سيرەك كەزدەسەدى! تايفىڭ داۋىلى ”ساۋدەل“ قايتا ”جانداندى“، ەڭ جاڭا باعدارى مىناداي

9 – ايدىڭ 1 – كۇنى ساعات 6 دا ورتالىق اۋارايى ستانسياسى تايفىڭ داۋىلىنان ساقتانۋدىڭ كوك ءتۇستى ساقتىق دابىلىن جاريالادى:

بيىلعى 18 – ءنومىرلى تايفىڭ داۋىلى ”ساۋدەل“ السىرەگەننەن كەيىنگى قالدىق قۇيىن ۇلعايا كەلە تروپيكالىق تومەن قىسىم قالىپتاستىردى، بۇگىن تاڭەرتەڭ نانحاي تەڭىزىنىڭ سولتۇستىك – باتىس بولەگىندە قايتادان تايفىڭ داۋىلىنا (تروپيكالىق داۋىل دارەجەسىندە، بۇل رەتكى تايفىڭ داۋىلىن ورتالىق اۋارايى ستانسياسى بۇرىنعى ”ساۋدەل“ دەگەن اتاۋىمەن اتاي بەرەدى، 2618 دەگەن ءنومىرىن دە وزگەرتپەي ساقتايدى) اينالدى، بۇگىن تاڭەرتەڭ ساعات 5 تە ونىڭ سەنترى گۋاڭدۇڭ ولكەسى شانۋي قالاسىنىڭ باتىس – وڭتۇستىك باعىتىنان شامامەن 480 كيلومەتر قاشىقتىقتاعى نانحاي تەڭىزىنىڭ باتىس - سولتۇستىك بولەگىندەگى تەڭىز ايدىنىندا بولدى، ورتالىعىنىڭ ماڭىنداعى ەڭ زور جەل كۇشى 8 بالعا (سەكۋندىنا 18 مەتر) جەتتى، سەنترىندەگى ەڭ تومەن اتموسفەرالىق قىسىمى 995 گەكتوپاسكال بولدى.

مەجەگە قاراعاندا، ”ساۋدەل“ ساعاتىنا شامامەن 25 كيلومەتر جىلدامدىقپەن شىعىس – سولتۇستىك باعىتقا قاراي جىلجيدى، جەل قۋاتىندا كوپ وزگەرىس بولمايدى، بۇگىن كۇندىز نانحاي تەڭىزىنىڭ شىعىس - سولتۇستىك بولەگىندەگى تەڭىز ايدىنىنا وتەدى، 9 - ايدىڭ 3 – كۇننەن باستاپ نانحاي تەڭىزىنىڭ شىعىس - سولتۇستىك بولەگىندە اينالسوقتاپ، بىرتە – بىرتە السىرەيدى.

وسىنىڭ الدىندا، بيىلعى 18 – ءنومىرلى تايفىڭ داۋىلى ”ساۋدەل“ السىرەگەننەن كەيىنگى تروپيكالىق تومەن قىسىم 8 – ايدىڭ 30 – كۇنى تاڭەرتەڭ گۋاڭشيعا جەتكەننەن كەيىن، جەل كۇشى اناعۇرلىم السىرەپ، ورتالىق اۋارايى ستانسياسى سول كۇنگى ساعات 17 دە ونى نومىرلەۋدى توقتاتقان بولاتىن.

كەلۋ قاينارى: حالىق تورابى