شي جينپيڭ مەن پىڭ لييۋان ەگيپەتتىڭ زۇڭتۇڭى سيسيمەن جانە ونىڭ حانىمىمەن بىرگە ۇلكەن ەگيپەت مۇراجايىن ەكسكۋرسيالادى

سول جەر ۋاقىتى 9 - ايدىڭ 2 - كۇنى تۇستەن كەيىن مەملەكەت ءتوراعاسى شي جينپيڭ مەن حانىمى پىڭ لييۋان ەگيپەتتىڭ زۇڭتۇڭى سيسي مەن حانىمى يتيساردىڭ سەرىك بولۋىندا ۇلكەن ەگيپەت مۇراجايىن ەكسكۋرسيالادى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 9 - ايدىڭ 2 - كۇنى، كايرو (تىلشىلەر جياۋ شياڭ، رىن حاۋيۇي). سول جەر ۋاقىتى 9 - ايدىڭ 2 - كۇنى تۇستەن كەيىن مەملەكەت ءتوراعاسى شي جينپيڭ مەن حانىمى پىڭ لييۋان ەگيپەتتىڭ زۇڭتۇڭى سيسي مەن حانىمى يتيساردىڭ سەرىك بولۋىندا ۇلكەن ەگيپەت مۇراجايىن ەكسكۋرسيالادى.

گيسا ۇستىرتىندە مىڭ جىلعا سوزىلعان يھرامدار شوعىرى ايبىنى اسقاق ۇلكەن ەگيپەت مۇراجايىمەن ءوزارا كورىك قوسۋدا.

شي جينپيڭ مەن پىڭ لييۋان مۇراجايعا كەلگەندە، سيسي مەن حانىمى ىستىق ىقىلاسپەن قارسى الدى. ەكى ەلدىڭ مەملەكەت باسشىلارى مەن حانىمدارى كورمە زالىنا بىرگە كىرىپ، رامەسەس II ءمۇسىنىنىڭ الدىندا بىرگە سۋرەتكە ءتۇسىپ، مۇراجاي جانە ەجەلگى ەگيپەت تاريحى جونىندەگى تانىستىرۋدى تىڭدادى.

ەكى ەل مەملەكەت باسشىلارى مەن ولاردىڭ حانىمدارى جاقتاۋلى باسپالداققا شىعىپ، كوركەم دە ايبىندى تاس ويمالاردى، بىتىك تاستاردى، عيباداتحانانىڭ ۇشكىر توبەسىن قىزىعا تاماشالادى، ونان سوڭ كورىنىس تەكشەسىنىڭ الدىندا تۇرىپ پيراميدا شوعىرىنا كوز سالدى. ەكى ەلدىڭ مەملەكەت باسشىلارى تۋتانكامۇن كورمە زالىنا كىرىپ، پەرعاۋىننىڭ پاتشا تاعى، التىن بەت قالقا، پاتشا اۋلەتىنىڭ سوعىس كولىگى سياقتى باعالى بۇيىمداردى تاماشالادى.

شي جينپيڭ بىلاي دەپ اتاپ كورسەتتى: جۇڭگو مەن ەگيپەت ەكەۋى دە وركەنيەتتى بايىرعى ەل جانە دۇنيە جۇزىلىك مۇرالارداعى ءىرى ەل، ەكى ۇلكەن وركەنيەت ۋاقىت پەن كەڭىستىكتەن اتتاپ ءوتىپ، قوس باعىتتا ۇزاق ۋاقىت ىلگەرىلەپ، ەكى ەل حالقىنىڭ ۇرپاقتان - ۇرپاققا جالعاسقان دوستىعىنىڭ تاراۋىن ۇزدىكسىز جازدى. ەكى جاق تەرەزەسى تەڭ، ءوزارا ۇلگى الاتىن، تىلدەسەتىن، سيىسىمدى وركەنيەت كوزقاراسىن ساۋلەلەندىرىپ، دۇنيە جۇزىلىك وركەنيەت باستاماسىن امالياتتا ايگىلەپ، تۇرلىشە وركەنيەتتىڭ سيىسىمدى قاتار ءومىر ءسۇرۋىن، اۋىس - كۇيىس جاساپ، ءوزارا ۇلگى الۋىن بىرگە ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم كوپ وركەنيەت كۇشىن توپتاۋى كەرەك.

سيسي ءتوراعا شي جينپيڭنىڭ ۇلكەن ەگيپەت مۇراجايىندا بىلتىر مۇراجاي اشىلعان كەزدە حات جولداپ قۇتتىقتاعانىنا العىس ايتىپ، مىنالاردى ءبىلدىردى: بايىرعى ەگيپەت وركەنيەتى مەن جۇڭحۋا وركەنيەتىنىڭ بارلىعىندا ”سيىسىمدى بولۋ، قامتىمدى بولۋ، كوپ نەگىزدى بىرگە ءومىر ءسۇرۋ“ ەرەكشەلىگى بار، ءتوراعا شي جينپيڭ العا قويعان دۇنيە جۇزىلىك وركەنيەت باستاماسى ۇستانىمىمەن وسكەلەڭ سايكەسەدى. ەگيپەت جاق جۇڭگو جاقپەن گۋمانيتارلىق اۋىس - كۇيىستى جيىلەتىپ، وركەنيەتتەردىڭ ءوزارا ۇلگى الۋىن ىلگەرىلەتىپ، دۇنيە ءجۇزىن اناعۇرلىم جاراسىمدى، سيىسىمدى ەتۋدى قالايدى.

ساي چي، ۋاڭ ي قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى