شي جينپيڭ تەلەگرامما جولداپ، نورۆەگيانىڭ پاتشاسى حاكون VIII دىڭ تاققا وتىرعاندىعىن قۇتتىقتادى

شينحۋا اگەنتتىگى، 9 - ايدىڭ 2 - كۇنى، بەيجيڭ. 9 - ايدىڭ 2 - كۇنى مەملەكەت ءتوراعاسى شي جينپيڭ نورۆەگيانىڭ جاڭادان تاعايىندالعان پاتشاسى حاكون VIII گە قۇتتىقتاۋ تەلەگرامماسىن جولداپ، ونىڭ تاققا وتىرعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن نورۆەگيانىڭ ارالىعى الىس بولعانىمەن، دوستىعىنىڭ تامىرى تەرەڭ. نورۆەگيا − جاڭا جۇڭگونى ەڭ ەرتە مويىنداعان جانە ديپلوماتيالىق قاتىناس ورناتقان ەۆروپا ەلدەرىنىڭ ءبىرى. ەكى ەل ديپلوماتيالىق قاتىناس ورناتقان 72 جىلدان بەرى نورۆەگيا پاتشا اۋلەتىنىڭ بەلسەنە جەبەۋىندە ەكى جاقتى قاتىناس ارشىندى قاداممەن العا باسىپ، ءار سالاداعى سەلبەستىك ۇزدىكسىز كەڭەيىپ، ەكى ەل حالقىنا ناقتى پايدا جەتكىزدى. مەن جۇڭگو - نورۆەگيا قاتىناسىنىڭ دامۋىنا ايرىقشا ءمان بەرەمىن، حاكون VIII پاتشامەن بىرگە قۇلشىنىپ، جۇڭگو - نورۆەگيا دوستىق بارىس - كەلىسىنىڭ جاڭا تاراۋىن جازۋدى قالايمىن.

كەلۋ قاينارى: حالىق تورابى