شي جينپيڭ رەسەيدىڭ زۇڭتۇڭى پۋتينمەن كەزدەستى

سول جەر ۋاقىتى 8 - ايدىڭ 30 - كۇنى تۇستەن كەيىن مەملەكەت ءتوراعاسى شي جينپيڭ بىشكەكتە 2026 - جىلعى شاڭحاي سەلبەستىك ۇيىمىنىڭ باسشىلار ماجىلىسىنە قاتىناسۋ كەزىندە رەسەيدىڭ زۇڭتۇڭى پۋتينمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

«حالىق گازەتى»، 8 - ايدىڭ 31 - كۇنى، بىشكەك (تىلشىلەر حۋاڭ چاۋ، چىن شىحان). سول جەر ۋاقىتى 8 - ايدىڭ 31 - كۇنى تۇستەن كەيىن مەملەكەت ءتوراعاسى شي جينپيڭ بىشكەك قالاسىندا 2026 - جىلعى شاڭحاي سەلبەستىك ۇيىمى باسشىلار ماجىلىسىنە قاتىناسۋ كەزىندە رەسەيدىڭ زۇڭتۇڭى پۋتينمەن كەزدەستى.

شي جينپيڭ بىلاي دەپ اتاپ كورسەتتى: بيىل 5 - ايدا پۋتين زۇڭتۇڭنىڭ جۇڭگوداعى مەملەكەتتىك ساپارى ءساتتى بولدى، ءبىز ستراتەگيالىق جانە ۇزاق بولاشاقتىق تۇرعىدان ەكى ەل قاتىناسىنىڭ اناعۇرلىم جوعارى ساپاعا، اناعۇرلىم جوعارى دەڭگەيگە قاراي دامۋىنا جەتەكشىلىك ەتۋ جونىندە ورنالاستىرۋ جاساپ، جاڭا جاعدايدا جۇڭگو مەن رەسەيدىڭ ءار سالاداعى سەلبەستىگىن تەرەڭدەتۋ جونىندە ورتاق تانىمعا كەلدىك. ەكى ەلدىڭ باسقارۋشى تاراۋلارى بەلسەنە تياناقتاندىرىپ، كوپتەگەن تابىستارعا قول جەتكىزدى، ەكى جاقتىڭ اۋىس - كۇيىسى، سەلبەستىگى قارىشتاپ دامۋ جاعدايىن ساقتاپ كەلەدى. ءبىزدىڭ ستراتەگيالىق جەتەكشىلىگىمىز بەن ەكى جاقتىڭ بىرگە قۇلشىنۋىندا، جۇڭگو - رەسەي قاتىناسىنىڭ دامۋ نەگىزىنىڭ اناعۇرلىم نىعايىپ، اياق الىسىنىڭ اناعۇرلىم بەكەمدەلىپ، بولاشاعىنىڭ اناعۇرلىم نۇرلى بولاتىندىعىنا سەنەمىن.

شي جينپيڭ بىلاي دەپ باسا دارىپتەدى: قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، حالىقارالىق جاعدايدا تۇراقسىز، مەجەلەۋ قيىن فاكتورلار كورنەكتى كوبەيدى، الايدا ءار ەل حالقىنىڭ بەيبىتشىلىك، دامۋ، سەلبەستىك، تەڭ يگىلىككە كەنەلۋ تالپىنىسى وزگەرگەن جوق. شاڭحاي سەلبەستىك ۇيىمى وڭىرلىك ورنىقتىلىقتى قورعاۋ، وڭىرلىك دامۋدى جەبەۋ سىندى ماڭىزدى بورىشتى ارقالاپ وتىر. جۇڭگو جاق رەسەي جاقتى قامتىعان ءارقايسى جاقپەن بىرگە ۇيىمنىڭ دامۋ ۇلى جوسپارىن بىرگە اقىلداسىپ، ۇيىمنىڭ ورنىقتى، باياندى دامۋىنا دەم بەرىپ، دۇنيە ءجۇزىن جونگە سالۋ رەفورماسىنا جەتەكشىلىك ەتەتىن، تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن ىلگەرىلەتەتىن كۇشتەردى زورايتۋدى قالايدى.

پۋتين مىنالاردى ءبىلدىردى: اۋمالى دا توكپەلى، كۇردەلى حالىقارالىق جاعداي الدىندا، رەسەي مەن جۇڭگو جان - جاقتى ستراتەگيالىق سەلبەستىكتى ۇزدىكسىز تەرەڭدەتىپ، تەڭدىككە، ءوزارا سەنىمدىلىككە، ءوزارا قولداۋعا تاباندى بولدى، ءار سالاداعى سەلبەستىك جەدەل دامىدى، رەسەي - جۇڭگو قاتىناسى مەملەكەتتەر ارا قاتىناستىڭ ۇلگىسىنە اينالدى. رەسەي جاق جۇڭگو جاقپەن جوعارى جىكتەگىلەردىڭ بارىس - كەلىسىن ساقتاپ، ساۋدا، ەنەرگيا، ونەركاسىپ، قاتىناس، عىلىم - تەحنيكا سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - كۇيىستى جيىلەتىپ، ەكى ەل قاتىناسىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتۋدى قالايدى. ءار جاقتىڭ بىرگە قۇلشىنۋىندا، شاڭحاي سەلبەستىك ۇيىمى ماڭىزدى حالىقارالىق ىقپالعا يە، جاندى دا جوعارى ءونىمدى وڭىرلىك سەلبەستىك تۇعىرىنا اينالدى، رەسەي مەن جۇڭگو ۇيىم ىشىندەگى ىنتىماقتى، سەلبەستىكتى ۇزدىكسىز كۇشەيتىپ، جەتەكشىلىك رولىن ساۋلەلەندىرۋى كەرەك. رەسەي جاق جۇڭگو جاقپەن بىرلەسكەن مەملەكەتتەر ۇيىمى، بريكس مەحانيزمى، 20 ەل توبى سياقتى كوپ جاقتى مەحانيزمدەگى سايكەسۋدى، سەلبەسۋدى كۇشەيتۋدى قالايدى، جۇڭگو جاقتىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي كەڭەسىن ويداعىداي وتكىزىپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن بىرگە قورعاۋىن قولدايدى.

ەكى ەل باسشىلارى ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە پىكىر اۋىستىردى.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى