباسشىلىق مىندەتىن اتقارىپ، جيىنى 7 رەت كابينا سىرتىنا شىعىپ قيمىل ورىستەتىپ، جۇڭگو عارىشكەرلەرىنىڭ كابينادان شىعۋ قيمىلىنىڭ جاڭا رەكوردىن جاراتتى. ۋ فەي جولداس قايراتتانا العا ۇمتىلىپ، قاجىرلىلىقپەن جاتتىعىپ، تۇڭعىش رەت عارىشقا ۇشتى، ياعني 3 رەت كەمە بولمەسىنەن شىعىپ، ەلىمىزدىڭ عارىشقا ادام الىپ ۇشۋ مىندەتىن اتقارعان ەڭ جاس عارىشقا ۇشۋ ينجەنەرىنە اينالدى. جاڭ حۇڭجاڭ جولداس ورنىقتى، تەحنيكاعا جەتىك، كوتەرىمدىلىك مامانى رەتىندە داڭقپەن شىنجوۋ 21 - ءنومىرلىنى ۇشىرۋ گرۋپپاسىنا تاڭدالىپ، كەڭىستىككە باعىتتالعان ءبىر قىدىرۋ تاجىريبەلەردى ءساتتى ورىندادى. ولاردىڭ ەلىمىزدىڭ عارىشقا ادام الىپ ۇشۋ ىستەرىنە قوسقان ەرەن ەڭبەكتەرىن ماداقتاۋ - سيلاۋ ءۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جاڭ لۋ جولداسقا ”2 - دارەجەلى عارىش ۇلەسكەرى مەدالىن“ بەرۋدى، ۋ فەي، جاڭ حۇڭجاڭ جولداسقا ”قاھارمان عارىشكەر“ داڭقتى اتاعىن بەرۋدى ءارى ”3 - دارەجەلى عارىش ۇلەسكەرى مەدالىن“ بەرۋدى ۇيعاردى.

جاڭ لۋ، ۋ فەي، جاڭ حۇڭجاڭ جولداستار اۋەلگى ماقساتتى ۇمىتپاي، بورىشتى ەستە بەرىك ساقتاپ، قاستەرلى ىسكە وزدەرىن ارناعان ءداۋىر اۆانگاردتارى، الەمدى زەرتتەۋدىڭ، عارىش كەڭىستىگى ارمانىنا قانات قاعۋدىڭ، عارىش ىستەرىندە قۇدىرەتتى ەل قۇرۋدىڭ ونەگەلى ۇلگىلەرى. پارتيا ورتالىق كوميتەتى مىناعان ۇندەيدى: بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋىن مۇقيات تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكى بومبى، ءبىر جاساندى سەرىك“ رۋحى مەن عارىشقا ادام الىپ ۇشۋ رۋحىن بار كۇشپەن اسقاقتاتىپ، ماداقتالىپ - سيلانعان عارىشكەرلەردى ۇلگى ەتىپ، ءسوزسىز، جەڭىسكە جەتۋ سەنىمىن بەكەمدەپ، اسقاق جىگەردى ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەيىك.

(شينحۋا اگەنتتىگى، 8 - ايدىڭ 20 - كۇنى، بەيجيڭ)

كەلۋ قاينارى: حالىق تورابى